Ao Angletera, tena zavatra matotra ny resaka alin'ny 5 novambra [1]: isan-taona nandritra ny 412 taona izay, manao fety fankalazana ny sarisarim-pamonoana tsy tanteraka ireo Anglisy
Ny 5 novambra 1605, voasambotra i Guy Fawkes [2] sy ireo katolika mpiray tetika taminy mialohan'ny nikasàna hanapoahana ireo barika misy vovoka vanja mipoaka napetrak'izy ireo tao ambanin'ny Chambre des lords (iray tamin'ireo tranoben'ny Parlemantan'i Royaume-Uni) mba hamonoana an'i James Voalohany, ilay mpanjaka protestanta . Mba ho fankalazàna ny ain'ny mpanjaka avotra soa amantsara, lasa andro iray fankalazana sy afom-pifaliana avy hatrany ny 5 novambra. Nijanona ho protestanta i Angletera ary nanjary marika iray ho an'ny fanoherana ny katolika tamin'izany fotoana ilay fety. Fa i Guy Fawkes kosa, ilay fikasany tam-boninahitra dia nanjary voaravaka fahombiazana hafahafa, satria ny endriny [3], namboarin'ny mpanao sary iray, David Lloyd, ho tantara hatsikana V ho an'ny Vendetta [4], dia hita ankehitriny fa tafiditra ao amin'ireo hetsi-panoherana manerantany toy ny fikambanana Anonymous [5]..
Renivohi-paritry ny fiandrianan'i Sussex, malaza manerana an'i Angletera ny tanànan'i Lewes [6] noho ny fankalazàny [7] manetriketrika tamin'ny 5 novambra. Tsy latsaky ny fito ireo fikambanana afom-pifaliana [8] no mikarakara, samy manao filaharambe iray, afom-pifaliana iray sy/na afomanga, ny tsirairay avy. Eny amin'ireo arabe feno olona, tafiditra ao anelanelan'ny vahoaka sy ny fanilon'ireo matso ireo mpijery. Mampiseho ny toetsaina tsy misy fanajana tamin'ny taonjato efatra tany aloha izy ireo: ny 5 novambra dia tena alina iray azo, tsy maintsy hanesoana ireo ngezan'izao tontolo izao sy mba hampatsiahivana aminy ny toerany. Ny sarin'ireo olona mpanao politika ambony vita amin'ny fetan-taratasy, matetika ao anatin'ireo teny na ireo endrika maneso azy ireo, dia mideradera eny amin'ireo arabe mba ho fifalian'ireo mpakasary.
Mifoha ao anaty zavona i Lewes ary miomana hiatrika tontolo andro lavabe:
Ny lalambe miloko afo
Io no fotoana ahafahana maneso ny kilasy politika erantany: miparitaka mivezivezy manerana ny tanàna ireo sary goavana, avy eo dorana amin'ireo afom-pifaliana. Mandray anjara foana amin'ny fety ireo Praminisitra tao Grande-Bretagne, ary tamin'ity taona ity, anjaran'i Theresa May indray no nentina nivezivezy nampisalorana ny ‘toge':
Teresa May at Lewes Bonfire. Blown up shortly after. #LewesBonfire2017 [11] pic.twitter.com/26uppbtZ8r [12]
— EU Immigrant ?? (@Shazzle01) 4 novembre 2017 [13]
Teresa May tao Lewes Bonfire. Nodorana fotoana fohy taty aoriana.
Saingy tsy adino ireo mpitondra firenena hafa:
What shall we do with him?
? BURN HIM!! ?#LewesBonfire [14] #NulliSecundus [15]@realDonaldTrump [16] pic.twitter.com/BfKkDhfj5G [17]— Matt Kent (@mdkent) 4 novembre 2017 [18]
Inona no hataontsika aminy?
? DOROY IZY! ?#LewesBonfire [14]
Najanona ny fifamoivoizana tao afovoan-tanàna raha vao nanomboka ny tolakandro. Nony avy eo, an'ireo mpandeha an-tongotra mpijery sy mpilalao tantara ny sehatra:
A fantastic night at #LewesBonfire2017 [11] last night. Why would you be anywhere else. #lewes [19] #sussex [20] #lewesbonfire [21] pic.twitter.com/PQmQQGsI7t [22]
— Mills and King Photo (@MillsandKing) 5 novembre 2017 [23]
Alina mahafinaritra tao #LewesBonfire2017 [11] omaly alina. Nahoana ianao no tany an-kafa tany. #lewes [19] #sussex [20] #lewesbonfire [21] pic.twitter.com/PQmQQGsI7t [22]
Ary mazava ho azy, nofaranana tamin'ny afomanga, tsy iray fa marobe, ny zavatra rehetra: