Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Serbia: Etazonia An'i Barack Obama, Zava-baovao Iray Ho An'izao Tontolo Izao?

(Fanamarihana: lahatsoratra nivoaka tamin'ny Novambra 2008)

Naratra mafy ny fon'ireo Serbia noho ny fanohanan'i Etazonia ny faritanin'i Kosovo Metohia [ang/serba] mikasika ny volavolan-dalàna momba ny fahaleovantena, izay nofidian'izy ireo tamin'ny fiandohan'ny taona. Tsy manam-panantenana mihitsy izy ireo hahita fanovàna ao anatin'ny diplomasia amerikana, izay tarihin'ny filoham-pirenena vaovao Barack Obama [ang]. Na dia tokony mbola haverina hotendrena aza ireo mpiasam-panjakana taloha amin'ny Departemantam-panjakana toa an'i Richard Holbrooke [ang], toa tahàka ny ho afaka hino vanim-potoana firahalahiana [ang] iray vaovao ireo Serba sy izao tontolo izao, ary fiarahamiasa nanomboka tamin'ireo fifidianana filoham-pirenena amerikana vao haingana.

Manambara [amin'ny fiteny serba] i Nemanja Avramović fa mety tsy hisy fanovàna manan-danja mihitsy mikasika ny politika amerikana manoloana an'i  Serbia [ang]. Kanefa, mbola manantena zavatra tsara izy:

Barack Obama no filoham-pirenena vaovao ao Etazonia. Heveriko fa tsy mety hisy zava-baovao ho an'i Serbia izany (na inona na inona, mivantana be) satria tsy hiova ny politika amerikana mikasika an'i Serbia sy Kosovo. Na izany aza, raha toa tena manaja ireo fampanantenany tamin'ireo fifidianana ny filoham-pirenena vaovao dia tokony hihatsara ny toe-draharaha eran'izao tontolo izao, na ho kely monja aza, ary noho izany ho an'i Serbia koa fa tsy mivantana.

Mieritreritra [amin'ny fiteny serba] (SRP) i Sivi Soko (”ilay Papango Volondavenona”) fa ny teny filamatra hoe “Fanovàna” an'i Obama dia manakaiky ny an'ilay fampielezankevitry ny filoham-pirenena serba Boris Tadić [ang] “Fiainana Mendrika iray”, ary ho an'ny fampielezankevitra amin'ny fifidianana ihany no misy lanjany.

Nandefa andrana iray [amin'ny fiteny serba] an'i Srđa Trifković [ang] ny gazety mpiseho isanandro iray Glas Javnosti [ang] mikasika ny mety ho fiantraikan'ireo fifidianana amerkàna ao Serbia […]

[…] Kanefa, fantantsika fa ny tariky ny “tetezamita” dia nanendry mpiasan'ny Departemantam-panjakana taloha fony fitantanan'i Bill Clinton. Miasa amin'ny Albright Group ny iray tamin'ireo, orinasa iray an'i Madeleine Albright […] [amin'ny fiteny anglisy avokoa ireo rohy rehetra]

” Ny mety ho hany tokana hanaovana fanovàna lehibe ao anatin'ireo fifandraisana misy eo amin'i Etazonia sy ireo Balkans, dia ny fametrahan'i Serbia amin'ny toerany politika ara-diplomatika iray tena masiatsiaka. Miaraka amin'ny governemantan'i Belgrade ankehitriny, tsy azo lavina, na ahoana na ahoana, fa tsy ho tanteraka izany.”

Ao anaty lahatsoratra iray hafa manampy i Sivi Soko [serba] hoe:

Efa noeritreretinareo fotsiny ve fa ny hafaliam-po izay tsapan'ireo Amerikana sasantsasany amin'i Barack Hussein Obama, dia mitovitovy amin'ilay an'ireo Serba sasantsasany manoloana an'i Slobodan Milošević [ang]? Nampanantena fanovàna ireo lehilahy roa mpanao politika ireo.

[…]

Mety ho tsara ny fanendrena an'i  Rahm Emanuel [ang] ho eo amin'ny fitarihana ny kabinetra, satria izy dia efa iray tamin'ireo mpikambana tena navitrika indrindra tao amin'ny komity serba ao amin'ny Kaongresy izy. Na izany aza, ny hitoetra ho tena tondro dia ny safidin'i Obama eo amin'ny fitarihana ny Diplomasia. Raha mifidy an'i Richard Holbrooke [ang] izy, tena ho henjana ireo fifandraisana ho avy miaraka amin'i Serbia.

Mivazivazy na tsia i Rivera raha miteny hoe:

[…] Leo an'ireo olana eto amin'ny firenentsika aho […]. Andao tonga dia hanitsy ny dia ho any Havane! Mbola velona foana i Fidel Castro [ang] ary afaka mahita filoham-pirenena amerikana vaovao amin'ny fahavelomany. Sambany, miteny zavatra tsara izy amin'ny lohahevitra mikasika ny iray amin'izy ireo, “lehilahy mahira-tsaina i Obama.”

Heverontsika vetivety anie ho toa inona ny fihaonana misy eo amin'i Fidel sy Raul Castro [ang] sy ny filoham-pirenena amerikana Barack Obama, eny amorontsiraka kiobàna. Hisotro coca-cola-rhum izy ireo miaraka amina gilasy betsaka, ary hanao firariantsoa. Mety hiteny i Barack hoe:

“Ary avy eo lelikeeee, andao adinoina ny lasa. Andao hivadika zavatra hafa!”
A cela, je dis “Hourra!”   …………….Hoy aho momba an'io hoe “Oeeee!”

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.