Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Hong Kong: Voarara Ilay Dokambarotra Halloween 

(Marihina fa tamin'ny 2 Oktobra 2008 no nanoratana ny lahatsoratra teny Anglisy)

Mikarakara  fety Halloween hisarihana mpitsidika maro isan-taona ny Zaridaina Fitsangatsanganana Ocean Park any Hong Kong. Matetika anefa dia miatrika tsikera avy amin'ny vahoaka ny dokambarotr'ity hetsika ity.  Norarana ny sasantsasany tamin'ireo lahatsariny tamin'ity taona ity. Mivezivezy any amin'ny YouTube ny iray amin'izany ary nahatonga resabe tany anaty sehatra fifanakalozan-kevitra sy tamin'ny bilaogy tao an-toerana. Toy izao ny tantara : fanakadrihana misy lolo, zaza iray korontanin'ny rafi-pampianarana ary mangataka amin'ny zokiny vavy ny kahie-ny. Endrikendriny: hala-tahaka filma Japoney mampatahotra “ghost-eyes” (mason'angatra). Aza mikitika eo amin'ny etsy ambany raha toa ka mora tohina ianao.

Tsy dia nampihontsina firy an'i Charlize ny lahatsary, ary nanontany tena izy hoe nahoana no nandrara izany ny governemanta. Saingy tena natahotra kosa i Ryan:

一看開頭,真的好驚啊!場景是地道的香港公屋場景,大部份香港人都很熟悉的地方,也是成長過程中聽過的鬼故事的發生地點。越熟悉的地方,發生的恐佈事才越怕,因為身同感受。

Nihorikoditra aho rehefa nijery izany voalohany ! Tao amin'ny toeram-ponenana HLM tao Hong Kong izany no nitranga, ary mahafantatra ny endrik'io toerana io avokoa ny olona tsirairay ao Hong Kong. Ary misy tantara maro miresaka ‘lolo’ ao amin'io  toeram-ponenana io. Sady mahazatra ilay toerana no vao mainka mampivarahontsana satria mahatsiaro ny zavatra niainantsika manokana isika.

Hitan'i Missque fa tena nahomby ilay dokambarotra, na dia tsy nalefa amin'ny fomba ofisialy intsony aza izy io:

雖然禁播,但放在網上做宣傳仲底,還有(禁播版)的卓頭,連我咁驚既的都要睇,你又點會唔睇,拍左又點會浪費。

Tena be mpijery ilay izy ao amin'ny aterineto na dia voasivana aza. Vao mainka nisarika ny saina ny sivana. Tsy nijery izany ny olona toa ahy (saro-tahotra) raha tsy voarara izany. Tena tsara ilay tetikady .

Na izany aza, voarara ny fandefasana ity lahatsary ity eny fa na dia tao amin'ny aterineto aza ary mety mihatra ny lalàna ao an-toerana. Mety hampitandrina ireo mpanome tolotra aterineto ny biraon'ny Television and Entertainment Licensing Authority  ao Hong Kong na hilaza ny votoaty antserasera ho “tsy mendrika” na “manohintohina” any amin'ny Tribonaly, izay ao anatin'ny lalàna momba ny Lalàna Mamoafady. Heloka bevava mahavoasazy handoa lamandy 400.000 dolara Hong Kong sy 12 volana an-tranomaizina ny fandefasana votoaty “tsy mendrika”. Moa ve hanasazy ny mpanao dokambarotra, Ocean Park, sy ny Youtube ny TELA? Angamba tsia, satria tena zaridaina malaza ao an-toerana ny zaridaina Ocean Park ary midika ho fanasivanana ny aterineto ihany koa ny fanapaha-kevitra toy izany . Saingy ahoana ary no tokony hataon'ny TELA, eo anatrehan'ny lalàna iray natao hamehezana ny fampitam-baovao amin'ny fahitalavitra, izay mandrakotra ny sehatry ny hetsika ao amin'ny Aterineto? Nanapa-kevitra ny hanova ny Lalàna momba ny Lalàna Mamoafady sy tsy Mendrika ny governemanta tamin'ny taon-dasa, ary azo inoana fa hatolotra ho fidiana izany amin'ity volana ity. Ho hitantsika eo ny fomba hijerena ny sivana amin'ny aterineto ao amin'izany volavolan-dalàna vaovao izany.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.