Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Nanasongadina Ny Fahasamihafam-piteny Mahagaga Amin'ny Aterineto Ny Fanamby Sary sy Soratra 2018 Amin'ny Tenindrazana

mememl3Roa taona misesy izao, nahasarika fandraisana anjara betsaka avy amin'ireo mpikatroka sy mpiaro ny fiteny ny Fanamby Sary sy Soratra amin'ny Tenindrazana izay fomba hanasongadinana ny maha-zava-dehibe ny fahasamihafan'ny fiteny ao amin'ny tranonkala miaraka amin'ny fifantohana manokana amin'ny teny indizeny (tompotany), tandindonin-doza, na fiteny vitsy an'isa.

Manomboka ny 14 febroary, ny Fanamby iray herinandro dia tapitra ny 21 febroary, daty izay hankalazana ny Andro Iraisam-pirenena Ho an'ny Tenindrazana isan-taona. Ireo izay nandray anjara dia namorona sary sy soratra mahatsikaiky na manome aingam-panahy tamin'ny tenindrazan'izy ireo, nizara izany tao amin'ny tambajotra sosialy, ary nandrisika ny hafa mba hanao toy izany koa. Ny vokatra azo dia sary maroloko misy ireo fiteny marobe ao amin'ny sehatr'izy ireo manokana amin'ny aterineto noho ny ezaka nataon'ny tsirairay, ny fikambanana ary ny vondrom-piarahamonina.

Nampitambatra indray ireo fikambanana sy vondrona mpiara-miasa vaovao miasa amin'ny famelomana ny fiteny manerana izao tontolo izao ny Fanamby. Jereo ato ny lisitra feno misy ireo mpiara-miasa tamin'ny Fanamby tamin'ity taona ity.

Nadika tamin'ny fiteny 34 tamin'ny taona taona 2017 ny tranonkala lehibe misy ny fanentanana, ary tamin'ity taona ity, noho ny asan'ny mpilatsaka an-tsitrapo, dia nitombo 26 ny fiteny vaovao, ka ireto avy: Triqui, Odia, Swahili, Somali, Punjabi, Lombard, Hindi, Malagasy, Alemà, Romaniana, Bangla, Santali, Igbo, Doteli, Tiorka, Aromanian, Extremaduran, Italiana, Shinoa Mandarin, Breton, Nubian, Gujarati, Nepal Bhasa, Acadian, Serba, ary Huastec.

Niara-nikarakara ny fanamby ny Rising Voices, miaraka amin'ny Living Tongues Institute, First Peoples’ Cultural Council, Indigenous Tweets, Endangered Languages Project, sy ny Digital Language Diversity Project.

Niangavy ireo mpandray anjara izahay mba hampiditra tenirohy milaza ny fiteny izay namoronana ny sary sy soratra, ary koa ny #memeML. Araka ny asehon'ny zavon-teny etsy ambany, ny fiteny vitsy an'isa Eoropeana no tena naneho hevitra be indrindra tao amin'ny Twitter.

Lisitry ny zavon-teny avy amin'ny #memeML 2018 nangonin'ny Keyhole.co

Ary araka ny hita amin'ity zavon-teny (word cloud) novokarin'ny Keyhole ity, tsara ny manamarika fa ny fandraisana anjaran'ireo vondrona teny vitsy an'isa ao Eoropa tahaka ny Catalan, Asturian, Basque, Irlandey, Cornish ary Galoà no anisan'ireo tena mavitrika. (Naotin'ny tonia: Mariho fa na tsy zavona aza ny dikan'ny cloud fa rahona dia io no azo heverina fa manakaiky kokoa ny fisainan'ny teny malagasy.)

Mba hahalalanao tsara kokoa ireo toerana ara-jeografika izay nandray anjara tamin'ny Fanamby, nampiseho ny topi-maso malaky amin'ny fampiasana ny tenirohy Keyhole amin'ny Twitter fa nisy ny lahatsoratra orizinaly na fanohanana amin'ny endrika fizarana sioka (retweet) avy amin'ny ankamaroan'izao tontolo izao.

Fandraisana anjara ara-jeografika tamin'ny #MemeML 2018 araka ny nangonin'ny Keyhole.co 

Faly koa izahay mahita ny fandraisana anjara avy amin'ireo faritra vaovao manerana izao tontolo izao, tahaka an'i Ejipta, izay nanampy tamin'ny famoronana sary sy soratra tamin'ny fitenin'izy ireo ny mpiaro ny teny sy kolontsaina Nubian. Araka ny hita amin'ny dikan-tenin'izy ireo, kitendry marobe no tsy afaka mamokatra tarehin-tsoratra abidia takiana amin'ity karazana soratra ity, ka noforonina tamin'ny fampiasana jpg ny tranonkala, izay maneho bebe kokoa ny fanamby atrehin'ny vondrom-piarahamonina sasany. Nahafaly anay koa ny fandraisana anjara bebe kokoa avy any India, izay nanampy tamin'ny fitondrana fiteny vaovao ireo mpikatroka ao an-toerana, tahaka ny Hindi, Odia, Punjabi, ary Santali.

Na dia tsy afaka mizara ireo sary sy soratra rehetra noforonina nandritra ny herinandron'ny Fanamby aza izahay, ity sombiny tamin'ireo sary sy soratra manerana ny bolan-tany hita tao amin'ny Twitter sy Instagram:

Afrika Atsimon'i Sahara

" KO hakkil woni fii fow " (C'est l'intelligence qui fait le tout) #MemeML #Fulfulde

A post shared by Teddungal.com (@teddungal_com) on

Ny faranita-tsaina no manao ny rehetra

Eoropa

“Lazao ahy bebe kokoa azafady ny momba ny Guernsey-Frantsay, tena fiteny tokoa ve izy io” ho an'ny  #MemeML (na dia fantatro aza fa tara izy ity- misaotra tamin'ny herinandro mahafinaritra @risingvoices)

“Hotadiaviko ianao, ho hitako ianao, ary horesahako amin'ny fiteny #Jèrriais ianao”

Afovoany Atsinanana sy Afrika Avaratra

@nubian_app#memeML#NubianMeme#NubianProverb#EndangeredLanguages#Nobiin#علمني_نوبي tononina hoe: hotta Likka Meera

Vondrona maromaro no mitantana tetikasa famoronana sary sy soratra amin'ny fiteny indizeny sy vitsy an'isa. Ity ny fandraisana anjara kely avy aty aminay @risingvoices@Indigenous

Amerika Avaratra

#mememl#wetsuweten adika hoe: “rahalahy, omeo trondro maina aho”

Cʻikmemun xōs pōbeh łīdunāh. — The steam of [my] coffee is a new form of smudge. #nomlāqa #nomlāqabōda #NommaqNomlāqaWintūn #nomlaki #nomlakilanguage #NativeLanguage #IndigenousLanguage #CaliforniaIndian #MemeML #MemeML2018 #coffee #smudge #NativeHumor International Mother Language Day was founded to promote and celebrate linguistic and cultural diversity around the world, with a special emphasis on indigenous, minority, heritage, and endangered languages. With the help of digital tools and the internet, there is now a unique space for expression and connecting with others also working to revitalize their mother tongue. Following last year’s successful campaign, we invite you to take part in the Second Mother Language Meme Challenge 2018 by creating a humorous or reflective internet meme in your native tongue. Starting on February 14 and running through February 21st, we invite you to take part in this fun online campaign to commemorate International Mother Language Day. To take part, just follow the simple steps outlined on the Challenge’s website (http://memeML.org), which includes finding an image, adding text and hashtags, including #MemeML, and sharing on your favorite social media platform. Make sure you “tag” someone inviting them to create their own meme in their mother language.

A post shared by Cody Pueo Pata (@kumupu) on

Amerika Afovoany sy Meksika

#memetriqui Ya tengo sueño, nos vemos mañana chiquita.

Te-hatory aho, fa rahampitso

Amerika Atsimo

Azia

Raha hijery sary-sy-soratra bebe kokoa avy amin'ny Fanamby Sary-sy-Soratra amin'ny Tenindrazana avy amin'ny teny manerantany isan-karazany, jereo azafady ny tenirohy #MemeML ao amin'ny Instagram, Twitter, na Facebook. Misy ihany koa ny vondrona Facebook-n'ny Fanamby miaraka amin'ny fandraisana anjara avy amin'izao tontolo izao. Misaotra anao tamin'ny fandraisana anjara tamin'ity taona ity!

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.