Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

‘Mpifindra Monina, Vitanay Ny Asa’ Lahatsary Mozika Manasongadina Ny Tsy Rariny Ao Etazonia Sy Any Ivelany

Pikantsary tamin'ny lahatsary “Mpifindra monina, Vitanay ny Asa”.

Ity lahatsoratra ity dia nosoratan'i  ary navoaka tao amin'ny Enclave. Nasiam-panovana sy navoaka indray ato amin'ny Global Voices izany rehefa nahazo alalana avy amin'ny Enclave.

Tamin'ny faran'ny volana Jona, nisy ny famoahana lahatsarin-kiran'ny “Mpifindra Monina, Vitanay ny Asa” tao amin'ny rakikira “The Hamilton Mixtape” avy amin'ny mozika Broadway “Hamilton”,  mifototra amin'ny fiainan'i Alexander Hamilton, izay nandray anjara lehibe tamin'ny fananganana an'i Etazonia tamin'ny faramparan'ny taonjato faha-18.

Ny fampisehoana nahazo tsikera mafy, izay aingam-panahy avy amin'ny tantaram-piainana nosoratan'i Ron Chernow dia manome feo mozika ho an'ny tantara amin'ny fomba samihafa, manomboka amin'ny hip-hop sy hira milamina hatramin'ny pop, ary ireo mpilalao sarimihetsika avy amin'ny tontolo maro samihafa milalao ny anjara toeran'ny fotsy hoditra. Ny “Mpifindra-monina, Vitanay ny asa” dia tononkira hiraina ao amin'ny mozikan'i Hamilton, izay nifindra monina tany amin'ny zanatanin'ny Amerikana fony zatovo, sy i Marquis de Lafayette, andriana Frantsay izay niady nandritra ny Ady Revolisionera Amerikanina.

Ny endriky ny hira izay hita ao amin'ny “The Hamilton Mixtape” dia manasongadina an'ilay poeta Somaliana-Kanadiana  K’naan Warsame, ilay Pôrtô Rikàna mpanao rap sady mpanoratra Residente, ilay Britanika Pakistaney mpilalao sarimihetsika, mpanao rap sady mpikatroka Riz Ahmed, ilay mpanakanto sady mpilalao sarimihetsika Meksikana Amerikanina mandrakitra hip hop Snow Tha Product,, ary ilay Amerikana mpilalao sarimihetsika, mpiangaly rap sady mpihira Daveed Diggs. Mpanakanto fanta-daza any Etazonia izy rehetra ireo noho ny fanoherany ny fanavakavaham-bolonkoditra sy ny fanavakavahana.

Novokarin'i Lin-Manuel Miranda,  izay nanoratra ny hira ihany koa ny lahatsary. Mampiseho sarangan'ny mpiasa tsy raharahiana monina ao anaty aloka sy matetika iharan'ny heloka an'ady, herisetran'ny polisy, fanandevozana, herisetra mamely ny mpifindra monina sy fahafatesana tsy amin'ny antony izany. Tena zava-dehibe ny fotoana namoahana azy, tonga tamin'ny fotoana izay hanaovan'ny firenena adihevitra mafàna momba ny fanavaozana ny lalàna momba ny fifindramonina sy ny fankahalana vondrona vitsy an'isa nanjary miharihary kokoa. Hoy ny vakin'ny ampahan'ny tononkira hoe:

I been scoping ya dudes, ya’ll ain't been working like I do
I'll outwork you, it hurts you
You claim I’m stealing jobs though
Peter Piper claimed he picked them, he just underpaid Pablo
But there ain't a paper trail when you living in the shadows
We're America's ghost writers, the credit's only borrowed

Nandinika anao aho, tsy niasa toy ny ataoko ianao
Ho esoriko amin'ny asa ianao, maharary anao izany
Milaza ianao fa mangalatra asa aho
Nilaza i Peter Piper fa nosafidiany izy ireo, nanome karama kely an'i Pablo fotsiny izy
Saingy tsy misy ny taratasy rehefa monina ao anaty aloka ianao
Mpanoratra matoatoa ato Amerika izahay, nindramina fotsiny ny vola

Raha ny marina, nanome ny fanohanany ho an'ny mpifindra monina i Miranda: Firaisamben'ny Vitanay ny Asa, nokarakarain'ny  Federasiona Hispanika. Ahitana fikambanana mpiara-miasa miisa 12 ny firaisambe, izay miasa eny ifotony manerana an'i Etazonia mba hanome tolotra fiovan'ny fiainana – solontena ara-dalàna, fiarovana, sy hetsika fanentanana “fantaro ny zonao”, sy ny maro hafa – ho an'ireo mpifindra monina, mpitsoa-ponenana sy ireo mpitady fialokalofana izay tonga aty amintsika mba hitady Nofinofy Amerikana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.