[1]Ny Nanga Parbat (Tendrombohitra Miboridana) no tendrombohitra faha-sivy avo indrindra eran-tany sy faharoa avo indrindra ao Pakistana (aorian'ny K2). Sary avy amin'ny Flickr an'i Ahmed Sajjad Zaidi. CC BY-SA 2.0.
Nahavita nanangom-bola ampy [2]hamatsiana ny asa fanavotana ho an'ilay Frantsay mpihanika tendrombohitra Elizabeth Revol, izay nihanika ny Nanga Parbat [3] ao Pakistana, tendrombohitra fahasivy avo indrindra manerantany ny fikambanana iraisam-pirenen'ny mpihanika tendrombohitra. Tsy voavonjy kosa ny mpiara-mpihanika tendrombohitra aminy, Tomek Mackiewicz [4], noho ny toetr'andro ratsy, ary voalaza fa namoy ny ainy.
Nihanika tendrombohitra mirefy 8.126 metatra hatreny an-tampony i Revol sy Mackiewicz, izay heverina fa iray amin'ireo fianihana tendrombohitra sarotra indrindra manerantany, ary efa nahafatesana olona 60 eo ho eo. Ity no ezak'i Revol fahadimy hahatratra ny tampon-tendrombohitra, ary fahafito ho an'i Mackiewicz, araka ny filazan'ny Pakistan Explorer [5]..
On #Nanga [6] Parbat @ZabRevol [7]?? & Tomek Mackiewicz @czapkins [8]?? are in Camp 3 (7300). Tomorrow they are starting to fight for summit (8126). Keep your fingers crossed, send good vibes & warm wishes to #Karakorum [9], Pakistan! Chill temp. on top is around -60C. Photo: @Polityka_pl [10]pic.twitter.com/3FIUwpaFs7 [11]
— Michał Kaczerowski (@mkaczerowski) January 19, 2018 [12]
Ao amin'ny #Nanga [6] Parbat @ZabRevol [7]?? & Tomek Mackiewicz @czapkins, [8] ao amin'ny Toby 3 (7300). Hanomboka hiady ho an'ny fara-tampony (8126) izy ireo rahampitso. Akombony ny tananao, mandefasa fankaherezana & firarian-tsoa mafana ao #Karakorum [9], ao Pakistan! Mangatsiaka ny mari-pàna ao amin'ny fara-tampony, manodidina ny -60C. Sary: @Polityka [10]
Noheverina fa tafahanika ny tampony izy roa tamin'ny 20 Janoary, izay mahatonga azy ireo ho ekipa faharoa nahavita fiakarana ririnina hatreny amin'ny tampon'i Nanga Parbat. Nanomboka nidina izy ireo avy eo.
Tamin'ny 26 Janoary, nanambara tao amin'ny Facebook [13] i Janusz Majer, mpandrindra ny fandefasana amin'ny ririnina Poloney fa tafahitsoaka eny amin'ny haavo 7.400 metatra ambanin'ny tampon'ny tendrombohitra i Revol sy Mackiewicz, noho ny tara-pahazavan'ny masoandro “Ultra-Violet” sy ny fijaliana amin'ny vakivaki-panala.
Nanohy nidina i Revol [14] ary niantso fanampiana tamin'ny alalan'ny finday zanabolana.
Tsy nety [15]nandefa angidimby ny orinasa ara-barotra Askari Aviation, an'ny tafika Pakistana raha tsy tafapetraka ny vola antoka, izay voalaza fa fomba fanao mahazatra. Ho valin'izany, nisy ny ezaka roa [16] nokarakaraina ka nahangona vola an'aliny euro vetivety ho an'ny fanampiana. Voalaza fa nanome vola [17] ihany koa ny governemantan'i Polonina.
[18]Antsoina amin'ny solon'anarana hoe “Tendrombohitra Mpamono Olona”, nalaina sary tamin'ny “infra-rouge” i Nanga Parbat. Sary avy amin'ny Flickr an'i Ahmed Sajjad Zaidi. CC BY-SA 2.0.
Tamin'ny vola natao antoka, nandeha ny angindimby ny vondrona mpihanika efatra Poloney, izay nampiato ny fianihan'izy ireo ny tendrombohitra faharoa avo indrindra manerantany, K2 [19], mba hanampy amin'ny fanavotana an'i Revol sy Mackiewicz tafahitsoka ao amin'i Nanga Parbat. Tamin'ny 28 Janoary, avotra [20] i Revol ary nalefa hisidina any Isamabad [21] mba hotsaboana. Voalaza fa nijaly mafy [22] noho ny vakivaki-panala teo amin'ny tànany sy ny tongony izy. Nanery ny ekipa mpamonjy voina mba handao ny fianihana hikaroka an'i Mackiewicz ny toetr'andro tena ratsy [23].
Pakistaney, mpihanika tendrombohitra, Karim Shah Nizari nankasitraka ny ekipa mpamonjy voina Poloney:
The Heroes of Nanga parbat Polish climbers who stopped their K2 climb and saved life on killer mountain in the darkness
You showed the world what a human life means #NangaParbat [24]#k2 [25]pic.twitter.com/LP9LkJ6HCi [26]— Karim Shah Nizari (@shahnizari) January 27, 2018 [27]
Ireo maherifo Poloney mpihanika ny Nanga Parbat izay nampiato ny fianihan'izy ireo ny K2 ary namonjy aina tao anaty haizina tao amin'ny tendrombohitra mpamono olona
Nampiseho ny dikan'ny ain'olombelona tamin’ izao tontolo izao ianareo
Naneho hevitra momba ny famonjena an'i Revol i Masha Gordon, mpandraharaha Britanika teraka tao Rosia izay nanangana ny fanentanana fanangonam-bola faharoa nalefa [28]tao amin'ny GoFundMe: “Mitomany fifaliana izahay.”
Nahangona vola maherin'ny 50.000 dolara tao anatin'ny adiny roa ity fanentanana ity, ary ny ankamaroan'ireo fanomezana dia avy any Polonina, hoy ny vadin'i Mackiewicz [29]nanoratra tao amin'ny pejy Facebook an'i Mackiewicz. Mbola mitohy ny fanangonam-bola; tamin'ny 30 janoary, nampiseho vola 136.217 euros amin'ny tanjona 150.000 ny pejy GoFundMe .
Tamin'ny hafatra faha-10, nangataka fanampiana bebe kokoa ny fanentanana mba hanohanana ny vadin'i Mackiewicz sy zanany telo:
This has been a very long and traumatic day. While Elisabeth is now convalescing in safety in Islamabad hospital with severe frostbites, we mourn Tomek. Please donate generously to help Anna and his beautiful three kids. We will be extremely transparent with expenses with all money ex-rescue costs going to the family.
Tena andro lava sady mandratra fo izany. Raha mbola maka aina taorian'ny aretina ao amin'ny hopitalin'i Islamabad miaraka amin'ny vakivaki-panala goavana i Elisabeth, misaona an'i Tomek kosa isika. Azafady, manomeza am-piantrana mba hanampiana an'i Anna sy ireo zanany telo mahafinaritra. Hangarahara tanteraka izahay amin'ny fandaniana ny vola rehetra ary halefa any amin'ny fianakaviana avokoa ny ambim-bola teo aloha tamin'ny fanavotana.
Nidera ny miaramila noho ny fandraisan'izy ireo anjara tamin'ny iraka fanavotana ny Pakistaney sasany. Omar Qureshi, mpanao gazety, nisioka hoe:
While much of the western media is busy praising the Polish climbers for rescuing Elisabeth Revol — a word of praise for the Pakistan Army helicopter pilots who flew the Polish climbers from K2 to Nanga Parbat and dropped them on the mountain at a height of 6400 metres
— omar r quraishi (@omar_quraishi) January 28, 2018 [30]
Raha maro ireo media tandrefana mazoto midera ireo mpihanika tendrombohitra Poloney tamin'ny fanavotana an'i Elisabeth Revol – teny fiderana kosa ho an'ny mpanamory ny angidimbin'ny Tafika Pakistana izay nitondra ireo mpihanika tendrombohitra Poloney avy any K2 ka hatrany Nanga Parbat ary nametraka azy ireo teny an-tendrombohitra tamin'ny haavo 6400 metatra
Na dia izany aza, nisy ireo mpisera Twitter malaza nitsikera ny tafika Pakistaney noho ny fahataran'ny asa fanavotana noho ny vola.
No SOPs man. Money $$$ more important than life in Pak. In civilised countries you first save life, than charge. If they had flown earlier (24h), the chances of saving both lives (Eli and Tom) would have been much higher. #nangaparbat [31]
— Kosma Jurlewicz (@KJurlewicz) January 29, 2018 [32]
Vola dolara no ambony noho ny aina ao Pakistana. Any amin'ny firenena mandroso ianao, mamonjy aina aloha, vao ny fiampangana. Raha nandeha mialoha izy ireo (24h), dia mety ho ambony lavitra kokoa ny herijika nahavotra ny ain'ny roa tonta (Eli sy Tom).
Shame on sleeping Pakistani media and dead Alpine club of Pakistan #NangaParbat [24]#K2dlaPolakow [33]
— Karim Shah Nizari (@shahnizari) January 27, 2018 [34]
Henatra ho an'ireo media Pakistaney matoritory sy ny fahafatesan'ny klioba mpihanika tendrombohitra ao Pakistan
Raha mankalaza ny fanavotana an'i Revol izao tontolo izao, tsy misy antenaina kosa ny fahaveloman'i Mackiewicz. Najanona ny ezaka famonjena, satria mihevitra ny manampahefana fa maty izy. Ny rainy kosa dia nangataka hetsika iray hafa hanavotana ny zanany:
#NangaParbat [24] – I am begging you to resume the rescue operation for my son Tomek. I know, I feel that he is still alive. Tomek can survive for 6 days in a snow cave at a similar height. He is a tough and very stubborn boy – appealed to Witold Mackiewicz, the father of the climber
— Marek (@Marek54169902) January 28, 2018 [35]
#NangaParbat [24] — Mangataka aminareo aho mba hanohy ny asa famonjena ho an'i Tomek zanako lahy. Fantatro, tsapako fa mbola velona izy. Afaka mbola miaina mandritra ny 6 andro ao anaty lavaka feno rahona mitovy haavo amin'izany i Tomek. Zazalahy matanjaka sy tena mafy loha izy – hoy ny antson'i Witold Mackiewicz, rain'ilay mpihanika tendrombohitra.
Niresaka tamin'ny media Poloney ny anabavin'i Mackiewicz ary nilaza [36] fa ho fahagagana raha mbola velona izy.