Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Omid Reza Mir Sayafi, Bilaogera Iraniana Maty Tany Am-ponja

(Marihana fa efa tamin'ny volana Martsa taona 2009 no nivoaka ny lahatsoratra tamin'ny teny Anglisy)
mirsiyafi-icon

Maty tao amin'ny fonjan'i Evin tao Teheran tamin'ny 18 martsa i Omid Reza Mir Sayafi, bilaogera sady mpanao gazety Iraniana 29 taona. Nomelohina higadra roa taona sy tapany izy tamin'ny volana Desambra noho ny fanimbazimbana ireo mpitondra fivavahana sy fanaovana fampielezan-kevitra mamely ny Repoblika Islamikan'i Iran. Mbola niandry fitsarana fanampiny hafa i Mir Sayafi noho ny faniratsirana ny finoana silamo.

Araka ny voalazan'ny tranonkalan'ireo mpikatroka ny zon'olombelona ao Iran, nangirifirin'ny hakiviana lalina tany am-ponja i Omid Reza ary nomena fanafody izay toa betsaka loatra ny nohaniny. Nilaza i Dr. Hesam Firouzi, dokotera gadra sady mpikatroka ny zon'olombelona fa nandrisika ny manampahefanan'ny fonja mba handefa an'i Omid Reza any amin'ny hopitaly ivelan'ny fonja izy saingy tsy nandà ireo dokoteran'ny fonja, ary tsy mba nanao fizahana fototra akory.

Nisy ny fanentanana natomboka tao amin'ny Facebook mba “hitazonana an'i Iran ho tompon'andraikitra tamin'ny fahafatesan'ilay bilaogera Mirsayafi tany am-ponja”.

Nilaza i Mojtaba Saminejad, bilaogera fa nifandray taminy i Omid Reza roa andro talohan'ny nahafatesany ary nilaza fa mety havela hivoaka ny fonja izy atsy ho atsy fa haiditra hopitaly. Nilaza ity bilaogera ity fa nanantena vaovao tsara kokoa noho izany.

Tamin'ny antsafa niarahana tamin'ireo mpikatroka ny zon'olombelona ao Iran andro vitsivitsy talohan'ny nigadrana azy, nilaza i Omid Reza fa bilaogy ara-kolotsaina ny bilaoginy fa tsy natao haniratsira.

Ity misy lahatsary iray nalain'i Omid Reza tany Teheran. Fandevenana an'ilay arkeology Iraniana sady akademika Parviz Varjavand.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.