Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Advocacy: Ampio Hiaro Ireo Bilaogera Eran-tany

(Fanamarihana: lahatsoratra nivoaka tamin'ny May 2006)

Mety hahita olana amin'ny mpitandro filaminana ny bilaogera, tahaka ireo hafa lohalaharana amin'ireo hetsika mampiroborobo ny fahalalahana miteny sy ny fampitambaovao. Niaina tranga voalohany amin'io izahay tato anatin'ny Global Voices miaraka amin'ny fihazonana tsy ara-dalàna ny iray amin'ireo toniandahatsoratray, Hao Wu. Efa telo volana izy izao no voatanan'ireo manampahefana Sinoa any aminà toerana tsy fantatra, tsy afaka tsidihan'ny fianakaviany sy ny mpisolovavany.

Alaa Abd El Fatah, ilay bilaogera Egyptiana nahazo maripankasitrahana, no farany fantatra fa niharan'io tsy hafalian'ny fitondrana io, izay isan'ireo maro voafonja nandritra ireo hetsika am-pilaminana hiarovana ny fiovàna demôkratika sy ho fanohanana ny fahaleovantenan'ny fitsaràna ao amin'ny firenena.

Natomboka tsy misy hatak'andro sady naparitaka be ny hetsika anaty aterineto ho fanohanana ny Avotsory i Alaa!, ahitàna hetsika maro, isan'ny vao haingana indrindra tamin'izany ny Free Alaa Frappr Map.

Nametraka takelaka manara-maso ireo tranga amin'izao fotoana izahay ato amin'ny Global Voices ho fanampiana amin'ny fanangonana ireo hetsika rehetra manohana ny bilaogera. Manana takelaka wiki ihany koa izahay – Global Voices Advocacy – izay ahafahan'ny tsirairay manampy vaovao momba ireo bilaogera voarahona sy ireo hetsika natao ho azy ireo.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.