Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Manome sehatra ho an'ny vehivavy sy ny sehatra hafa atao an-jorombala ao Indonezia ny gazetiboky Magdalene

“Magdalene aho. Miaty ny fimaroana aho.” Sary avy amin'ny Magdalene, nahazoana alalana.

Hatramin'ny taona 2013, namoaka lahatsoratra miresaka momba ireo tovovavy sy vehivavy, ireo mpikambana ao amin'ny vondrom-piarahamonina lesbiana sy pelaka, ireo manana taovam-pananahana roa ary ireo niova satan-karazana (LGBT), ary ireo vitsy an'isa ara-pinoana ao Indonezia ny Magdalene.

Navoaka ity famoahana antserasera ity mba hanomezana sehatra ho an'ireo mpanoratra te-hametraka lohahevitra fady ao amin'ny firenena izay ahitana Silamo mahery fihetsika mandrisika an-kerisetra ny manampahefana mba hampihatra ny finoany ara-pivavahana eo anivon'ny fiarahamonina.

Indonezia no firenena lehibe indrindra manerantany ahitana mponina miozolomana maro an'isa. Ny foto-kevitr'izy ireo amin'ny maha-firenena azy dia ahitana ny fampiroboroboana ny fahamaroana, ny fahalalana onony, ary ny foto-kevitra firindrana ara-pinoana fantatra amin'ny anarana hoe Pancasila.

Ity ambany ity ny fanambaran'ny Magdalena:

Magdalene is the fruit of our vision of an online publication that offers fresh perspectives beyond the typical gender and cultural confines. We channel the voices of feminists, pluralists and progressives, or just those who are not afraid to be different, regardless of their genders, colors, or sexual preferences. We aim to engage, not alienate.

Ny Magdalene dia vokatry ny vinanay amin'izany hoe gazety an-tserasera manome fomba fijery vaovao ankoatra ny fetra mahazatra amin'ny maha-lahy sy maha-vavy sy ny ara-kolontsaina. Mampiseho ny feon'ny feminista, ny fahamaroana sy ny fahalianam-pandrosoana izahay, na ireo izay tsy matahotra ny ho hafa, na inona na inona volonkoditra, fironana ara-nofo, na lahy na vavy. Mikendry ny hampandray andraikitra izahay fa tsy hanimba.

Mpanao gazety teo aloha Devi Asmarani, Hera Diani sy Karima Anjani no mpanorina ny Magdalene. Nolazain'izy ireo tamin'ny resadresaka vao haingana fa nikasa hanangana gazetiboky antserasera azo ampiasaina ho sehatra famakiam-boky hafa ho an'ny vehivavy izy ireo tany am-boalohany. Nanazava bebe kokoa i Asmarani:

We want to raise issues that are important… progressive issues that do not receive a lot coverage by the mainstream media because of reasons such as being taboo

Te-hanasongadina ireo olana lehibe … ireo olana ara-pandrosoana izay tsy mahazo lohateny betsaka amin'ny fampahalalam-baovao mahazatra noho ny antony fa fady izahay

Taorian'ny dimy taona, nanohy namoaka tantara izay tsy dia raketin'ny fampahalalam-baovao mahazatra matetika ny Magdalene. Ahitana lohahevitra toy ny LGBT, ny fahamaroana, ny fanararaotana ara-nofo sy ny fanalam-baraka vatana ireo lohahevitra saro-pady ireo.

Nanangana ekipa mpanoratra mpanoka-tena sy fitomboan'isan'ny mpamaky tsy mitsahatra manohana ny fanambaran'ny tranonkala izy.

Ireto ambany ireto ny sasany amin'ireo fanehoan-kevitra feno fankasitrahana avy amin'ireo mpamakin'ny Magdalene:

Iray amin'ireo tranonkala mpamoaka vaovao isan'andro vakiako hatrany, izaho, amin'ny Silamo ahy dia tena nahazo aingam-panahy avy amin'ny votoaty isan-karazany ihany koa.

Lahatsoratra tena zava-dehibe! Tsara ny mahafantatra fa tsy irery aho amin'ity toe-javatra ity. Vehivavy feminista aho ary niady tamin'ny ny foto-kevitra ara-pinoana. “Manontany ny sehatra fiarahamonintsika aho. Tsy mahazo aina amin'ny fomba fahitan'ny fianakaviantsika, ny havantsika, ny namantsika an'izao tontolo izao isika.” INDRINDRA

Mankafy ny fitantarana (sy ny votoatiny ihany koa)

Tamin'ny resadresaka nifanaovana tamin'ity mpanoratra ity, nanamarika i Hera Diani fa nitombo 30 hatramin'ny 50 isanjato vao haingana ireo lehilahy mpamaky ny Magdalene. Nanampy izy fa maro tamin'ireo lehilahy mpamaky no naneho ny fankasitrahany ireo lahatsoratra manome fanazavana navoakan'ny gazetiboky. Naneho hevitra mikasika ny fomba nanokafan'ny lahatsoratra Magdalene ny sain'izy ireo mikasika ny fanjakazakan-dehilahy, ny fihetsika fankahalana vehivavy sy faneren'ny fiarahan'ny lahy sy ny vavy izay mbola misy eo anivon'ny fiarahamonina ihany koa ireo LGBT mpamaky.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.