Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Meksika-Etazonia: Lahatsary Avy Amin'ny Andaniny sy Ankilan'ny Sisintany

(Marihina fa tamin'ny 7 Novambra 2008 no nanoratana  ny lahatsoratra teny Anglisy)

Frontier Filmmakers banner

Frontera Filmmakers dia tranonkala mampivondrona ireo mpamokatra horonantsary avy amin'ny andaniny sy ankilan'ny sisintanin'i Meksika sy Etazonia, izay mirefy  625 kilaometatra manelanelana an'i Arizona sy ny tany efitra Sonoran, ary mampiseho ny hetsiky ny olom-pirenena isankarazany. Ireto misy lahatsary miisa telo izay anisan'ireo atolotry ny tranonkala.

Fanadihadiana momba ny fiainana misy eo amin'ny andaniny sy ankilan'ny sisintany ny 389 Miles. Ao amin'ny lahatsary fampidirana maharitra 4 minitra, manasa antsika hijery ny horonantsary nataony momba ireo miatrika ny tany efitra rehefa miezaka ny hiampita ny sisintany ny mpanatontosa Luis Carlos Romero-Davis, sy momba ireo mitady iretsy voalohany mba hanampy azy ireo kanefa mbola misy ihany koa ny hafa izay miezaka hanosi-bohontanana ny mpifindra monina tsy ara-dalàna. Ity fanadihadiana ity ihany koa dia ahitana ny antsafa niarahana tamin'ny mpampita (mpitsoa-ponenana) iray nanazava ny fanondranana olona an-tsokosoko ao amin'ity faritra eto amin'izao tontolo izao ity.

Manazava ny antony maha zava-dehibe ny fifehezana ny fandotoan-drivotra, ahitana ireo ohatra fandotoana misy amin'ny tany, ny rano ary ny rivotra ny Contaminacion 202,  vondrona tanora avy any Tijuana, Meksika.

https://youtube.com/watch?v=8PV-vf0AqsE

Manaraka ny asa atao ao amin'ny Pacific Rim Park ao amin'ny faritanin'i Baja California, Meksika ny lahatsary fahatelo mitondra ny lohateny hoe “Entre Corazón y Mar” (eo anelanelan'ny fo sy ny ranomasina), izay ahitana Meksikana, Amerikana, Rosiana sy Shinoa nivondrona mba hanangana tsangambaton'ny fimaroana ara-kolontsaina.

http://video.google.com/googleplayer.swf?docid=2419757423565151811

Horonantsary maro hafa no hita ao amin'ny tranonkalan'ny Frontera Filmmakers, ao anatin'izany ny sarimiaina, ny andrana fandaharana amin'ny fahitalavitra ary ny “fitsangatsanganana ara-kolontsaina” eo amin'ny fiainan'ireo izay miaina eo andaniny sy ankilan'ny sisintanin'ny tontolo roa.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.