Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Diantsika Ao Amin'ny Tontolon'ny Bilaogy Kiorda

(Marihana fa efa tamin'ny volana Oktobra taona 2005 ny lahatsoratra teny Anglisy)

Nanamarika ny fiantombohan'ny fitsarana an'i Saddam Hussein ity herinandro ity, tsy vitany hoe tsy mbola nisy toy izany ity fitsarana ity, fa ny fanontaniana mitoetra dia hoe: hotsaraina tokoa tamin'ny habibiana rehetra lazaina fa vitany ve izy? Lafiny iray hafa mahaliana amin'ity fitsarana ity ny hoe Kiorda ny mpitsara voalohany tamin'ity raharaha ity, izay fandresena mamy ho an'ireo vahoaka Kiorda. Hiwa avy ao amin'ny Hiwa Hopes manome lahatsoratra mampihetsi-po momba ny antony maha-zava-dehibe ny fisehoan'ity raharaha ity, ary manome antsipiriany ho antsika momba ny fahatsiarovana nentiny tamin'izy fony tanora ary nofaizin'i Saddam.

Mazava ho azy, rehefa misy ny fanombantombanana izay naha tompon'andraikitra na tsia an'i Saddam, miverina indray ny olana momba an'i Iran “ny manaraka ao amin'ny lisitra” raha tompon'andraikitra na tsia i Iran tamin'ny zavatra lazaina fa nataon'i Saddam. Ao amin'ny Kurdistan Bloggers Union, misy ny adihevitra mahaliana amin'ny hoe iza no tompon'andraikitra tamin'ny famelezana tamin'ny etona ny Kiorda ao Halapja, ny sasany amin'ny mpanao tsikera kosa nanonona an'i Iran no tompon'antoka tamin'ny raharaha, raha matetika ny fitondrana Irakiana no tondroina tompon'andraikitra tamin'izany. Vladimir avy ao amin'ny From Holland to Kurdistan manontany raha mihatra amin'i Iran tahaka ny mahazo an'i Iraka ihany koa ny loza tahaka izany sy raha rava koa ny fitondrany. Miresaka momba an'i Iran ihany, nisy koa ny fitsidihana ny tantara fampijalian'ny Iraniana ny Kiorda, manome fomba fijery tsara momba ny hetsika nataon'i Iran tamin'ny Kiorda ao Kiordistan atsinanana ny bilaogy Land of the Sun.

Vao haingana, nisy ny fihanaky ny herisetra tao amin'ireo faritra milamina teo aloha tao avaratr'i Iraka / atsimon'i Kurdistan izay niteraka ahiahy ho an'ny Kiorda tao amin'io faritra io. Indrindra fa misy ny tsaho milaza fa misy ifandraisany sy nohamafisin'ny Sonita ao Iraka ny herisetra .

Olana hafa atrehin'ny Kiorda ao Iraka ny ho endrika ara-politikan'ny firenena iray vaovao. Nolaniana vao haingana ny lalàmpanorenana Irakiana, saingy tsy midika izany fa azo antoka ny fahamarinan-toeran'i Iràka. Nanomboka nilaza ireo Kiorda mpitsikera fa be dia be loatra ny fileferana Kiorda tamin'ny famolavolàna ny lalàmpanorenana vaovao, niombo-kevitra tamin'ny filoha Amerikana George Bush kosa ny sasany fa mila miray hina ny antoko politika Kiorda hahombiazana.
Angamba ny fihetsika tsara indrindra amin'ny fandraisana anjaran'ny Kiorda dia ity sary manaraka nalefan'ny bilaogy Koerdistan ity: Kurds at a Parlimentary SessionNa dia vao omaly aza no nivoahan'ny valim-pitsapan-kevi-bahoaka amin'ny lalàmpanorenana, tsy mbola afaka maneho hevitra feno momba ny fiantraikan'izany ireo bilaogy Kiorda, fa manantena kosa aho fa hevitra maro no mbola ho avy amin'ny herinandro ambony.

Tsy i Iraka sy i Iran ihany no firenena tokana noresahan'ny Kiorda tamin'ity herinandro ity. Nojinery ihany koa i Torkia tsy tamin'ny fanokafana ny resaka tamin'ny Vondrona Eoropeana tamin'ny fomba ofisialy ihany fa tamin'ny fanohanan'ny olom-pirenena ny famonoana olona noho ny fiarovam-boninahitra ihany koa. Fanampin'izany, tamin'ity herinandro ity, nisy ihany koa ny vaovao momba ny tati-baovaon'ny Reporters without Borders momba ny tsy fisian'ny fahalalahan'ny gazety ao Torkia.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.