Ny fonon'ilay boky natonta fanindroany  “Vučić i cenzura” (Vučić sy ny sivana ) tao amin'ny bilaogin'ny mpanoratra, Srđan Škoro. Avy amin'i  Corax ilay sariitatra ao ambadika. Nahazoana alàlana.

Tamin'ny 21 Febroary, voasivana ny toerana misy ny lahatsoratra fahatsiarovana ilay mpanakanto mpanao sary tao amin'ny  gazety serbiana iray. Voalaza fa boky momba ny sivana no iray amin'ny faran'ny asasoratra nataony.

Mafy ny fanamelohan'ny Fikambanan'ny mpanao gazety tsy miankina any Serbia (NUNS) ilay sivana momba ny lahatsoratra fahatsiarovana ilay talen-dry zareo vao maty vao haingana, Darko Novaković (1949 – 2018) tao amin'ilay gazety mpiseho isan'andro Politika.

Nesorin'ny Politika ilay ampahany tao amin'ilay fahatsiarovana ny maty izay nilaza hoe “ny iray amin'ireo boky farany nosoratany dia mitondra ny lohateny hoe ‘Vučić and Censorship,’ ( Vučić sy ny sivana) ary nanana risim-po i Dako nametraka ny fanampin'anarany sy ny anarany teo amin'ny asany.”

Ny lahatsoratra fahatsiarovana ny maty sy ilay boky tsy azo lavina momba ny filoha Serba Aleksandar Vučić dia nosoratan'i Srđan Škoro, naman'i Novaković. Ho setrin'ilay sivana dia hoy i Srđan Škoro :

„Nemam reči, zaista. Kad vlast ozakoni cenzuru, koja je zakonom zabarnjena, onda doživite da se cenzuriše i naslov jedne knjige iz oproštaja od kolege.“

Tsy hitako izay lazaina, marina. Rehefa eken'ny governemanta ny sivana, izay, raha ny marina dia voararan'ny lalàna, dia azo atao ny manivana ny lohatenina boky ao amin'ny lahatsoratra fahatsiarovana ny maty miaraka amin'ny veloma farany atao amin'ny namana iray.

Navoakan'i zanakalahin'i Novaković tao amin'ny tranonkalany ilay lahatsoratra fenon'ilay fahatsiarovana ny maty ary nozarainy tao amin'ny Twitter ny rohy sy ny sarin'ny rainy.

In memoriam – Darko Novaković
(1949 – 2018)https://t.co/5xadU1TXiD pic.twitter.com/NTDverQOiy

— in mourning (@Singalongest) February 19, 2018

Ho fahatsiarovana – Darko Novaković
(1949 – 2018)https://t.co/5xadU1TXiD pic.twitter.com/NTDverQOiy

Tao amin'ny fanehoan-keviny, nilaza ny fikambanan'ny mpanao gazety tsy miankina fa tohina, na dia efa  “fahazarana ho azy ireo aza ny ohatra fanaovana sivana mangingina sy sivantena haingana…” tato anatin'ny taona vitsivitsy. “Tsy mbola nisy nahalala ny politikan'ny ‘fanontana’  lahatsoratra fahatsiarovana ny maty tahaka izany eny fa na ireo mpikambana ambony aza. “

Nampitahain'ilay mpisera amin'ny haino aman-jery iray, izay nanaparitaka ilay rohy misy ilay fanambaràna, amin'ny zava-misy any Serbia amin'izao fotana izao eo ambany fifehezan'ny Antoko Liam-pandrosoana Serba,  ny famoretana izay nisy tamin'ny fitondran'ny Antoko Kaominista tany Yogoslavia, notarihin'i Josip Broz Tito.

Naprednjaci su i čitulje počeli da cenzurišu. Ovoga nije bilo ni kod Broza.https://t.co/IqabSTZUON

— Srdjan Milivojevic (@srdjanmil037) February 21, 2018

Nanomboka nanivana ny Liam-pandrosoana eny fa hatramin'ny lahatsoratra fahatsiarovana ny maty aza. Zavatra izay mbola tsy nitranga mihitsy nandritra ny fitondran'i Broz.

NUNS osuđuje cenzurisanje In memoriam-a u Politici https://t.co/5z8nFooT58
EU&ostali slobodni svet: “I, šta se dešava u Srbiji?”
Srbija: “Cenzura nekrologa”
EU: “?!”
Srbija: “Ništa još niste videli”

— gordana comic (@gordanacom) February 21, 2018

Melohin'ny NUNS ny sivana natao tamin'ny lahatsoratra fahatsiarovana ny maty tao amin'ny Politika.
Ny Vondrona Eoropeana & izao tontolo izao afaka : “Inona no vaovao any Serbia ?”
Serbia: “Sivana atao amin'ny lahatsoratra fahatsiarovana ny maty.”
Vondrona Eorpeana: “?!”
Serbia: “Mbola tsy nahita na inona na inona ianareo.”