Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Kôlômbia: Sarotra Ny Manavaka Ny Olona Tsara Fanahy Sy Ny Ratsy Fanahy

(Marihina fa tamin'ny 20 Janoary 2010 no nanoratana ny lahatsoratra teny Anglisy)

My Camera by Marcin Wichary

Ny Fakantsariko avy amin'i  Marcin Wichary

Amin'ny alàlan'ny lahatsarin'ny olon-tsotra, mizara ny fomba fijeriny manokana momba ny heloka bevava, ny herisetra ary ny fifandonana mitam-piadiana ireo fikambanana Kolombiana samihafa, izay sarotra tokoa ny mamantatra ireo olona tsara fanahy amin'ny ratsy fanahy ao anatin'izany.

Voalohany,  nanao diabe manohitra ny tafika mitam-piadiana tsy nohelohina tamin'ny fahafatesan'ireo zatovolahy noho ilay antsoina hoe (Fampanantenana Fitaka) ireo reny sy ny fianakaviany. Tao anatin'ny toe-draharaha farany indrindra mikasika ity fampanantenana fitaka ity, dia voalaza fa noraofin'ny tafika ireo zatovolahy niaraka tamin'ny fampanantenana asa tany amin'ny faritra ambanivohitra izay avy eo namonoana azy ireo ary nolazaina fa mpikamban'ny mpiady anaty akata novonoina tamin'ny ady izy ireo. Navotsotra anefa ireo miaramila miisa 17 voaheloka tao amin'ny tafika rehefa dila ny fe-potoam-pitsarana azy ireo.

Ireo ny vondrom-piarahamonin'ireo indizeny Nasa ny vondrona faharoa, izay afaka nanararaotra nilaza ny tantara tsy navoakan'ny haino aman-jery matetika tamin'ny alàlan'ny fantsona YouTube. Tamin'ity tranga ity, navela tao amin'ny faritra nisy ireo indizeny ireo vanja milevina, sy ireo fitaovam-piadiana mipoaka hafa izay teo afovoan'ny faritra nifandiran'ny vondrona mitam-piadiana ara-dalàna sy tsy ara-dalàna. “Manadio” tsy tapaka ny faritra ny sampan-draharahan'ny fiarovana ny indizeny, anisan'izany ny trano, mba hanalana ireo fitaovam-piadiana izay navelan'ny tafika nasionaly sy ny mpiady anaty akata. Ao anatin'ilay lahatsary, mangataka ny tafika mitam-piadiana izy ireo mba hampiato ny fametrahana vanja milevina na farafaharatsiny mba ho tonga haka ireo baomba tsy mbola nipoaka alohan'ny tsy handehanan'ireo vondrom-piarahamonina tompotany eo ambonin'izany .

Amin'ity ohatra fahatelo ity,  nanadihady ny polisy iray momba ny fahitany ny faran'ny taona ny gazety iray teo amin'ny manodidina. Tao anatin'ity antsafa ity, mitondra ny lohateny hoe “Mitandrema amin'ny olon-dratsy manodidina anao”, dia nilaza ny zava-nitranga iray ilay manampahefana izay nahitana vondron-jiolahy iray nipetraka tao amin'ny tranobe tsara tarehy ka nahavariana ireo mpifanolo-bodirindrina taminy, satria nivarotra an-tsokosoko fitaovam-piadiana izy ary nafenina tao anaty kitapo natao ho an'irony raquettes fanaovana tennis irony izany.  Ny torohevitr'ilay polisy ho an'ny olona tsirairay no tena nahagaga hoe: mitandrema ianareo amin'ny mpiray monina aminareo ary raha mahita zatovolahy manam-bola be mipetra-drery ianareo ka mihinan-kanina any ivelan'ny tranony matetika izy ary mitondra zatovovavy tsara tarehy ao an-tranony, indrindra raha toa izy ireo ka tahaka ny zazavavy mpivarotena dia mety ho mpikambana ao amin'ny mafia izany olona izany.

Raha mahafantatra vondrom-piarahamonina sy fikambanana hafa mampiasa lahatsary mba hitantarana ireo tantara izay tsy voatantaran'ny fampitam-baovao ianao na hizaran'izy ireo ny fomba fijery samihafa dia miangavy anao mba hizara izany aminay amin'ny alalan'ny fanehoan-kevitra na manorata mivantana aty amiko!

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.