Ny fanaingoana mandritra ny Andron'ny Renibe Volana Martsa antsoina hoe martinki/mártenitsa/mărţişor/martis/verore. Sary avy amin'ny HAEMUS, nahazoana alàlana.
Nanome ny satan'ny “vakoka ara-kolontsaina” ho an'ny fomba amam-panao manokana mifandraika amin'ny Andron'ny Renibe Volana Martsa ao Balkana ny UNESCO. Natao hankalazana ny fahatongavan'ny lohataona any Atsimo Atsinanan'i Eoropa ilay andro . Manasongadina ny fifanakalozana sy ny fanaovana ny fehin-tànana mena sy fotsy vita amin'ny volon'ondry ary ny haingon'akanjo (broche) ity fomban-drazana ity.
Nanamafy ity fomba amam-panao ara-kolontsaina ity ny fivoriana faha roambinifolon'ny Komity Iraisan'ny Governemanta ho Fiarovana Ny Vakoka Ara-kolontsaina volana Desambra 2017 tany Korea Atsimo. Nangataka ny sata avokoa i Makedonia, i Boligaria, i Romania ary i Moldavia tamin'ny fangatahana taona 2013.
Cultural Practices Associated to the 1st of March comprise traditions transmitted since ancient times to celebrate the beginning of spring. The main practice consists of making, offering and wearing a red and white thread, which is then untied when the first blossom tree, swallow or stork is seen… The artefact is considered to provide symbolic protection against perils such as capricious weather, with the practice ensuring a safe passage from winter to spring for individuals, groups and communities. All members of the communities concerned participate, irrespective of their age, and the practice contributes to social cohesion, intergenerational exchange and interaction with nature, fostering diversity and creativity. Informal education is the most frequent means of transmission: in rural areas, young girls are taught how to make the thread by older women, while in urban areas apprentices learn from teachers, craftspeople and through informal education…
Ahitana fomban-drazana nampitaina nanomboka hatramin'ny fahagola mba hankalazana ny fiandohan'ny lohataona ity Fomba Amam-panao Ara-kolontsaina izay Atao Ny Voalohany Volana Martsa ity. Ahitana ny fanamboarana, ny fanolorana sy ny fanaovana fehin-tanana mena sy fotsy izy ity ary vahana izany rehefa miseho ny famonin'ny hazo, ny voronkely na ny cigogne… Heverina fa manome ny mariky ny fiarovana amin'ny loza toy ny toetr'andro mahery ity fehin-tanana namboarina ity, miaraka amin'ny fomba fanao izay miantoka ny fizotran'ny ririnina mankany amin'ny lohataona mba hizotra soa aman-tsara ho an'ny tsirairay, ny vondrona ary ny vondrom-piarahamonina. Mandray anjara avokoa araka ny sokajin-taona misy azy avy ny mpikambana rehetra ao amin'ny vondrom-piarahamonina izay voakasik'izany ary manampy amin'ny firindran'ny fiarahamonina, ny fifanakalozana isan-taranaka ary ny fifandraisana amin'ny natiora, izay manamafy ny fahasamihafana sy ny fahaiza-moronana ilay fombafomba.
Ny fampianarana antsisin-dalana no matetika fomba ampiasaina mba ifandraisana : any amin'ny faritra ambanivohitra, ny vehivavy lehibe no mampianatra ny tovovavy ny fomba hanamboarana ilay fehin-tanana, raha any amin'ny faritra an-drenivohitra kosa dia ny mpampianatra, ny mpanao asatanana ary amin'ny alàlan'ny fampianarana tsy ofisialy no hianarana izany.
Ny fehin-tànana vita amin'ny volon'ondry ho an'ny Andron'ny Renibe Volana Martsa antsoina hoe martinka/mártenitsa/mărţişor/martis/verore. Sary avy amin'ny HAEMUS, nahazoana alàlana.
Atao toy ny haingon-tanana na apaingotra amin'ny akanjo ity karazana firavaka-sampy namboarina tanana ity, ary ahantona eny ambony hazo avy eo. Antsoina hoe martinki (мартинки amin'ny Makedoniana), mártenitsa (мартеница amin'ny Boligariana), mărţişor (amin'ny Romaniana), martis (μάρτης amin'ny Grika) ary verore (amin'ny Albaniana) izany. Mitondra izany ireo foko Albaniana rehefa tonga ny faha 14 -n'ny volana Martsa izay anisan'ny Fetiben'ny Fahavaratra .
Manasongadina ilay mpikatroky ny vakoka ara-kolontsaina Vasilka Dimitrovska izay nanoratra momba ny fomba amam-panao amin'ny Andron'ny Renibe Volana Martsa tamin'ny taona 2016 ity lahatsary manaraka navoakan'ny UNESCO ity.
Nankalaza ny vaovao ireo mpiseran'ny media sosialy avy amin'ireo firenena miisa efatra.
Congratulations, as it seems today in Korea, the inclusion in the @UNESCO cultural immaterial patrimony of the multinational application #Martinki- #Mártenitsa- #Mărţişor custom was approved!
— Daria Pirvu (@daria_pirvu) December 6, 2017
Arahabaina, araka ny hita androany tao Korea , neken'ny UNESCO ny fampidirana ny vakoka ara-kolotsain'ny fomba amam-panao itovizan'ny firenena maromaro.
A beautiful surprise on #StNicholasDay#Mărțișor, included on the @UNESCO#IntangibleCulturalHeritage List @UNESCOEU
https://t.co/bZaWU8Jke4— Mircea Diaconu (@M_DiaconuMEP) December 6, 2017
Fanomezana mahafinaritra tsy nampoizina tao amin'ny #StNicholasDay#Mărțișor, nampidirina tao anaty lisitry ny vakoka ara-kolontsain'ny UNESCO.
The symbol of spring – the interlaced red and white yarns we wear every March, was listed on the Representative List of the Intangible Cultural Heritage of Humanity of #UNESCO. Typical for #Bulgaria, #Romania, #Macedonia and #Moldova. #martenitsa#Martisorulhttps://t.co/qqH9pWqotq
— come2see Balkans (@Come2seeBalkans) December 8, 2017
Ny mariky ny lohataona – voarakitra ao anaty Lisitry ny Vakoka Ara-kolontsain'ny Olombelona an'ny UNESCO ireo kofehy mena sy fotsy mirandrana izay hanaovantsika isaky ny volana Martsa. Mampiavaka manokana an'i Boligaria, Romania, Makedonia ary Moldavia.
Nandrakitra ny fomba amam-panao ao Balkans iray hafa tao amin'ny Lisitry ny Vakoka Ara-kolontsain'ny Olombelona antsoina hoe Hıdrellez, Fankalazana ny Lohataona, izay atao any Makedonia sy Torkia ny UNESCO ankoatra ny Fomba Amam-panao Ara-kolontsaina Mifandraika Amin'ny 1 Martsa, .
