Mikendry hanohana ireo bilaogera, mpilaza tantara, mpanao gazety ary ireo hafa izay manao ny asa fiarovana ny zontsika haneho hevitra an-kahalalahana amin'ny alàlan'ny fikatrohana ataon'izy ireo sy ny asan'izy ireo ny tetikasa vaovao farany an'ny Global Voice, Threatened Voices (Feo Voarahona).
Nampahafantatra ny tetikasa tamin'ny alalan'ny fanomezam-boninahitra ireo olona vitsivitsy izay niasa tamim-pahasahiana ho an'ny fahalalahana miteny ny ekipa. Anisan'izany ireto tononina manaraka ireto:
- Avijit Roy [1] bilaogera Amerikana-Bangladeshita maty nisy namono tao Dhaka
- Mahlet Fantahun [2] nandany 18 volana an-tranomaizina tao Ethiopia noho ny fitsikerany ny governemanta
- Mpanao gazety Meksikana Cecilio Pineda Birto [3] maty nisy nitifitra tao Guerrero tamin'ity taona ity, rehefa avy namoaka lahatsoratra momba ny heloka bevava, ny olana ara-tsosialy ary ny kolikoly.
- Atena Farghadani [4] izay nogadraina tao Iran noho ny sariitatra nataony momba ny fanabeazana aizana
Nanjavona tao amin'ny fonjan'i Syria taona maro lasa izay ilay bilaogera Palestiniana-Siryana Bassel Khartail Safadi [5]ary voalaza fa maty volana vitsy monja lasa izay
We remembered Bassel Khartabil Safadi, Palestinian-Syrian hero killed by the Assad regime, during the threatened voices moment at #GV2017 [6]#SriLanka [7]@globalvoices [8]@Trace_LK [9]pic.twitter.com/ToKaoRGdO8 [10]
— Joey (@joeyayoub) December 2, 2017 [11]
Nahatsiaro an'i Bassel Khartabil Safadi, maherifo Palestiniana-Syriana novonoin'ny fitondran'i Assad, nandritra ny fotoana niresahana ny feo voarahona tamin'ny #GV2017 [6]#SriLanka [7]@globalvoices [8]@Trace [9]izahay
“Niasa mba hilaza tantara, hiaro ny zon'olombelona, ary hitazona ny tompom-pahefana hanao adidy ireo olona rehetra ireo”, hoy ny talen'ny Global Voices Advocacy Ellery Biddle taminay.
*Shivers* here at #GV2017 [6] as we remember the courageous bloggers, @GlobalVoices [8] members, storytellers, and activists who have been imprisoned, silenced, tortured, and killed because of their actions.#threatenedVoices [12]#gvsummit17 [13]
— Tori Egherman (@ETori) December 2, 2017 [14]
*Mihoro-koditra* izahay eto amin'ny # GV2017 raha nahatsiaro ireo bilaogera feno herim-po, ireo mpikambana ato amin'ny @GlobalVoices, ireo mpilaza tantara ary ireo mpikatroka izay nogadraina, notampenam-bava, nampijaliana sy novonoina noho ny hetsika nataon'izy ireo. #threatenedVoices [12]#gvsummit17 [13]
Jereo ny tetikasa vaovao Threatened Voices avy amin'ny Global Voices.