(Fanamarihana: tamin'ny 26 Jolay 2009 no nanoratana ny lahatsoratra teny Anglisy)
Niresaka sy nandrakipeo ny antsafa niarahako tamin'ilay mpanoratra ato amin'ny Global Voices Sara Moreira [1] ao amin'ny Sekoly Iraisam-pirenena ho an'ny Fanavaozana Nomerika [2] ao Porto, Portiogaly aho. Nanatrika ity fandaharam-potoana ity i Sara rehefa nandany herinandro maromaro tao Dili, Timor Atsinanana, firenena iray izay itaterany manontolo ny tontolon'ny bilaogy ho an'ny Global Voices [3].
Mpampianatra tao amin'ny Oniversiten'i Timor Atsinanana izy ary notoloran'ny Hewlett Packard fitaovana sy solosaina [4] mba hanampiana ny vehivavy Timorey hahalala bebe kokoa ny sehatry ny teknôlôjian'ny solosaina sy ny manodidina ny tranonkala.
Aza adinoina ny mamaky ireo lahatsoratra miisa telo [5] nosoratan'i Sara nandritra ny fankalazana ny fotoana fahasivy nahatongavan'ny Aterineto tao Timor Atsinanana.