Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

“Ny Araben'ny Androany” Zava-misy ao Tokyo Asehon'ilay YouTuber Mimei

“Ny kafe an'i Takashi Murakami, gacha hafahafa & vilaogy tazan'i Nakano an'i Tokyo”. Pikantsary avy amin'ny fantsona YouTube an'i Mimei.

Miaraka amin'ny fanehoan-keviny mavitribitrika sy tia namana amin'ny tontolon'ny mozika mamelombelona ao Tokyo, mampiseho ireo arabe isan-karazany ao amin'ny tanànan'i Japana be mponina indrindra, iray isan'andro ao ny amin'ny YouTube, Instagram, Twitter ary tambajotra media sosialy hafa i Mimei bilaogeran-dahatsary malaza monina ao Tokyo.

Nanatevin-daharana ilay tranonkala fizarana lahatsary i Mimei tamin'ny taona 2010, izay avy any Auckland, Nouvelle Zélande rehefa avy nonina tany Japana nandritra ny herintaona, sary notifiriny manokana izay atolotra ho an'ny mpijery Japoney ankehitriny ny “Mimei Land (Tanin'i Mimei)”.

Manoritsoritra ny “Tanin'i Mimei” ho toerana “hizarana ny fiainako, ny zava-niainako sy ny zavatra hafahafa hitako” ho anao izy. Manana mpanjohy maherin'ny 162.000 ny fantsona YouTube an'i Mimei amin'izao fotoana izao ary nahangona jeripejy 14 tapitrisa mahery hatramin'ny nananganana azy tamin'ny Aogositra 2011.

Ireo mpankafy ny fantsona, izay tondroin'i Mimei amim-pitiavana hoe “Mananasy”, dia afa-mijery lahatsary mampiseho ny lafiny maro momba an'i Tokyo, manomboka amin'ny lalan-kely ao an-tanàna, hatramin'ny Distrika Fiantsenana ao Kagurazaka, sy ny fiampitàna malaza manerantany ao Shibuya. Saika manomboka amin'ny “Lalana Japoney Androany” ny lahatsary rehetra ary manasongadina ireo arabe maresaka avy amin'ny toerana samihafa manodidina an'i Tokyo. Jereo ny lahatsary fampidirany raha te hahafantatra bebe kokoa momba an'i Mimei.

Malaza ihany koa ny kaonty Instagram an'i Mimei, manasongadina ny sarin'i Tokyo sy ny toerana hafa.

Ankoatra ny fitrandrahana ireo harena miafina ao Tokyo, manasongadina lahatsary mitrandraka ireo toerana hafa mahaliana ao Japana ihany koa ny Mimei Land, anisan'izany ny Lapa Himeji sy ny serfa malaza ao Nara.

Mampiseho lahatsary momba ny diany tany amin'ny firenen-kafa ihany koa ny fantsona, anisan'izany i Korea Atsimo sy Alemaina.

Manampy ny hakanton'ny lahatsary ny zava mahaliana manokana an'i Mimei, amin'ireo lohahevitra samihafa manomboka amin'ny sakafo tsy misy hena ao Tokyo, manandrana ny milina fivarotana gashapon hafahafa (kilalao kapisily), sy manandrana ny zava-pisotro farany navoakan'ny Starbucks Japan. Nolanjalanjaina niaraka tamin'ny vilaogy (bilaogindahatsary ) madinika mampiseho ny vadiny, Japoney mpiray tanindrazana aminy mpisera Youtube PDR-san, ary saka telo ny fientanentanana tamin'ny fandraketana ny zava-niainany tany Tokyo.

Vita tamin'ny tifi-tsary mahafinaritra teny amin'ny faritra samihafa ao Tokyo ny lahatsary tsirairay, ary miaraka amin'ny mozika elektronika mahavariana, izay avy amin'ny fitiavan'i Mimei ny sary sy ny fikirakirana lahatsary avokoa izany rehetra izany.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.