Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Shakib Khan, Mpilalao Sarimihetsika, Torian'ny Mpamily Tuk-Tuk Noho Ny Nampiasàna Ny Laharana Findainy Tao Anaty Sarimihetsika Iray

Shakib Khan, mpilalao tao anatin'ny sarimihetsika Rajneeti. Pikantsary avy aminà lahatsary fampahafantarana tao amin'ny YouTube.

Notorian'ny Bangladeshi iray mpamily tuk-tuk ilay mpilalao sarimihetsika Shaib Khan, noho ny fahasimbàna nateraky ny fampiasàna ny laharana findainy tao anaty sarimihetsika malaza iray.

Iray amin'ireo mpilalao sarimihetsika isan'ny nahita fahombiazana indrindra tamin'ny tantaran'ny sarimihetska tao Bangladeshi i Shakib Khan, manana mpanohana an-tapitsisa. Nivoaka tamin'ny Jolay ilay sarimihetsika malazany farany indrindra, “Rajneeti” (Politika). Ao anatin'ilay sarimihetsika, ilay olona nolalaovin'i Shakib Khan dia nanome ny laharana findainy ho an'ilay vehivavy mpilalao sarimihetsika Apu Biswas. Toa fifanandrifian-javatra, laharana nitovy amin'ny an'i Ijajul Miah, mpamily tuk-tuk avy any Habiganj, any avaratra atsinanan'i Bangladesh. Ny tuk-tuk, kodiarantelo mandeha amin'ny solika, na entona natoraly (CNG) na vatoaratra, dia efa endrika mahazatra amin'ny fitaterana an-tanandehibe ao Bangladesh.

An-jatony maro ireo mpankafy tsy nivadi-belirano tamin'i Shakib Khan no nino hoe ilay tao anaty sarimihetsika dia laharana manokana an'ilay olona ankafizin-dy zareo . Gaga i Ijajul naharay antso maro tamin'ny laharany avy amin'ireo mpankafy an'i Shakib izay niezaka ny mba hiresaka tamin'ilay mpilalao sarimihetsika. Tao anatin'ny andro dimy nanomboka ny 10 Jolay 2017, 432 no fitambaran'ireo  antso an-telefaona voarain'i Ijajul. Tena nisy fiantraikany mahatsiravina tokoa tamin'ny asa fitadiavany io satria tsy afaka nahazo azy ny sasany tamin'ireo mpanjifa mpandeha aminy.

Nomen'ilay kintan'ny sarimihetsika ao Bangladesh, Shakib Khan, ho an'ilay sipa tao anatin'ny sarimihetsika iray ny laharan'ny findai”NY”. An-jatony ireo vehivavy mpankafy azy no niantso ilay laharana taorian'izay. Ny olana dia an'olona hafa raha ny marina ilay laharana, mpamily tuk-tuk iray izay noheverin'ilay vadiny vaovao fa manitsaka azy & nandrahona ny hisaraka aminy.

Nisy vehivavy iray mpankafy aza, nandia làlana 500 km mihitsy hankany an-tranon'i Ijajul nanantena ny hihaona amin'i Shakib Khan. Niteraka olana an-tokantrano io ho an'i Ijajul izay vao avy nampaka-bady sy manana zanaka vavikely 17 volana. Nampangain'ny vadiny ho manitsakitsaka tokantrano izy ary norahonany hilaozana.

Nanapaka hevitra i Ijajul ny hitory an'ilay mpilalao sarimihetsika, Shakib Khan, ny talen'ny Bulbul Biswas ary ilay mpamokatra sarimihetsika, Ashfaq Ahmed, amin'ny nampiasàna ny laharany tao anatin'ilay sarimihetsika, tsy nakàna alàlana tainy akory. Tany am-boalohany dia nisalasala ihany ny mpitsara tao amin'ny distrika ny hanaiky ily fitoriana ity, saingy nampanao fanadihadiana taorian'ny nametrahana porofo. Vola Bangladeshi Taka 5 tapitrisa ($60,000) no takian'i Ijajul ho toy ny onitra amin'ny fanimbàna naterak'ireo antso an-telefaona sy ny saika faharavàn'ny tokantranony.

Nolazain'ny mpisolovava an'i Ijajul, fa raha voaporofo ny heloka, ho fanampin'ny onitra, mety hiditra am-ponja mandritry ny telo taona ilay voampanga. Nokilasian'ilay mpilalao sarimihetsika ho toy ny “mampihomehy” ilay ady eny amin'ny fitsaràna ary nilaza izy fa vonona ny hiatrika ny ady manoloana ny lalàna. Nampian’ilay mpilalao sarimihetsika fa laharana tsy niasa io fony izy ireo nampiasa azy tao anatin'ilay sarimihetsika.

Haingana be ireo mpankafy an'i Shakib Khan tamin'ny filazàna hoe tsy hadisoan'ilay mpilalao io:

Tsy hadisoan'i io #shakibKhan ! Nanaraka ny baikon'ny tale fotsiny izy & ny tale no tena tomponandraikitra tamin'io hadisoana io!

Tao anaty lahasoratra iray tamin'ny Facebook, Zahid Newaz Khan nanamarika ny fomba nahatonga ity vaovao ity hahasarika ny sain'izao tontolo izao:

সকালে উঠেই দেখি বিবিসিতে শাকিব খান। নিউ ইয়র্কে হামলাকারী, ডোনাল্ড ট্রাম্প এবং ইউকে ডিফেন্স সেক্রেটারির খবরের পরই শাকিব। বুঝুন অবস্থা। বিবিসিতে নিউজ হওয়া অতো সোজা বিষয় না।

Teo am-pifohazana, gaga aho namaky ny vaovaon'ny BBC. Nilahatra tamin'ireo vaovao mahakasika fanafihana mpampihorohoro tany New York, Donald Trump, ary ny fialàn'ny Sekretera misahana ny Fiarovana tany Angletera ilay vaovao. Tsy zavatra maivaimaivana izany hoe asongadinìny BBC izany (anatin'ireo vaovao mafana rehetra).

Iray hafa koa mpampiasa Facebook, Kawsarul Alam Sanjid, no nametraka fanontaniana vitsivitsy sahaza tsara mihitsy:

সাকিব খানের মান মর্যাদা থাকতে না পারে অটো রিকশাচালক এর আছে তাই তার এই অবস্থার জন্য তিনি আইনের ব্যাবস্থা নিয়ে যা করেছেন সেটাকে আমি সাধুবাদ জানাই।

অনেকেই বলছেন যে এটা অটো রিকশাচালক এর ফেমাস হওয়া এবং টাকা পাওয়ার ধান্দা এমনকি এও বলেছেন যে একটা সিমের দাম মাত্র ৪০ টাকা তাই এতো কাহিনি না করে অটোচালক তার সিমটি ভেঙে আরেকটা সিম কিনে নিলেই পারতেন। অবাক হয়ে যাই এইসব মানুষের কথা শুনে…!! কেনো সাকিব খান পারতেন না ৪০ টাকা দিয়ে একটা সিম কিনে তার সিনেমায় ব্যাবহার করতে…!!??

Tehafako ny fanapahankevitr'ilay mpamily tuk-tuk hangataka onitra noho io tsy rariny natao azy io.

Maro no nihevitra azy io ho tetiky ny mpamily tuk-tuk iray ‘tsy misy apoaka’ mitady laza sy manararaotra fotsiny ity zavamisy ity.  Lazain'izy ireo mihitsy aza fa mety ho nanolo ny laharany ilay mpamily tuk-tuk, tamin'ny fividianana karatra SIM iray hafa tsy misanda afa-tsy Bangladeshi Taka 40 monja (US Fifty Cents).Tena gaga aho amin'ireny resaka ireny!! Tsy afaka nampiasa laharana hafa angaha i Shakib Khan tao anatin'ilay sarimihetsika tamin'ny fividianana karatra SIM iray vaovao misanda Bangladeshi Taka 40 (US Fifty Cents) monja…?

Voalahatra ho amin'ny 18 Desambra 2017 izao ny fihainoana manaraka ity fitoriana ity.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.