(Nivoaka tamin'ny 20 Jona 2007 ny lahatsoratra teny anglisy)
Maro ireo bilaogera tao Myanmar [1] no nankalaza sy nandefa firariantsoa ho an'ny mpitarika ny antoko mpanohitra Birmana, Daw Aung San Suu Kyi izay nankalaza ny faha 62 taonany tamin'ny 19 Jona.
Nandritra ny taona maro, tokony hankalaza ny fitsingerenan'ny andro nahaterahany i Aung San Suu Kyi, mpikatroka mafàna fo mpomba ny demaokrasia , izay nahazo ny loka Nobel : isan-taona anefa, mitaky ny famotsorana azy ny vahoaka, fa hatramin'izao dia tsy mety tanteraka izany. Tena mahavaky fo ny mahita ny fijaliany noho ny fitokisany ny fireneny. Voamarika ao ampon'ireo tanoran'i Myanamar izany faharetany izany, ary mendrika dera sy haja.
Aung San Suu Kyu (Sary Stephen Brookes [2])
Maro amin'ireo bilaogera no nanoratra tononkalo, lahatsoratra, sy nanolotra firariantsoa ary naneho ny fanohanany am-pahamendrehana azy.
Ireto misy santionany amin'ny fampahafantarana.
Tononkalo
- A Lotus in the Mud [3] avy amin'i D. Maung Maung Nyo
- Aunty Suu’s Birthday [4] avy amin'i May Nyane
- Marthy’s Voice [5] avy amin'i Nay Phone Latt
- Poem 1 [6] | Poem 2 [7] avy amin'i Thandar
- 19 June 2007 [8] avy amin'i Tesla
Firariantsoa
- 62nd Birthday [9] avy amin'i Generation96
- 62nd Birthday Wish [10] avy amin'i May11
- To Mother [11] avy amin'i Klosayhtoo
- Peace be with you mother [12] avy amin'i Maydar-Wii
- Happy Birthday [13] avy amin'i TZA
- Happy Birthday Daw Suu [14] avy amin'i Yangon Thu
- Happy birthday to Aunty Su [15] avy amin'i Blog of Nyein Chan Yar
- Happy Birthday Daw Aung San Suu Kyi [16] avy amin'i thehimmoderator
Essais[En]:lahatsoratra
- Daw Suu’s 62nd Birthday [17] avy amin'i Ka Daung Nyin Thar
- June 19 [18] avy amin'i Pu-htu-sin
Mahavariana ny mahita ny fivoaran'ireo firariantsoa izay natolotry ny vahoaka azy nandritra izay taona maro izay. Maro ireo solon'anarana nomen'ny olona azy, nantsoina ho zanakavavin'ny Firaisambenin'i Myanmar izy, Ny Feon'ny Fanantenana, Ramatoa sy ny maro hafa koa. Ho an'ity faha-62 taonany ity, maro ireo mpibilaogy no niantso azy ho “Renin'ny firenena”.
Ny tranon'i Aung San Suu Kyi ao amin'ny No 54 Lalamben'i Oniversite ao Yangoon. (sary Stephen Brookes [19])
Nandritra izany fotoana izany, nohamafisina ny filaminana nanodidina ny tranom-ponenany noho ny fankalazana ny fitsingerenan'ny andro nahaterahany, hoy ny tatitry ny Burmanet [20] .
Nosamborina ireo mpikambana telo avy amin'ny NLD (National League for Democracy) izay nandray anjara tamin'ny fankalazana (…) l.
Nanambara ny loharanom-baovao tao Rangoon fa nanamafy ny filaminana teo akaikin'ny toeram-ponenan'i Suu Kyi ary nametraka fefy vy teny amin'ny arabe manodidina ny tananany hatramin'ny Alatsinainy alina ny Fitondrana. Ireo mpikambana hafa ao amin'ny NLD ao Shwebo, any amin'ny faritr'i Mandalay, dia norahonana vondrona olona notohanan'ny tafika izay nitoraka vato tao amin'ny biraon'ny NLD tao Mandalay ary nametraka zava-maranitra maromaro mamaky ny kodiaran'ny môtô teny amin'ny arabe akaikin'ny tranoy, araka ny filazan'i Tint Tint, mpikambana ao amin'ny NLD.
Mirary soa sy mitondra am-bavaka ho an'i “Ramatoa” izahay amin'izao fankalazana ny andro nahaterahany izao.