Mpikatroka maro no nitaraina momba ny fanelingelenan'ny tambajotra manerana ny faritra nandritra ny hetsi-panoherana tamin'ny 5 May tany Rosia // Ervins Strauhmanis, Flickr CC BY 2.0, sary namboarin'ny Runet Echo
Nipoaka nanerana ny firenena ny hetsi-panoherana roa andro mialoha ny fametrahana amin'ny fomba ofisialy hitondran'i Vladimir Putin ho filoham-pirenen'i Rosia faninefany.
Nihiaka ny teny filamatra hoe “tsy tsar (mpitondra Rosiana) ho antsika izy” ny vahoaka mpanao fihetsiketsehana tany amin'ny tanàndehibe maromaro tamin'ny 5 May.
Top five Russian cities by the number of detainees in May 5 protest (bottom three are ones you’d least expect to be on the list at all):
Moscow 572
St Petersburg 180
Chelyabinsk 164
Yakutsk 75
Togliatti 63 https://t.co/xOjjRn6wdU [1]— Leonid Ragozin (@leonidragozin) 6 мая 2018 г. [2]
Ireo tanàndehibe Rosiana dimy voalohany amin'ny araka ny isan'ireo voahazona nandritra ny hetsi-panoherana tamin'ny 5 May (ireo izay tena tsy ampoizinao ho ao anaty lisitra akory ireo telo farany):
Moskoa 572
St Petersburg 180
Chelyabinsk 164
Yakutsk 75
Togliatti 63
Maro ireo mpanao fihetsiketsehana no naparitaky ny polisy misahana ny rotaka an-kerisetra, ary olona an-jatony no nosamborina, tanora avokoa ny ankamaroan'izy ireo.
это вообще не повод для шуток. менты задерживают детей с применением силы, что прямо запрещено законом о полиции pic.twitter.com/NSIlPHmxwE [3]
— Oksana Baulina (@oksana_baulina) May 5, 2018 [4]
Tsy sangisangy mihitsy izany, nisambotra tamin-kerisetra ireo ankizy ny polisy, izay fandikana mazava ny lalàna.
Rehefa niha-mafy ny hetsi-panoherana, mpikatroka maro no nitatitra fa nanjary tsy nahazo na tsy nandeha mihitsy ny tambajotran'ny findain'izy ireo. Nilaza ny sasany fa ninia nanakorontana ny kalitaon'ny tolotra na nanaisotra mihitsy ny laharan'izy ireo araka ny baikon'ny manampahefana ireo mpandraharahan'ny fifandraisandavitra Rosiana.
Nilaza ny Mediazona, fampitam-baovao antserasera tsy miankina iray mitatitra ireo fitsarana ara-politika sy ny rafi-pamonjana ao Rosia, fa nahatsapa ny vokatr'izany ireo mpitati-baovaon'izy ireo:
Вчера Tele2 отключил своим абонентам на Пушкинской площади всю связь и интернет (наш корреспондент прочувствовал это на себе). Оператор объяснил сбои «работами по улучшению качества связи», которые решили провести именно 5 маяhttps://t.co/LQIszu4LqU [5] pic.twitter.com/OJFN64Xbwo [6]
— Медиазона (@mediazzzona) 6 мая 2018 г. [7]
Notapahan'ny Tele2 [iray amin'ireo mpandraharahan'ny fifandraisandavitra Rosiana] omaly ny tambajotra finday sy ny aterineto am-pinday manodidina ny kianja Pushkinskaya (nahatsapa izany ny mpitati-baovao anay.) Nilaza ny mpandraharaha fa noho “asa fanatsarana ny kalitaon'ny tolotra ” izay natao ny 5 May no nahatonga izany.
Nasehon'ny Mediazona tao anatin'ny siokan'izy ireo ny pikantsarin'ny fifampiresahana teo amin'ny mpanjifa Tele2 iray sy ny sampan-draharaha misahana ny tolotry ny mpanjifa ao aminy:
Tele2: Приносим извинения за неудобства, в компании проводились работы по улучшению качества связи, из-за чего могли возникать временные ограничения. На данный момент ограничений не зафиксировано. Возможно, что-то еще можем подсказать?
Абонент: улучшения вот прямо в определенном месте и в определенный момент? Я правильно понял?
Tele2: Да, в определенное время. Работы затрагивали указанный вами адрес. Подсказать что-то еще?
Tele2: Azafady miangavy anao mba handray ny fialantsininay noho ny fanelingelenana, niasa tamin'ny fanatsarana ny kalitaon'ny tolotra izay mety niteraka fahatapatapahana ny orinasanay. Tsy misy ny fanelingelenana ny tolotra amin'izao fotoana izao. Misy zavatra hafa azoko hanampiana anao ve?
Mpanjifa: Manatsara ny kalitaon'ny tolotra ianareo ao amin'ity toerana manokana ity sy tamin'izay fotoana manokana izay? Raha azoko tsara?
Tele2: Eny, tena tamin'io fotoana io mihitsy no nanatontosana izany. Voakasiky ny asa fanatsarana ilay faritra voalazanao. Misy zavatra hafa azoko anampiana anao ve?
Nahatsikaritra ihany koa ireo mpikatroka fa namafa ireo laharana finday tao anaty lisitra ny Beeline, mpandraharahan'ny fifandraisandavitra faharoa lehibe indrindra ao Rosia. Nilaza i Denis Styazhkin fa namafa ny laharan'ny findainy ny orinasa araka ny baikon'ny polisy:
Билайн уже разблокировал мой номер и вот какой ответ прислал: номер был заблокирован по запросу правоохранительных органов!!!! pic.twitter.com/s06AobZv9f [8]
— Денис Стяжкин (@styazshkin) 5 мая 2018 г. [9]
Namaha ny nomeraoko ihany ny farany ny Beeline ary toy izao ny valintenin'izy ireo: nosakanana ny laharanao noho ny fangatahana fampiharana ny lalàna !!!!
Pikantsary: Ny laharan'ny finday [nofafana], Denis Styazhkin. Nahoana izany no voasakana ?????
Valiny: Miarahaba! Naato ny nomeraonao noho ny fangatahan'ny manampahefana amin'ny fampiharana ny lalàna. Efa nesorina ny fanakanana.
Tao anatin'ny fanambarana an-gazety [10], nandà ny fanakanana ny nomeraon'ny finday noho ny baikon'ny polisy ny solontenan'ny Beeline, ary nilaza fa tsy nanakana ny laharan'i Styazhkin izy ireo. Nilaza ny orinasa fa noho ny olan'ny tambajotra tsy naharaka no nahatonga ny fahatapahana ary nilaza ihany koa izy ireo fa mety voasakana noho ny fanitsakitsahana ny fepetran'ny tolotrasa ny laharan'i Styazhkin, saingy tsy nilaza ny antsipiriany mikasika ilay fanitsakitsahana kosa ry zareo.
The Russian telecom @Beeline_RUS [11] denies blocking clients in Moscow during yesterday’s rally. Activist @styazshkin [12] says the company’s help line told him that his account had been disabled on police orders. pic.twitter.com/NNNJcd77yi [13]
— Kevin Rothrock (@KevinRothrock) 6 мая 2018 г. [14]
Nandà ny fanakanana ireo mpanjifany tao Moskoa nandritra ny fihetsiketsehana omaly ny orinasan'ny fifandraisandavitra Rosiana Beeline. Nilaza tamin'ilay mpikatroka @styazshkin ny orinasa fa nosakanana ny kaontiny araka ny baikon'ny polisy .
Nitatitra ihany koa ireo mpikatroka hafa fa nisy ny fahatapatapahan'ny tambajotran'ireo mpandraharahan'ny fifandraisandavitra lehibe maro nandritra ny fihetsiketsehana.