Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Iran: Bilaogera Mety Hiatrika Fiampangana ‘Fihantsiana Ady Amin'Andriamanitra’

(Marihana fa efa tamin'ny volana Aogositra 2010 no nivoaka ny lahatsoratra tamin'ny teny Anglisy)

Misy ny fitomboan'ny ahiahy fa mety ho voampanga amin'ny moharbeh (fihantsiana ady amin'Andriamanitra/ fankahalàna an'Andriamanitra) amin'ny fotoam-pitsarana ho avy i Shiva Nazar Ahari, mpikatroka ny zon'olombelona, bilaogera sady tonian-dahatsoratry ny tranonkalan'ny Komity ny Mpitati-baovao momba ny Zon'Olombelona ao Iran izay migadra any am-ponja

Mety hitarika sazy ho faty izany ao Iran.

Naneho ny ahiahiny momba ny fizotran'ny fitsarana manaraka ny mpisolovavan'i Shiva Nazar Ahari, Mohammad Sharif, mihevitra fa mety hisy ny fiampangana mavesatra momba ny moharebeh amin'ny raharahany.

Nosamborina tamin'ny 14 Jona 2009 tao amin'ny biraony i Nazar Ahari. Taorian'ny fanagadrana azy 102 andro, navotsotra tamin'ny 23 Septambra 2009 izy rehefa nandoa onitra 200.000 dolara. Nandany 33 andro tao amin'ny efitra mitokana tany am-ponja izy. Nosamborina fanindroany izy tamin'ny 20 desambra 2009 ary nogadraina tsy misy filazana sy tsy misy fanazavana avy amin'ny manampahefana mikasika ny antony hanagadrana azy.

Fantatra fa hotontosaina amin'ny 4 Septambra 2010 ny fotoam-pitsarana azy faharoa.

“Tsy hiala an'i Iran aho”

Ao anatin'ity sarimihetsika fohy mampiseho an'i Nazar Ahari taorian'ny famotsorana azy tany am-ponja ity, nilaza izy fa nanapa-kevitra hijanona ao Iran na inona na inona hitranga. Nilaza izy fa tsapany fa ao no toerana hisian'ny fiantraikany bebe kokoa amin'ny asany.

Ity sarin'i Nazar Ahari manao asa an-tsitrapo ho an'ny fikambanana manohana ireo ankizy eny an-dalambe sy ny ankizy miasa.

Bilagera Iraniana Arman Sabz nanoratra hoe:

If they call her an enemy of God, then who will be the next… One day they will call us the same… If you expect that some super hero will come and change our fate, they will eventually take us and our dear ones to prison.

Raha miantso azy ho fahavalon'Andriamanitra izy ireo, dia iza indray no manaraka … Indray andro dia hiantso antsika tahaka izany koa izy ireo … Raha manantena ianao fa hisy maherifo ho avy hanova ny anjarantsika, dia hitondra antsika sy ny namantsika any am-ponja izy ireo amin'ny farany.

Bilaogera hafa, Azad Bashim, nanoratra fa tandindonin-doza i Shiva, na dia tsy misy fototra aza ny fiampangana ary manohitra ny tsindry izy.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.