Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Goatemalà:  Voafidy Ho Sarimihetsika Amerikana Atsimo Tsara Indrindra Ny “Gasolina”

(Marihina fa tamin'ny 1 Oktobra 2008 no nanoratana ny lahatsoratra teny Anglisy)

Matetika lohalaharana amin'ny sokajy toy ny: kolikoly, fahantrana, tsy fahaiza-mamaky teny sy manoratra, herisetra atao amin'ny vehivavy i Goatemalà. Izany no mahatonga ny vondrom-piarahamonin'ny bilaogera sy ny mpanakanto faly rehefa tonga ihany ny vaovao tsara. Nahazo ny lokan'ny Sarimihetsika Amerikana Latina Tsara Indrindra izahay tao amin'ny Fetiben'ny San Sebastian tany Espaina. Raha ny marina, tsy izahay no nandresy fa ilay tanora mpamokatra sarimihetsika ao Goatemalà, Julio Hernandez, tamin'ilay sarimihetsika notontosainy mitondra ny lohateny hoe “Gasolina“.

Tena faly be ireo latsaky ny 35 taona! Tsiky sy fankasitrahana avy amin'ny rehetra!

Fa ny tena nahaliana kokoa dia ny horonantsary nahazo loka vao haingana izay tsy mamaritra an'i Guatemala ho paradisa, toerana iray tonga lafatra sy mahafinaritra, fa nisafidy ny hampiseho ny zava-misy marina. Ity no horonantsary faharoa nahazo loka tamin'ity taona ity. Ilay bilaogera Jacri, fianakavian'ny iray amin'ny ekipa mpilalao sarimihetsika no voalohany nanambara fa nahazo loka tao San Sebastian ny sarimihetsika:

Son las 8:00 de la mañana hora de Guatemala y entra una llamada yo en ese momento todavía estaba durmiendo y mi mama contesta el teléfono luego solo escucho que ella empieza a llorar de la emoción al recibir la noticia desde España diciéndole de que habían ganado a la categoría en la que estaban nominados Horizontes Latinos

Amin'ny 8 ora maraina tao Goatemalà, ary nisy olona niantso ahy raha mbola natory aho. Nandray ilay antso ny reniko, ary henoko fa nanomboka nihiaka hafaliana izy satria vao nandresy tamin'ny loka Latin Horizons ny anadahiny sy ny ekipany.

Niarahaba an'i Julio avy any amin'ny firenena lavitra nisy azy i Charakotel , bilaogera avy any ambanivohitr'i Goatemalà izay monina any Danemark ary namintina fohifohy ny fizotran'ny tantara :

Haber logrado realizarla en Guatemala supone ya un triunfo, por la escasa -o nula- presencia institucional en el apoyo al arte, los obstáculos financieros, los cangrejos, etcétera, etcétera. El galardón es, entonces, doblemente merecido.

Tena niavaka ny fahombiazana,  efa niavaka sahady ny famokarana horonantsary tao Goatemalà, noho ny fandraràna na ny tsy fisian'ny fanohanana ara-panjakana amin'ny famoronana zavakanto, noho ny sakana ara-bola, ireo “foza” malaza (ireo izay misakana anao tsy handroso), sns …Mendrika avo roa heny ity loka ity.

Avy any Brezila, ilay poety Goatemaltekà iray nipetraka tao San Pablo nandritra ny taona iray no faharoa nanambara ny vaovao, ary nanokana sehatra iray tao amin'ny bilaoginy, izay nomeny lohateny hoe: Finoana Kely : Faravodilanitra Amerikana Latina.

Este merecido premio le dará la resonancia que merece a la película de nuestro querido Julio, al mismo tiempo que podrá poner en los ojos y oídos de muchos las imágenes y sonidos de la tan cacareada Guatemala de posguerra, con sus juventudes perdidas e incendiarias. Desde ya me pongo a ver cómo traemos ese largometraje para el Brasil, donde de seguro disfrutarán tan particular historia y la espléndida forma en que Julio la cuenta.

Hanome ako ny sarimihetsik'i Julio ity loka tena mendrika ity ary hampiseho amin'ny maso sy sofina maro ny sary sy feo avy ao Goatemalà sahiran-tsaina taorian'ny ady an-trano, sy ireo fahatanorany very sy mpandoro. Hanao fanentanana aho manomboka androany mba ho halefa any Brezila ilay horonantsary, ary mino tokoa aho fa hankafy ity tantara miavaka ity sy ny fomba mahafinaritra nitantaran'i Julio izany ny mpijery.

Noho ny ezaka nataon'ireo vondrona tanora Goatemalteka (tanora avokoa ireo mpilalao rehetra) sy ilay mpanatontosa tena mahay, dia hizara ny tanànanay, ny tantaranay, ary ny zava-misy iainanay amin'ny maro hafa eto amin'izao tontolo izao IZAHAY. Tsy tonga lafatra ny firenena, saingy toerana iray izay mbola misy faritra kely ahafahana manatanteraka ny nofinofy izany. Manantena aho fa afaka mahita an'i Gasolina ianareo any an-tanàndehibenareo! Habemus Guatemalan Cinema!

 

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.