Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Però: Niverenan'ny tondra-drano indray ny faritra Cusco

(Marihina fa tamin'ny 8 Martsa 2010 no nanoratana ny lahatsoratra teny Anglisy)

Rehefa noheverina fa nihatsara ny toe-draharaha nateraky ny orana sy ny tondra-drano tany Cusco, Però sy ny faritra manodidina azy dia tondraka indray ny renirano iray hafa noho ny oram-batravatran'ny 1 Martsa (2010). Nahafatesana olona miisa 7 ny fahatondrahan'ny Reniranon'i Quesermayo tao amin'ny distrikan'i Taray, Faritanin'i Calca any amin'ny faritra Cusco  ary naratra maro sy 80% n'ny trano no tratran'ny tondra-drano tao amin'ity faritra ity . Niantraika tamin'ny lalambe mampifandray an'i Cusco sy Pisac ihany koa izany. Ny fahatongavan'ny ny fanampiana haingana kokoa no nampiavaka ity tondra-drano ity tamin'ny tondra-drano hafa teo aloha ary tonga niaraka tamin'ny fanampiana ara-tsakafo milanja 3 taonina ny Minisitry ny Angovo sy ny Harena An-kibon'ny Tany ny andro nitrangan'ny voina.

Photo by Marco Moscoso and used with permission.

Sary avy amin'i Marco Moscoso ary nahazoana alàlana .

Na izany aza, niantraika tamin'ny tanànakely hafa ihany koa izany araka ny tatitra, toa ny tany Cuya sy Yacarpay, ary nisy ny fanambarana ny hamehana tany amin'ireo distrikan'i Cusco, toa tany San Sebastián, San Jerónimo, Anta, Zurite, Limatambo ary Lamay. Toy ny nitranga nandritra ny voina teo aloha, tamin'ny alàlan'ny Twitter no tena nahitana ny ankamaroan'ny vaovao sy ny sarin'ireo zava-nitranga.

Marco A. Moscoso (@markopunk):

Taray en Calca se ha inundado por desborde de rio.

Tondraka noho ny fisondrotry ny renirano i Taray any Calca

Rita A.B (@ritaposa):

La lluvia en Cusco amenaza con continuar, Ayer llovió toda la noche y de nuevo todos los problemas surgieron, muchos niños no irán a clase.

Mandrahona ny mbola hitohy ao Cusco ny orana, nitohy nandritra ny alina ny orana omaly ary tonga indray ny olana rehetra, maro ny ankizy no tsy handeha hianatra .

Javier Murillo Ch. (@ jataz8):

Volviendo del camino Cusco – Pisac, es imposible pasar más del km 30, desde el mirador se observa que Taray esta completamente inundado

Raha niverina tamin'ny làlana Cusco – Pisac aho, tsy afaka nandeha nihoatra ny 30 kilaometatra intsony, tazana fa tondraka tanteraka i Taray

Na dia voasakana aza ny làlana sasantsasany, dia nahavita nankao amin'ny faritra ihany i Moscoso ao amin'ny bilaogy El Caminerito. Naka sary izy ary navoakany tao amin'ny Twitpic ny sasany tamin'izany. Naka horonantsary ihany koa izy ary nandefa izany tao amin'ny bilaoginy rehefa niverina tany Cusco:

Hoy se realizaron trabajos de limpieza y encausamiento con el apoyo del Ejército Peruano, así como se inició con la labor de empadronar a los damnificados al tiempo de brindarles alimento. De regreso al Cusco, la pista Pisac – San Salvador se vio interrumpida al derrumbarse el cerro conocido como Morro Blanco por lo que para continuar hay que cruzar por chacras y lodo.

Nisy ny asa fanadiovana natao androany niaraka tamin'ny fanohanan'ny Tafika Peroviana, ary nanomboka tamin'ny fanoratana anarana ireo niharam-boina sy ny fizarana sakafo ihany koa izany nandritra izany. Rehefa niverina tany Cusco tamin'ny alàlan'ny lalambe Pisac – San Salvador, dia hita fa vaosakan'ny fihotsahan'ny tany avy amin'ny havoana fantatra amin'ny anarana hoe Morro Blanco ny lalambe, ary tsy maintsy mamakivaky ny saha sy ny fotaka ny olona mba hiampitana izany.

Nandray anjara tamin'ny lahatsary iray tao amin'ny bilaogy Prensa Contacto ihany koa izy :

Afaka nandrakitra ny fanambarana nataon'i Ciriaco Condori, Ben'ny tanànan'ny faritanin'i Calca izy ireo ao amin'ny bilaogy Prensa Contacto voalaza etsy ambony:

Nos faltó cultura de prevención, esto nos pasó de improviso. Nos encontramos negociando con el alcalde de Pisaq para que se reubiquen a las familias damnificadas en un terreno de esa jurisdicción. El gobierno central debería autorizar de manera efectiva la compra de maquinaría pesada a las municipalidades.

Tsy manana kolontsain'ny fisorohana isika, ary nitranga tamintsika tampoka izany. Manao fifampiraharahana amin'ny Ben'ny tanànan'i Pisac izahay mba hamindrana ireo fianakaviana tra-boina ho any amin'ny faritra sasany iadidiany. Tokony hanome alalana ny fividianana milina mavesatra ho an'ny tanàna ny governemanta foibe.

Farany, nandefa saripika sy lahatsary tao amin'ny bilaoginy momba ny zava-nitranga tany amin'ny làlambe mampitohy an'i Cusco sy i Pisac, izay niharan'ny  herisetran'ny natiora ihany koa i Javier Murillo avy ao amin'ny bilaogy El Pensador (Lasa Eritreritra), izay tsy afaka nankany Taray:

https://youtube.com/watch?v=RjgvYGIr1gM

Dikantsoratr'i Eduardo Ávila

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.