Ejypta: Bilaogera very asa noho ny famoahany ny mahasandoka ny tantaran'ilay fitaovana maha-virjiny hosoka
(Marihana fa efa tamin'ny volana Febroary taona 2010 ny lahatsoratra teny Anglisy)
Raha mbola porofo ho an'ny voninahitry ny ampakarina ao Ejypta sy ny firenena Afovoany Atsinanana ny mandeha rà ny alin'ny fampakaram-bady, nandefa fandikan-teny Arabo tamin'ny dokambarotra Shinoa momba ny fitaovana Hymen maha-virjiny artifisialy ny Radio Netherlands . Nanambara ny gazety Youm7 fa ho hita eny amin'ny tsena Ejiptiana amin'ny LE 83 ny entana. Raha niandry izany hymen mahagaga izany ny vehivavy Ejypsiana mba hiditra amin'ny firaisana ara-nofo alohan'ny fanambadiana, te handràra ny vokatra sy handefa an-tsesitany na hanapa-doha izay mpanafatra izany kosa ireo mpikambana mpandala ny nentin-drazana ao amin'ny parlemanta. Nanomboka nanontany tena ny Ejiptiana raha hanomboka hanafatra Hymen Shinoa i Ejypta ary voaraoka kosa i Amira Al Tahawi, izay niara-niasa tamin'ny Radio Netherlands tamin'izany fotoana izany noho ny famoahana fa lainga ny tantara hymen Shinoa namboarina.
Tao amin'ny bilaoginy, Amira Al Tahawi nanoratra hoe:
Bilaogera maro no nahita fa mampihomehy sy tsy rariny ny fanapahan-kevitra handroaka azy; Nawara Negm nanontany tena hoe:
عايزين نصيح لها بقى يا شباب
Eman Hashim kosa mitaraina momba ny fahamarinan'ny asa fanaovan-gazety, nanoratra izy hoe:
و كل ده عشان قالت لأة
اميرة نفسها كتبت كل التفاصيل بالروابط و التفاصيل و التواريخ هنا. يا ريت نعلى صوتها و نوصل قصتها للكل. اذا كنا بنلوم اللى بيسكت على سكاته , يا ريت نساعد اللى بيتكلم.
انشروا المواضيع فى كل حتة. عرفوا الناس حقيقة اذاعة هولندا القسم العربى و رد فعلها تجاه نشر خبر كاذب عندها. فين الامانة الصحفية؟ فين احترام القراء؟ فين احترامهم لنفسهم كاعلاميين؟ كان ممكن يطلعوا منها ببساطة و دون احراج نفسهم و يقولوا الموقع ضرب و الخبر اتنشر غلط. كان ممكن يعملوا اى حاجة … اى حاجة. لكن انهم يرفضوا التوضيح و التكذيب و يتكبروا يعترفوا بالغلط و كمان يرفدوا اللى قالت لأ … يبقى تهريج رسمى
Feno ireo lazaina ho mpanao gazety mamoaka vaovao sy mamorona “scoop” ao amin'ireo vondrona Facebook ny asa fanaovan-gazety ao Ejypta. Noroahina i Amira ary nolavina ny zony ara-bola sy ara-moraly satria nilaza izy hoe TSIA! Nanoratra ny antsipiriany tao amin'ny bilaoginy i Amira ka andeha hanome fanamafisana ny feony sy hamela ny tsirairay hahalala ny marina. Manome tsiny ny fahanginan'izy ireo izahay saingy tsy maintsy manome mikrô ho an'ireo manana feo. Izany ve no hitantanan'ny Radio Netherland ny vaovao diso? Aiza ny fahamarinan'izy ireo? Aiza ny fanajana ny mpamakiny sy ny mpihaino azy? Mety afaka namoaka fanitsiana mora foana na zavatra hafa izy ireo … na inona na inona. Mampalahelo ny tsy famoahany karazana fanazavana na fanamarinana saingy vazivazy ratsy kosa ny fandroahana mpanao gazety mahatoky noho ny famoahany raharaham-pitaka.
Dr. Mostafa El Nagaar nanoratra fiarovana an'i Amira, hoy izy:
Mijaly noho ny voka-dratsin'ny fahaiza-miasa sy ny voninahiny i Amira. Mizaka ny voka-dratsin'ny fanajana ny etika amin'ny asa fanaovan-gazety izy. Mila olona hiaro azy amin'ny fomba niarovany ireo tovovavy Ejyptiana izy manoloana ireo mpisandoka fa miandry ny hymen hosoka hanafenana ny fahalotoam-pitondran-tenany ireo vehivavy ireo. Mandrisika ny vehivavy Ejyptiana aho mba hamaly ny fankasitrahana ary hiaro an'i Amira izay very asa. Mangataka ny fikambanana rehetra miaro ny zon'ny vehivavy aho mba haneho firaisankina amin'i Amira. Mangataka fialantsiny mazava amin'ny fomba ofisialy avy amin'ireo izay nandoto ny lazanay izahay ary mangataka ireo rehetra izay miteny amin'ny anaran'ny voninahitra aho mba hampiseho ny firaisankinan'izy ireo.
Nandefa fanamarihana tao amin'ny Facebook ihany koa i Mostafa Fathi ary namoaka lahatsoratra tao amin'ny bilaoginy ho firaisankina amin'i Amira i Karim El Beheiry .
Tamin'ny volana Oktobra 2009, nanafatra fitaovana hymen i Mohamed Al Rahal ary nandefa sary tao amin'ny bilaoginy, araka ny voamarika tamin'ny tatitra tao amin'ny Global Voices teo aloha.
