Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Migadona Ao Taiwan Ny Big Issue

bigissuetw

Andriamatoa Jia, mivarotra ny laharana voalohany amin'ny The Big Issue Taiwan Edition (natonta ao Taiwan).Sary navoakan'i AmberTaipei

(Fanamarihana: lahatsoratra nivoaka tamin'ny Aprily 2010)

 

The Big Issue, izay navoaka voalohany tao Angletera 20 taona lasa izay, dia nanonta ny gazetibokiny mpivoaka isam-bolana ho amin'ny teny nentim-paharazana Shinoa ao Taiwan tamin'ny voalohan'ny volana Aprily. Tetikasam-panontàna tsy manam-paharoa izay miantefa amin'ny olona tsy manan-kialofana hivarotra ny gazetiboky an-dalambe ary hanampy azy ireo hanana asa ara-dalàna. Ireo tsy manan-kialofana dia afaka ny hahazo 50 TWD (eo amin'ny antsasaky ny vidiny eo ho eo) ho an'ny gazety tsirairay lafony. Azonao atao ny mamaky bebe kokoa momba ny fiandohan'izy io sy ny fandrosoany ao amin'ny Wikipedia.

 

Taiwan no firenena faha-9 mamoaka Ny Big Issue. I Li Chi Zhong(李取中), ilay mpanorina ny Roodo Blog, no manolotra ity modely ity ao Taïwan amin'ny fanantenana fa hiteraka  karazàna asa sosialy vaovao izany. Iray volana talohan'ny namoahana ilay gazetiboky voalohany, bigissue.tw no nanokatra ny  pejy Facebook natokana ho an'ny mpankafy azy mba handraisana ireo izay vonona hirotsaka an-tsitrapo. Efa mahatratra 27.000 ireo mpankafy azy hatreto. Bilaogera Taiwaney maro no asaina hanoratra ao amin'ity laharana voalohany ity, anisan'izany i Kenworker, izay bilaogera malaza, ary i soundfury, mpanoratra manana ny lazany no sady mpitsikera mozika.

Lin You Xue dia faly tokoa noho ny fahatongavan'ny The Big Issue ao Taiwana :

 

Big issue 登陸台灣,對我個人是個振奮的消息,除了驚訝台灣亦步亦趨吸收英國的社福觀點外,作法上也漸漸同步了起來。這份街友才能販賣的雜誌,在英國發行已經超過20年,雜誌賣點除了內容之外,附加價值在於,提供人們幫助弱勢的管道,但與捐款不同的是,讓弱勢族群也肩負自力更生的責任。

Vaovao mahafaly ho ahy ny fahatongavan'ny The Big Issue ao Taiwan. Mahagaga ahy fa tsy mijanona fotsiny eo amin'ny fandinihana i Taiwan, fa koa mampihatra ny metodolojian'ny fampiroboroboana ara-tsosialin'ny Britanika ihany koa. Efa nivoaka tao Angletera efa ho 20 taona mahery izao io gazetiboky natokana ho amidin'ny tsy manan-kialofana io. Ankoatra ny resaka fototra ao, mamatsy hevitra hahafahan'ny olom-pirenena manampy ny sahirana ihany koa izy. Kanefa tsy mitovy amin'ny fanomezana, fa mampandray andraikitra ireo sahirana sy mampahaleo tena azy ireo koa
 siligraphy19 nilaza hoe:

… 請大家告訴大家這本雜誌的消息,轉貼我的部落格文也可以. 如果在捷運站出口處,看到穿著The Big Issue制服的街友或志工, 請停下腳步, 購買一本100元的雜誌, 作為對社會企業雜誌最直接的支持. 省下一杯星巴克的錢, 獲得的不只是閱讀的樂趣, 也幫助街友或社會弱勢的人們, 透過販售雜誌的工作機會, 賺取收入, 重建信心,重新取回生活主導權。

…Iangaviana ianao hampahafantatra ny olon-drehetra ity gazetiboky ity, na avereno zaraina fotsiny ity lahatsoratro ity. Raha mahita olona tsy manan-kialofana na mpirotsaka an-tsitrapo manao fitafiana The Big Issue manodidina ny toeram-piantsonan'ny MRT ianao, azafady mba mijanonà ary mividianà gazetiboky amin'ny vidiny 100 TWD hampisehoana ny fanohananao mivantana ny raharaha ara-sosialy. Ahenao ny fisotronao Starbucks ary ampirimo ny vola ho an'ny hafaliana mamaky sy manampy ireo tsy manan-kialofana ary ireo sahirana. Amin'ny alalan'ny fivarotana gazety, afaka mahazo fidiram-bola izy ireo, manangana indray ny fahatokisan-tenany ary mahazo ny fahaleovantenany.
I Purple Beans(紫豆子) moa dia naka sary raha iny nahita mpilatsaka an-tsitrapo nivarotra ny Big Issue tany akaikin'ny fiantsonana MRT tao Gongguan iny. Na dia sahala amin'ny tetikasa mahavelom-panantenana aza ilay izy, nizara resaka iray nifanaovany tamin‘Andriamatoa Jia, izay isan'ireo tsy manan-kialofana mpivarotra i Ambertaipei  tao amin'ny Twitter :
「請支持我自食其力!」賈先生說。早上從捷運站出來遇到他,喊得聲嘶力竭卻沒有半個人停駐看一眼;賈先生說,我是他今天賣出去的第一本the big issue http://twitgoo.com/mn587
“Mba Ampio aho hananako fivelomana!” Nitaraina Andriamatoa Jia. Ny maraina izaho ilay niala ny fiantsonana MRT iny no nahitàko azy, tsy nisy nijanonana na nijery azy akory na dia mafy aza ny antsoantsony. Nanambara Andriamatoa Jia fa izaho no mpanjifany voalohany androany.http://twitgoo.com/mn587     

賈先生說:「大家不知道我在喊的這是什麼~」捷運站外飄起小雨,他不能站上有屋簷的捷運手扶梯前喊,只好繼續站在階梯外喊「大誌雜誌!」的確,到底什麼是大誌?大誌有什麼?對於平常只逛拍賣只讀蘋果與GQ的上班族來說,一個站在捷運外叫賣陌生書刊名字的中年人一點也沒有意義

 Nilaza Andriamatoa Jia fa : “Tsy fantatr'izy ireo akory ny zavatra antsoantsoiko.” Nirotsaka be ny orana tany ivelan'ny toeram-piantsonana ka tsy afaka nijoro teo anoloan'ilay tohatra mandeha hoazy ambany tafo aho, ary dia tsy nitsahatra niantsoantso aho hoe “The Big Issue” tany ivelan'ny gara. Na izany aza, inona ny “The Big Issue” anefa ? Inona no ao anatin'ny The Big Issue? Ho an'ireo be palitao izay tsy liana afatsy ny vohikalanà lavanty anaty aterineto, tsy mamaky afatsy ny Apple Daily sy ny GQ isan'andro, tsy misy iraharahiany izay lehilahy lehibe miantsoantso sy mivarotra gazety tsy dia fantadaza loatra any ivelan'ny fiantsonan'ny MRT any.

antibadmedia koa dia manahy ny amin'ny hoavy sarotry ny The Big Issue ao  Taiwan :

再過兩天這本雜誌就要創刊了,雖然立意很好,但是新聞中報導台北縣市以外的縣市仍由便利商店作為販售通路,恩…… 如果這本雜誌內容還不差,也確實地實踐其宗旨「由街友販售」,那大家就盡己所能支持囉!大型的社會公平不易一蹴可幾,小規模的資源流動總是可行的。除了期待還要觀察。

Roa andro sisa dia hivoaka ny laharana voalohany amin'ilay gazetiboky. Manana tanjona tsara izy, saingy nilaza ny filazambaovao fa hamidy any amin'ny trano fivarotana tsotra ilay gazetiboky, ivelan'ny tanànan'i Taipei sy ny faritanin'i Taipei koa ……. Raha tsy ratsy ny zavatra resahina ao anatin'io gazetiboky io, ary raha tena mampihatra ilay fitsipika marina hoe “olona tsy manan-kialofana no mivarotra azy”, dia hanao izay rehetra azontsika hatao isika hanohanana azy! Tsy vita vetivety ny hametraka ny rariny sy hitsiny ara-tsosialy amin'ny ankapobeny, fa mbola azo atao ny fanarenana tsikelikely ny ara-bola. Andraso ary jereo

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.