Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Shina: Tsy mahazo hoentina ao amin'ny lalao olaimpika ny sora-baventy “Alefa Shina!”

(Marihana fa efa tamin'ny volana Jolay taona 2008 ny lahatsoratra teny Anglisy)

Global Voices Olympics

Iharan'ny fitsipika iombonana mahazatra ireo izay manatrika ny lalao olympika amin'ity taona (2008) ity: tsy azo itondrana sakafo sy zava-pisotro avy any ivelany, tsy ekena ny fango sy ny marika ara-barotra rehetra … saingy misy amin'ireo rehetra ireo fitsipika iray toa nanorisory ny mpiserasera maro, porofon'izany ny fivoahany tamin'ny lohateny lehibe tao amin'ny tranonkala vavahadin-tserasera maro: Tsy azo entina ao anatin'ny toerana Olaimpika ny sora-baventy hoe “Alefa Shina!”.

Noho ny lanonana atao mandritra ny fiampitan'ny afo olaimpika avy ao Hong Kong mankao Shenzhen (sy ny manaraka) amin'ny fiandohan'ity andro mafana ity, hanampy hisorohana izay korontana mahery setra sy mafapàna mandritra ny Lalao ny fitsipika tahaka izany. Farafaharatsiny, tena niteraka adihevitra mafana tokoa izany, ary maro ireo mpiserasera manontany tena hoe: “Fa nahoana?”

Ny valiny tsotra dia hoe tsy azo ampidirina ao amin'ny Lalao Olaimpika ny sora-baventy mihoatra ny 2 metatra ny lavany ary 1 metatra ny sakany. Iray amin'ireo mpisera aterineto maro izay namerina namoaka ny fanambarana ofisialy izay efa nivezivezy niaraka tamin'ny tantara androany i Jiuduo, naseho ho resadresaka teo amin'ny mpanao gazety tsy fantatra anarana ao amin'ny Xinhua sy ny solontenan'ny Komity Mpikarakara ny Lalao Olaimpika tsy fantatra anarana ao Beijing izany. Ity ny fanontaniana momba ny fandraràna ny sora-baventy “Alefa Shina!”;

记者:为何禁止携带诸如“中国加油”这样的横幅或标语牌?

北京奥组委:本届奥运会在北京举办,我们是主场,志愿者知道大家写的是“中国加油”,不是什么不好的话,但是其他200多个国家的观众写的文字我们都能看懂吗?让不让进?我们想象一下,在上届雅典奥运会或者下届伦敦奥运会,如果别人由于不认识中文而不让我们带着准备好的横幅进去,我们会是什么样的心情?

另外,奥运五环象征着五大洲的团结以及全世界运动员以公正、坦率的比赛和友好的精神在奥林匹克运动会上相见,奥运会的比赛精神是公平、公正的竞赛精神。我们要使奥运会超越一切意识形态,无论是中国、日本、美国,还是法国,所有人都能像奥运五环一样,大家开心地在一起享受盛事,增进彼此了解。如果现场出现各种各样的横幅一定会破坏这样的氛围,所以国际奥委会几十年来一直坚持制定这项规则。

Mpanao gazety: Nahoana no noresahana ny fandraràna ny sora-baventy na ny afisy toy ny hoe “Alefa Shina!?

BOGOC: Hotontosaina eto Beijing ity Lalao Olaimpika ity, ary isika no mpampiantrano. Fantatr'ireo mpirotsaka an-tsitrapo fa hanoratra “Alefa Shina” daholo ny rehetra, izay tsy dia ratsy loatra, saingy ho haintsika ve ny hamaky ireo sora-baventy soratan'ny mpanatrika avy amin'ireo firenena mihoatra ny 200? Mbola avelantsika ve izy ireo sa tsia? Raha mieritreritra iray segondra fotsiny isika, tamin'ny Lalao Olaimpika teo aloha tany Atena na ny lalao manaraka tany Londra isika, raha sakanan'izy ireo tsy hitondra sora-baventy nomanintsika isika satria tsy mahay mamaky teny Shinoa izy, ahoana no fahatsapantsika?

Ary koa, maneho ny firaisan'ny kontinanta dimy ireo peratra dimy Olaimpika, sy ny fihaonan'ireo atleta manerana izao tontolo izao ho amin'ny fifaninanana ara-drariny sy misokatra amin'ny Lalao Olaimpika ao anatin'ny toe-tsaina tia namana; Ny toe-tsaina amin'ny fifaninanana Lalao Olympika dia toe-tsaina marina sy tia mifaninana fotsiny. Tianay ny Lalao Olaimpika hihoatra ny foto-kevitra ara-politika rehetra, na i Shina, na i Japana, na i Amerika na i Frantsa, mba ho tahaka ny peratra Olaimpika ny olona rehetra, ary afaka mankafy ny fankalazana miaraka, amim-piravoravoana ny olon-drehetra, mampivoatra ny fifankahazoana. Ny endriky ny sora-baventy isan-karazany eny an-toerana dia mety hanimba ity karazan-drivotra ity, izany no antony nahatonga ny Komity Mpikarakara ny Lalao Olaimpika Iraisam-pirenenana nisisika hatrany nametraka ity fitsipika ity.

Sa tsy misy ifandraisany amin'ny fampisehoana fitiavan-tanindrazana Shinoa be tara-pahazavana (UV) loatra  ve izany? Avy amin'ny sehatra fanehoan-kevitra ao amin'ny lahatsoratr'i Jiuduo:

为什么?那可以带其他国家“X国加油”的横幅吗?在自己家里不可以带真有点笑话了.

Nahoana? Noho izany, mbola afaka mitondra sora-baventy avy amin'ny firenena hafa aho “Alefa [x] firenena!”? Sangisangy izay tsy ho vitanao akory ny mitondra izany ao an-tanindrazanao manokana.

我带一长1.9,宽0.9的旗子进去成不?害怕就说害怕,别那么多冠冕堂皇的话。你说怕藏独举口号,没人说你怂,何必呢。

Koa mbola afaka miditra ve aho raha mitondra sainam-pirenena 1.9m x .9m? Raha matahotra ianao, dia lazao fotsiny fa matahotra ianao, ary mialà amin'ny fiteny efa fandre. Raha miteny fotsiny ianao hoe matahotra ny olona mihiaka teny filamatra momba ny fahaleovantena Tibetana, tsy misy olona hanome tsiny anao, ka inona no dikan'ity?

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.