Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Arzantina: Diego Maradona, Mpanazatra Vaovao Ho An'ny Baolina Kitra Arzantina

(Fanamarihana: lahatsoratra nivoaka tamin'ny Oktobra 2008)

Sary an'i JMRobledo nampiasàna ny fahazoandalàna Creative Commons.

Rehefa mivahiny any ivelany ireo Arzantina, mifarana foana amin'ny fitanisàna ny anarana “Maradona” ireo resadresaka ifanaovana amin'ireo mponina eo an-toerana. Diego Maradona no mety ho Arzantina tena malaza indrindra eran'izao tontolo izao, ary na ny bitika indrindra amin'ireo fihetsika ataony aza  dia misoratra ho lohateny lehibe. Araka izany, vaovao iraisam-pirenena manan-danja ny naha-voatendry azy ho mpanazatra ny ekipam-pirenena arzantina amin'ny lalao baolina kitra. Taorian'ny fialàn'i Alfio Basile, sy ireo vokatra tsy dia namirapiratra loatra, nampitaintaina ny rehetra ny fotoana lavabe napetraky ny Federasiona Arzantina ny Lalao Baolina Kitra hisafidianana tamin'ireo kanidà marobe ho eo amin'ny toeran'ny mpanazatra. Ankehitriny, manontany tena ireo arzantina hoe nahoana no ilay mpanao baolina kitra goavana erantany no hipetraka ho mpanazatra fotsiny ary ho afaka hiantoka ny voninahi-pireneny ve izy amin'ny Amboara Erantany amin'ny taona 2010.

Eo amin'ny blaogy E-Blog [amin'ny fiteny espanola], Leandro Zanoni miaro ny fifidianana an'i Maradona ary manoratra hoe:

La Asociación del Fútbol Argentino (AFA) hizo justicia con la historia. Nadie hoy por hoy merece el puesto más que Diego…Grondona se dio cuenta de que hoy la selección necesita otra cosa, un golpe de timón, un motivador y un líder a quien respetar y no tanto título local acumulado.

Vao avy nanoratra amin'ny fomba tsara ny  tantara ny Fikambanan'ny Mpanao Baolina Kitra Arzantina (AFA). Tsy misy olona mendrika io toerana io afa-tsy i Diego, amin'izao fotoana izao… Nazava tamin'i Grondona (filohan'ny AFA) fa mila zavatra hafa ny ekipam-pirenena, olona iray tena mandray an-tanana, mandrisika, mpitarika iray tokony hajaina fa tsy hoe fotsiny nahazo loka marobe teo an-toerana.

Eo amin'ny World Cup Blog, raisina koa ny fiarovana an'i Maradona amin'ny teny anglisy.

Ho azy, ny BlogBis [amin'ny fiteny espanola] mitsikera ny fifidianana an'i Maradona tao anatin'ireo kandidà tsara indrindra:

Sobran entrenadores capacitados y profesionales en el país. Pero no se opta por primar la profesionalidad ni la capacidad sino por conceptos tales como “pasión por la camiseta”, “dá ánimos a los jugadores”, etc”… Como jugador hizo historia pero como entrenador ha sido lamentable. Pero sus antecedentes no valen aquí. La adoración endiosada es lo que ha ganado

Mpanazatra manana traikefa sy matihanina marobe no misy ao amin'ny firenena. Ry zareo tsy nifidy ny fahaizamanao, ny hakingana, fa ireo fotokevitra sahala toy ny hoe “Ny fitiavana ny akanjo manokan'ny tarika”, “mandrisika ireo mpilalao”, sy ny sisa… Amin'ny maha-mpilalao, tafiditra ao anaty Tantara izy, fa amin'ny maha-mpanazatra, mampangoraka ny dingana vitany. Saingy tsy misy dikany ireo vokatra. Ny fiankohofana aminà andriamanitra iray no nandresy.

Ireo hevitra hafa mikasika io lohahevitra io dia afaka vakiana ao amin'ny blaogy an'i Marcelo Gantman [amin'ny fiteny espanola]; Cuaderno Contable [amin'ny fiteny espanola]; Selección Deportiva [amin'ny fiteny espanola]; ary Empresas Contables [amin'ny fiteny espanola].

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.