Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Arabia Saodita : Vely Karavasy Miisa 1500

(Marihina fa tamin'ny 1 Novambra 2008 no nanoratana ny lahatsoratra teny Anglisy)

Nanameloka 15 taona an-tranomaizina sy vely karavasy in-1.500 ilay dokotera Egyptiana Raouf Amin i Arabia Saodita noho ny nanomezany fanafody fampatoriana izay lasa iankinany loha ny printsy vavy Saodiana iray raha mbola niasa tany amin'ny hopitaly Saodiana izy. Nandà ny fanamelohana azy ho tompon'andraikitra tamin'ny fanomezana ity printsy vavy ity ilay fanafody mahadomelina i Dr. Raouf Amin .

Nanapa-kevitra ny hitantara ny tantarany tao amin'ny bilaogy Dokotera Tsy Manan-jo ny vadin'i Dr. Amin:

منذ ٥ سنوات استدعاه أمير سعودي لعلاج زوجته في قصره، وتبين له أنها أصيبت بكسر في الظهر، ونقلت إلي أمريكا للعلاج، حيث حقنت هناك بالمورفين المخدر لتسكين آلامها، غير أنها أدمنته بعد عودتها إلي المملكة، فقرر (رؤوف) بالاتفاق مع الأمير، علاجها من الإدمان حتي تعافت منه تماماً في مارس الماضي”

“Dimy taona lasa izay, nampanantsoina  tany amin'ny lapan'ny printsy Saodiana izy (Dr. Amin) hikarakara ny vadiny. Nahazo tsindrona morphine izy mba hanamaivanana ny fanaintainana taorian'ny nahatapahan'ny hazondamosiny, izay nentina tany Etazonia mba ho tsaboina. Lasa nitady ity zava-mahadomelina ity foana izy rehefa niverina tany Arabia Saodita. Nanaiky ny hitsabo azy tamin'io fanafody maha-domelina io mandra-pahasitrany i Dr Raouf, rehefa nifanaraka tamin'ny vadiny, izay nitranga tamin'ny volana Martsa

تابعت: «علي إثر ذلك قرر (رؤوف) تخفيض جرعة المورفين، الذي كان يحضره من بعض المستشفيات بأوامر من الأمير.. وبعد شفائها قرر زوجي العودة إلي مصر، وفوجئ بأنه ممنوع من مغادرة المملكة، وتبين له أن طبيباً سعودياً ضبطته السلطات وبحوزته أمبولات وأقراص مخدرة، وذكر في التحقيقات أنه يعطي هذه الأمبولات لـ(رؤوف

Hoy ny vadin'ilay dokotera nanohy: “Noho izany, nanapa-kevitra i Raouf ny hampihena tsikelikely ny fatran'ny morphine, izay nalainy tany amin'ny hopitaly, araka ny toro-hevitry ny printsy. Rehefa sitrana ny printsy vavy dia niverina indray tany Egypta i Raouf ary hitany fa tsy navela handao ny Fanjakana izy. Fantany taty aoriana fa ny dokotera Saodiana iray izay nosamborina niaraka tamin'ny tsindrona sy ny fanafody maha-domelina no nilaza fa tsy maintsy manome izany an'i Raouf izy . “

Nandritra ny fitsarana azy voalohany, voaheloka telo taona an-tranomaizina sy vely karavasy miisa fitonjato i Dr. Raouf Amin. Nitombo anefa ny saziny rehefa nanao fampakarana izy. Hahazo vely karavasy miisa 10 ka hatramin'ny 15 isa-kerinandro izy, mandritra ny dimy ambin'ny folo taona an-tranomaizina.  Tsy ny fikambanana mpiaro ny zon'olombelona ihany no manameloka ity sazy ity ​​fa ny Minisitry ny Atitany Egyptiana sy ny sendikan'ny mpitsabo Egyptiana ihany koa. Hoy i Dr. Hamdy El Sayed, ny filohan'ny sendika, tao amin'ny AFP:

“Manohitra tanteraka ity didim-pitsarana ity izahay ary efa niantso ireo manampahefana tao Kairo sy tany Arabia Saodita, sy ny Filoha Hosni Mubarak, mba hiditra an-tsehatra.”

“Tsy nahazo fitsarana ara-drariny izy . Tsy nisy akory ny fanadihadiana avy amin'ny  manam-pahaizana momba ny fitsaboana . Fampijaliana bebe kokoa no hita amin'ity didim-pitsarana ity fa tsy ny rariny ary tsy mifanaraka amin'ny lalàna velively, eny fa na dia ao amin'ny Sharia aza (lalàna Islamika) “.
Tsara kokoa ny nanameloka azy ho faty toy izay mampijaly azy toy izany. 15 taona an-tranomaizina sy vely karavasy miisa 1 500, habibiana izany, eny fa na dia ho an'ny mpamono olona aza. “

“أين الخارجية المصرية ؟
أين منظمات حقوق الانسان ؟
أين وزير الصحة ؟”

“Aiza ny Minisitry ny Raharaham-bahiny?
Aiza ireo fikambanana mpiaro ny zon'olombelona?
Aiza ny Minisitry ny fahasalamana? “

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.