Tsy ampy ny 10 taona teo amin'ny fitondrana hoy ny praiminisitra Armeniana Serzh Sargsyan, na dia maro amin'ireo mpiray tanindrazana aminy aza no nilaza fa efa nanenina taminy izy ireo.

Amin'izao fotoana izao, mety hihaona ihany amin'ny fahavalony ity fetsy-fetsy ao amin'ny firenena ity satria mitombo ny fihetsiketsehana manohitra ny fikasany hiditra amin'ny sezan'ny praiminisitra taorian'ny fehim-potoam-piasana roa feno kolikoly tamin'izy filoham-pirenena.

Sarotra ny manombatombana ny haben'ny hetsi-panoherana. Firenena ahitana mponina 3 tapitrisa mahery i Armenia. Na dia mihoatra ny 100.000 aza ny tombatomban'isa ambony ao amin'ny Kianjan'ny Repoblika ao amin'ny firenena. Tsotra ny fangatahan'izy ireo: tian'izy ireo hiala eo amin'ny sehatra ara-politika nasionaly i Sargsyan, izay lasa praiminisitra ao amin'ny firenena tamin'ny 17 aprily rehefa namita ny fehim-potoam-piasana roa fara-fahabetsany amin'ny maha-filoham-pirenena.

Nanomboka talohan'ny nandraisan'i Sargsyan ny asany ho praiminisitra ny hetsi-panoherana. Ny alin'ny 22 Aprily, mbola teo amin'ny fara-tampony izy ireo. Tsy nisy ny mpanohitra voalaza fa maty nandritra ny fifandonana tamin'ny mpitandro filaminana saingy nisy kosa ny naratra.

Nialohavan'ny fanovana lalàmpanorenana nolaniana tamin'ny referaondama tamin'ny taona 2015 ny fidiran'i Sargsyan ho praiminisitra rehefa avy nanao filoham-pirenena, fanovàna izay nanome fahefana bebe kokoa ny praiminisitra. Nilaza i Sargsyan tamin'izany fa tsy hitady ny seza mafana tsara nampiana hery ny lehiben'ny governemanta izy.

Saiky tsy misy matoky azy intsony.

Mety hiatrika alina mahatsiravina i Armenia, arakaraka ny fihetsik'ireo tafi-panjakana manoloana ny famoriam-bahoaka izay nitombo be hatrany na dia taorian'ny nisamborana solombavambahoaka sy mpikatroka fantatra fa mpitarika ny hetsi-panoherana tamin'ny 22 Aprily aza.

Na izany aza, toy ny fihetsiketsehana taorian'ny tolo-kevitra hampiakatra ny saran'ny herinaratra telo taona lasa izay, nanaporofo ny hery lehibe eo amin'ny fiarahamonim-pirenena ao amin'ny firenena ny tenirohy malaza  #RejectSerzh sy #YerevanProtests amin'ny fihetsiketsehana manohitra an'i Sargsyan .

Ireto ambany ireto ny sasantsasany amin'ireo sioka nofantenan'ny Global Voices avy amin'ny hetsi-panoherana.

Fiara notoherina

?Created by Nikolay Torosyan 〰️#civildisobedience#yerevan#armenia#protests#մերժիրսերժին#RejectSerzh#merjirserjin#ՔայլԱրա#yerevanprotests#unify #〰️ #??pic.twitter.com/XZUturvDwD

— Ara the Rat (@aratherat) April 21, 2018

Noforonin'i Nikolay Torosyan 〰️

Mijoro manoloana ny fahoriana

Another epic picture from #Yerevan.#Armenia#RejectSerzh#ՄերժիրՍերժինpic.twitter.com/cpTB1oY2yE

— Tigran Grigoryan (@Tigartsakh) April 20, 2018

Sary hafa avy ao #Yerevan.#Armenia

Iray ho an'ny ho avy

This is the generation who will fix our country #YerevanNow#Armenia#ArmeniaToday#RejectSerzhpic.twitter.com/aZxV4BEBJm

— iReport.am (@armenianpages) April 20, 2018

Ity no taranaka hanarina ny firenentsika

Manakatona fivarotana

”The shop is closed. We went to a demonstration. #RejectSerzh”. #ՄերժիրՍերժին#YerevanProtestspic.twitter.com/ufgXPYgZoF

— Tigran Grigoryan (@Tigartsakh) April 21, 2018

Mikatona ny fivarotana. Nandeha nanao fihetsiketsehana izahay.

‘Hamaroana tsy mbola nisy toy izany’

Unprecedented numbers, perhaps anywhere from 70-100,000 ppl in Republic Square, something that Armenia hasn't witnessed – a protest without a leader, spontaneous people power. #RejectSerzh#YerevanProtests Photos by Roubina Margossian. pic.twitter.com/emc04DJf8z

— EVN Report (@evn_report) April 22, 2018

Isa tsy mbola nisy toy izany, angamba olona teo amin'ny 70-100.000 tao amin'ny Kianjan'ny Repoblika, zavatra tsy mbola natrehin'i Armenia – fihetsiketsehana tsy misy mpitarika, herim-bahoaka tampotampoka. Sary avy amin'i Roubina Margossian

Tsy hody hisotro dité aho…

And the Oscar goes… to this man who addressed his wife on live newstream “Ira, I'll be home at 1″.#քայլարա#մերժիսերժին#rejectserjpic.twitter.com/NMcnv7yTFd

— vachagan gratian (@vgratian) April 17, 2018

Mankany amin'ity lehilahy niresaka ny vadiny tamin'ny vaovao mivantana ity ny loka Oscar. “Ira, amin'ny 1 aho mody”

Raha hijery bebe kokoa momba ny fihetsiketsehana, jereo ny tatitra avy amin'ny EurasiaNet, mpiara-miasa amin'ny Global Voices.