Nahatezitra ny mponina tao Meksika sy ny firenena manodidina ny raharaha mikasika an'i Mara Fernanda Castilla, ilay tovovavy namoy ny ainy taorian'ny nandehanany fiarakaretsaka iray izay nokomandiany tamin'ny fampiasa Cabify.

Ny alin'ny 7 hifoha 8 septambra 2017, niaraka tamin'ireo namany i Mara Castilla tao amin'ny toeram-pandihizana iray tao San Andrés Cholula (ao amin'ny fanjakan'i Puebla, any atsinanan'ny firenena). Rehefa nifarana ny alina, ka handeha hody i Mara dia naka fiarakaretsaka iray tao amin'ny fampiasa Cabify izy… saingy tsy tonga tao an-tranony mihitsy .

Hita teny amin'ny lalana iray ao Puebla ny vatana mangatsiakany nofonosina lamba firakotra sy lamba fidiovana izay mitondra ny sary famantarana ny motely iray manodidina teo andro maromaro taorian'ny nitateran'ny fianakaviany ny fanjavonany. Efa nosamborin'ny manampahefana teo an-toerana ilay mpamily fiarakaretsaka fotoana fohy talohan'ny nahitana ny razana .

Nanao fanambarana tao amin'ny Twitter  ny governora ao Puebla :

C'est avec une profonde tristesse que je présente mes condoléances à la famille de #MaraCastilla. Paix à son âme. L'agresseur présumé a été arrêté et il sera condamné pour ce crime. pic.twitter.com/88k05Z1ryl

— Tony Gali (@TonyGali) 15 septembre 2017

Manolotra ny fiaraha-miory amin'alahelo lehibe aho ho an'ny fianakavian'i Mara Castilla. Fiadanana ho an'ny fanahiny. Efa nosamborina ilay noahiahiana ho nahavanon-doza ary homelohina izy noho izany.

Les coupables du meurtre de #MaraCastilla seront sévèrement condamnés. Nous allons revoir scrupuleusement les protocoles de sécurité en vigueur chez @Cabify_Mexico.

— Tony Gali (@TonyGali) 15 septembre 2017

Hohelohina mafy ireo nahavanon-doza tamin'ny famonoana an'i Mara Castilla. Hodinihinay akaiky ny momba ireo arifenitra fiarovana manankery ao amin'ny Cabify Meksika.

Tato ho ato, tsikaritra fa efa nahazoana fitarainana maro avy amin'ireo mpanjifa ny tolotra Uber sy Cabify ao Meksika, noho ny tsy fahatomombanan'ny kalitaon'ny tolotra sy ny fihoaram-pefy atao amin'ny mpandeha.

Nentanina indray ny adihevitra momba ny herisetra atao amin'ny vehivavy taorian'ny nahitana ny vatana mangatsiakan'i Mara, izay nahitana soritra herisetra ara-nofo maromaro, araka ny voalazan'ny loharanom-baovao sasany. Anatin'ireo sioka maro ny #SiMeMatan [#RahaVonoinaAho] tamin'ny volana May lasa teo, izay te-haneso ny famonoana vehivavy roa nahitana ny trangana herisetra fanavakavahana ara-pananahana, tsikaritra tao ny an'i Mara:

#SiMeMatan [#SilsMeTuent] c'est parce que j'aimais sortir la nuit et boire beaucoup de bières…

— MAPI (@MaraMiranda25) May 5, 2017

Raha vonoina aho dia satria tiako ny mivoaka alina sy misotro labiera be dia be …

Ity bitsika ity dia naverina vao haingana tao amin'ny tambajotra sosialy ho fahatsiarovana an'i Mara sy  ireo niharam-boina hafa an-jatony tamin'ny heloka famonoana vehivavy

#SiMeMatan se considerará “crimen de pasión” no feminicidio, dirán que andaba de provocadora, me fui con el novio, soy “puta”, drogadicta,..

— Andrea Noel ϟ (@metabolizedjunk) 16 de septiembre de 2017

Raha vonoina aho dia heverina ho “famonoan'olona noho ny fitiavana izany” fa tsy famonoana vehivavy. Holazaina fa nandrangitra aho, ary niara-nivoaka tamin'ity zazalahy ity, fa hoe “makorelina” aho, mifoka rongony, ….

Detrás de cada mujer tuiteando #SiMeMatan hay una mujer indignada y buscando que #NiUnaMas vuelva a ser asesinada. pic.twitter.com/JIXQ9fWkaH

— Elena Ramírez ® (@SoyElenaRamirez) 18 de septiembre de 2017

Ao ambadik'ireo vehivavy tsirairay izay nisioka ny #RahaVonoinaAho, dia nisy vehivavy iray nanao fanoherana nitaky hoe tsy tokony hisy vehivavy vonoina hafa intsony #NiUnaMas.

#SiMeMatan seguro sera por haber ido a un concierto o al teatro de noche, seguro es mi culpa por disfrutar de mi vida.

— Sarita con S de sad. (@Sara_morcas) 18 de septiembre de 2017

Raha vonoina aho dia azo antoka fa satria nankany amin'ny fampisehoana na ny teatira aho ny alina, ary azo antoka fa fahadisoako raha te hankafy ny fiainana aho.

Tamin'ny volana martsa 2016, noraisina an-tanàna ny andiana asa momba ny herisetra atao amin'ny vehivavy, ary ny fanamafisana ny sezany no “vahaolana” hitan'ny governemanta . Nihaona tamin'ny mpisolovava iray manokana mikasika ity fotokevitra ity izahay tamin'ny volana Mey tamin'io taona io ihany,  izay nanazava taminay fa efa mihazatra “miaina isan'andro amin'ity tahotra miafina ity” tsikelikely ireo vehivavy Meksikana .

Tsikaritra ny diabe fanoherana ny herisetra ataon'ny lehilahy sy ny tsy fahombiazan'ny manampahefana hisambotra sy hanasazy azy ireo tany amin'ireo faritra federaly miisa iraikambinifolo ao Meksika, .

Fihetsiketsehana niampita sisintany

Nanaraka ny raharaha mikasika an'i Mara Castilla ihany koa ny tao Però, ary nolazaina mikasika ny fivoaran'ny fanadihadiana ny fampahalalam-baovao nandritra ny andro maromaro mandra-pahita ny fatiny.

Nizara tao amin'ny pejiny Facebook momba ny diabe fihetsiketsehana # NiUnaMás ny vondrona Peroviana Ni una menos Perú Tocan a una, tocan a todas [Tsy mila vehivavy hafa [tratra] ankoatra izay, raha misy iray niharam-boina, ny vehivavy iray manontolo no voakasik'izany] .

Navoaka tamin'ny gazety isankarazany tao Kolombia, Arzantina, Brezila ary Shily ny raharaha , ary na dia ny Firenena Mikambana aza dia naneho hevitra tamin'ny alàlan'ny sampanan'ny Firenena Mikambana Mujeres México [Vondron'ny Firenena Mikambana Vehivavy Meksika]

.@ONUMujeres y @ONUDHmexico condenamos el feminicidio de #MaraCastilla.
Más información: https://t.co/GMRMEHtGBUpic.twitter.com/4kr9ea3ZiS

— ONU Mujeres México (@ONUMujeresMX) 18 de septiembre de 2017

Manameloka ny famonoana an'i Mara Castilla ny Vehivavy Firenena Mikambana sy ny Firenena Mikambana misahana ny Zon'Olombelona ao Meksika .