(Marihina fa tamin'ny 23 Martsa 2007 no nanoratana ny lahatsoratra teny Anglisy)
Nisy fiantraikany ho an'ireo bilaogera ny fanapahan-kevitry ny Fikambanan'Orinasa Mpanome Tolotra Aterineto tao Nepal (ISPAN) tamin'ny fanakatonana ny tolotra aterineto nandritra ny adiny roa — adiny iray avy ny maraina sy ny hariva. Anisan'ny fandaharan'ny hetsi-panoherana nambaran'ireo tomponà indostria tao Nepal [1] manohitra ny fidarohan'ny Maoista ny mpitantana hotely iray [2] ny fanakatonana. Saingy tezitra tamin'ny fanakatonana aterineto ny ankamaroan'ireo bilaogera izay efa nanameloka ny hetsika nataon'ny Maoista. Samy manana ny filazany momba io olana io ireo bilaogera avy ao Nepal raha namerina indray ny tolotr'izy ireo nandritra ny andro ny ISPs (Mpanome Tolotra Aterineto) ka tafiditra antserasera ny rehetra.
Hoy i My Sansar [3] nanoratra raha niresaka momba ny fanakatonana :
काठमाडौँ उपत्यकामा इन्टरनेट सेवा अहिले अपराह्न ४ बजेदेखि बन्द भएको छ । एक घण्टाका लागि इन्टरनेट सेवा प्रदायकहरुको संगठन आइस्पानले यो बन्द गरेको हो। उद्योगीव्यापारीहरुको आन्दोलनप्रति ऐक्यवद्धता जनाउँदै नेपालमा नै पहिलो पटक यस्तो किसिमको बन्द गरिएको हो ।
Nakatona nanomboka tamin'ny 4 ora hariva androany ny tolotra aterineto. Niantso ity fanakatonana adiny iray ity mba ho firaisankina miaraka amin'ny fandaharan'ny hetsi-panoheran'ny tompona indostria ny Fikambanan'ireo Mpanome Tolotra Aterineto ao Nepal. Voalohany izao no nanakatonan'ny mpanome tolotra ny aterineto teto Nepal.
Nampiasa teny mahery ny United We Blog! [4] mba hanamelohana ny fanakatonana ary niantso izany ho hadalana sy nangataka onitra ho an'ny mpanjifa ary ny hetsiky avy amin'ny vahoaka mba tsy hisy intsony ny fanakatonana.
Who are these folks to close down the service that is branded as ESSENTIAL? We don’t need another Gyanendra Shah to deprive us from Internet. [Gyanendra closed down Internet in Nepal for a week when he took over the government in the Feb 2005 coup.] We don’t need another information and communication blackout on any excuse. NO.
Iza ireo olona manakatona ny tolotra voatondro ho TENA ILAINA? Tsy mila Gyanendra Shah iray hafa izahay hanakana anay amin'ny Aterineto. [Nosakanan'i Gyanendra ny aterineto tany Nepal nandritra ny herinandro raha nandray ny governemanta izy tamin'ny fanonganam-panjakana tamin'ny volana Febroary 2005). Tsy mila fanapahana ny vaovao sy ny fifandraisana hafa izahay na inona na inona antony . TSIA.
Namaritra toe-javatra iray nitranga taminy i Mero Guff [5] izay tsy nahafahany niditra antserasera tamin'ny asa iray lehibe tokony nataony rehefa nahafantatra momba ny fanakatonana tamin'ny alàlan'ny biraom-panohanan'ny ISP izy, tsy nampino azy izany :
Now, being user, I've paid them the subscription fees. Why are they indulging us in their programs… It's such a shame to relate ourselves [users] to this system [protest].
Koa satria mpisera aho dia efa nandoa ny saran'ny fisoratana anarana . Maninona izy ireo no mandrisika antsika amin'ny fandaharan'izy ireo … Tena mahamenatra ny mampifandray antsika [mpisera] amin'ity rafitra ity [fihetsiketsehana].
Nanatevin-daharana ny ‘hetsi-panoherana fanakatonana aterineto’ ihany koa ny The Radiant Star [6] ary nilaza fa tsy misy olona mahazo tombony amin'ny fanakatonana:
And aren’t they violating the consumers’ rights by that? They need to provide 24-hour internet if they sell the scheme saying that unless there is circumstances beyond their control…
Let’s condemn the closing down of internet!
Moa ve tsy manitsakitsaka ny zon'ny mpanjifa izy ireo amin'izany? Mila manome aterineto mandritra ny 24 ora izy ireo raha toa ka mivarotra ilay sora-baventy izay milaza izany raha tsy hoe angaha misy ny toe-javatra izay tsy azo anoharana …
Andao hanameloka ny fanakatonana aterineto!
Nitohy tsy an-kijanona ny fanakatonana adiny ora mandra-panalan'ny tompona indostria ny fandaharan'ny hetsi-panoherana .