(Fanamarihana: lahatsoratra nivoaka tamin'ny Aogositra 2006)

Rohy sy lohateny avy amin'ireo tantara roa an'ny BBC amin'ny teny Shinoa hita ao amin'ny faran”ny lahatsoratra iray [zh] androany avy amin'ny blaogera Boy70 ao amin'ny Blogbus:

Miresaka momba ny Sinoa Tatsinanana iray mpanamory fiaramanidina ilay voalohany, izay taorinan'ny nisidinany avy any Shanghai nankany Los Angeles dia nangataka fialofana tamin'ny filazàny ny teany ho mpanao Falun Gong, ary ilay faharoa kosa dia mitantara ny tantaran'ny mpanao gazety Zan Aizong (昝爱宗) avy amin'ny gazety Hangzhou (中国海洋报) , gazety miorina ao Haiyang, izay voatazona tamin'ny 11 Agosoritra taorian'ny nanaovany tatitra mikasika ny faharavan'ny fiangonana iray tao amin'ny faritra Atsinanan'i  Zhejiang ary koa nitsikera ny fanenjehan'ny fanjakana ireo kristiana. Andrasana ho ny 18 Aogositra ny famotsorana an'i Zan.

这两件事最为敏感，所以我还是坚持贴了出来。
如果你访问不了，可以通过代理服务器察看相关的信息
我必须要说的是，英国广播公司BBC和路透社以及更多的西方媒体缺乏最基本的职业道德。作为新闻人，他们敏感度远远高于标准。他们的存在有极大的成分是意识形态的作怪。但是，他们也是我们的另一双眼睛，可以看清我们国家见光死的一面。

Araka ny tatitra tao amin'ilay tranonkala Shinoa mpanohitra any am-pitandranomasina, Boxun, nantsoin'ny polisin'i Hangzhou tamin'ny 4 Aogositra ilay mpitsikera ny ara-tsosialy [zh], nilazàna tsy hiala ao an-tanàna ary nalaina ny solosainy. Tamin'ny 10 Aogositra, nesorina tamin'ny asa maha-mpanao gazety azy izy ary nosamborina tamin'ny 11 Aogositra noho ny ”faneleezana tsaho sy fanakorontanana ny filaminam-bahoaka.” Mampifandray ny fisamborana an'i Zan amin'ny asa sorany, ny maha-kristianina sy ny maha Shinoa mpikambana  PEN azy [zh] ny fanambarana iray taorian'ilay tatitra, ary mangataka tsy misy fepetra ny famotsorana azy, ny famerenana ny fitaovana solosainy  ary ny famerenana azy indray ho mpanao gazety sy tomponandraikitra web-n'ny gazety Haiyang .

Anatin'ireo anarana efatra amby dimapolo napetaka tao amin'ilay fanambarana—izay ny ankamaroany dia mpanoratra sy mpikatroka malaza—no misy ilay mpikatroka ho an'ny ady atao amin'ny SIDA,Hu Jia (胡佳),izay matetika voatebaka ary vao haingana no namerina namelona ny blaogy MSN Live Spaces. Niblaogy tao amin'ny blaoginy Spaces manokana ny vadiny, Zeng Jinyan (曾金燕), nandritra ny volana roa lasa izay, momba ny fiainana ambany famoretana maharitra ataon'ny fanjakana.