Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Filipina: Manome Voninahitra Ho An'ireo Maty Any Am-pasana

(Marihana fa efa tamin'ny volana Novambra 2006 ny lahatsoratra teny Anglisy)

Mankalaza ny 1 Novambra ho andro hanajana ny olo-masina sy ny maty ny ankamaroan'ireo Filipiana Katolika. Satria maro amin'ireo Filipiana no mitsidika ireo hava-tiana efa maty any am-pasana, andro tsy fiasàna ao Filipina ny 1 Novambra.

Touched by an Angel manoritsoritra ny 1 Novambra miavaka eny amin'ny fasana:

“All Saints Day seems more like a school fair to me except there are gravestones, tents, picnic tables all over the cemetery. The mood at the cemetery is festive with children running around, the ice cream man ringing his bell, the taho vendor yelling taho, kids playing with melting candle, teens surfing at the SMART BRO internet booth, food vendors raking in some sales from the crowd. It’s a yearly ritual for our loved one whom we love, miss and remember always. Once a year, we share that common bond with families with a similar loss.”

“Ho ahy, toa tahaka ny fetibe any an-tsekoly ny Fetin'ny Olo-Masina Rehetra, ankoatra ny hoe misy fasana, tranolay, latabatra fitsangatsanganana manerana ny fasana. Falifaly ny fihetseham-po eny am-pasana miaraka amin'ny ankizy mihazakazaka, lehilahy mpivarotra glasy mampaneno ny lakolosiny, mpivarotra taho miantsoantso hoe taho, ankizy milalao labozia miempo, tanora manao aterineto ao amin'ny SMART BRO, mpivarotra sakafo milahatra any anaty vahoaka. Fombafomba isan-taona ho an'ireo hava-tiana maminay, banga anay sy tsaroana mandrakariva izany. Indray mandeha isan-taona, mizara izany fifandraisana iarahana izany amin'ny fianakaviana manana havana efa maty izahay. “

Confessions of an Expat’s Wife, monina any Istambul, mba te hanao tahaka ity fomban'ny fianakaviana Filipiana ity:

“My family and I usually go to the cemetery in the morning and there we meet up with all our relatives. I usually look forward to this because this means I will be meeting up with my cousins and be able to play with them. Normally, for the play part, we wait and collect all the melted candles and sell it to the nearby vendor. The elders would reminisce on the good ol’ times with the departed and at the end of the day, we would pray the rosary for the spirits of our friends and family who passed away.”

“Matetika izaho sy ny fianakaviako mandeha eny amin'ny fasana amin'ny maraina ary mihaona amin'ireo havanay rehetra ao. Miandrandra izany matetika aho satria midika izany fa hifanena amin'ireo zanak'olo-mpiray tampo aho ary afaka hilalao miaraka amin'izy ireo. Amin'ny ankapobeny, mandritra ny lalao, miandry sy manangona ireo labozia naempo rehetra izahay ary mivarotra izany amin'ny mpivarotra eny amin'ny manodidina. Mahatsiaro ireo fotoana tsara rehetra taloha niarahana tamin'ireo maty ireo zokinjokiny ary amin'ny hariva, mivavaka amin'ny “sapile” ho an'ny fanahin'ireo namanay sy fianakavianay efa maty izahay. “

Captain’s Log miresaka ny fomba nibilaoginy teny amin'ny fasana. Bikoy nandefa sary momba ny fomba nankalazana ny 1 Novambra eny ambanivohitr'i Filipina.

Filipino librarian nanome rohy mirakitra ny tantaran'ny Halloween sy izay hahitana toerana mampatahotra any Filipina. Nostalgia Manila manasongadina tantara malaza iray momba ny angatra ao an-drenivohitra izay ahitana ramatoa fotsifotsy ao Balete Drive. Araka ny filazan'ny olona fahiny, toerana ankafizin'ireo  fanahy mirenireny sy ireo vondrona hafahafa ny hazon'i Balete. Iloilo City Boy mitantara ny fihaonany tamin'ireo angatra nandritra ny  fampielezan-kevi-pifidianana filoham-pirenena tamin'ny taona 2004.

Feisty Momma indray tezitra noho ny fahitana ireo ray aman-dreny mijanona ao anaty fiara raha mandondona eny am-baravaran'ny olona rehetra ny ankizy mandritra ny Halloween. Mirehareha amin'ny fitafiny Halloween any am-piasana kosa i Scribbles. Mitantara ny fomba nanaovan'i Manila (renivohitr'i Filipina) ny fomba fanao tandrefana nandritra ny Halloween i Cathy Chronicles:

“As a child in the 70s, Halloween wasn't really such a big deal. Trick or treat was something we just read about in books and Halloween parties were confined to the movies or television. Well, times have certainly changed and Manila has become very western in its practice of Halloween traditions.”

“Tamin'izaho mbola ankizy nandritra ny taompolo 70, tsy tena zava-dehibe loatra tahaka izao ny Halloween. Zava-mamitaka na zavatra tsara no zavatra novakianay fotsiny tamin'ny boky ary voafetra ho amin'ny filma na ny fahitalavitra ihany ny fety Halloween. Eny, niova tokoa ny fotoana ary lasa tandrefana tanteraka i Manila amin'ny fomba fanaony amin'ny fomban Halloween. “

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.