Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ny Ao Anatin'ny Tontolon'ny Blaogy Japoney

Fanamarihana: nivoaka tamin'ny Jolay 2005 ity lahatsoratra ity

Ra, Koreana iray efa andian-taranaka fahatelo monina ao Japana, izay “manana anarana japoney, manana fihodirana mitovy, mitovy  fomba fiteny, ary mijery fahitalavitra mitovy” amin'ireo Japoney, ary na izany aza anefa, dia mbola heverina foana ho toy “ny vahiny eo amin'ny firenena nahaterahany”, ary mitady fanampiana amin'ny fandikàna ny blaoginy malaza Korean The Third (日本語) avy amin'ny fiteny japoney ho amin'ny fiteny angilisy sy fiteny hafa.”

Manantena i Ra fa ny blaoginy izay manolotra fahafantarana maro amin'ireo fifandraisana misy eo amin'i Japana sy ny Saikinosy Koreana, dia hanampy amin'ny fampiroboroboana fifanakalozankevitra hendry sy araka ny tokony ho izy mikasika ireo fihetsiketsehana vao haingana mankahàla Japoney tao Azia Atsinanana.

Ny Torolàlana ho an'ireo vao manomboka, avy amin'ny Toeram-pivarotana Kojakoja An-tokantranoHassles(日本語), dia blaogy izay mikaroka antontan-kevitra momba ireo olana manjo ireo konbini mpiasa sy ireo frantsay mpandraharaha ao Japana rehefa miasa miaraka amin'ireo orinasa lehibe, toa ny 7-11, izay manjaka amin'ny sehatry ny fivarotana kojakojan-tokantrano ao amin'izany firenena izany. Ireo karazana olana dia ahitana ny fitantanana ambanin'ny fenitra tokony ho izy, ny tsena diso miroborobo loatra, ary ireo fomba fanaovana vidin'entana mampiahiahy, miaraka amin'ny vokatra farany hoe tena sarotra ny hivelona amin'ny fitantanana toieram-pivarotana kojakoja tsy mandoa hetra ao Japana.

Takafumi Horie, 30 taona any ho any, Tale jeneralin'ny Livedoor, iray amin'ireo mpanome tolotra aterineto manana ny toerana indrindra ao Japàna, no manolotra ireo toro-hevitra mikasika ny asa, amina endrika ‘Fanontaniana’ sy ‘Valiny’ ho an'ireo rehetra ao amin'ny iray amin'ireo tranonkalany. Tena zava-dehibe tokoa io satria, manitrikitrika i Horie fa mba tsy handehanana any amin'ny orinasa iray sady hanarahana ireo an-tanan-tohatra misy ao amin'ny orinasa, ny lalana mahazatra, ny maha-ianao anao, ny famoronana sy ny fijery (ary ny asa tsara) dia ampy hahombiazanao ao anatin'i Japàna.

Susumi Fujita, filoha Cyber Agent, koa dia manana blaogy iray, Diarin'ny Lehiben'ny Orinasa Shibuya iray. Fujita, 26 taona avy eo, nanomboka ny Cyber Agent tamin'ny taona 1998 ho toy ny masoivoho fanaovana dokambarotra amin'ny aterineto, ary nahavita nanohitra ny firodanan'ny teknolojia ilay orinasa. Manolotra ny Ameblog ho antsika ny Cyber Agent ankehitriny, fitaovana iray fanaovana blaogy malaza.

Raha toa ny fomba fanaovan'i Fujita blaogy ka somary mitokozihitra kokoa, Cyber Agent, toa an'i Livedoor, kosa dia orinasa Japoney hafa izay mamboly ny fandraisana andraikitry ny isam-batanolona sy ny faharanitan-tsaina ho amin'ny fandraharahan'ireo mpiasany, sy toa malaza eny anivon'ireo tovovavy Japoney mitodika amin'ny asa ao Japàna.

Tao amin'ny Ninki Blog Ranking no nahitàna ireo blaogy.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.