Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Mpanao Gazety Voampanga ho Nanala-baraka Noho Ny Fampitahana Ny Fitondran'ny Indoneziana Ny Papoaziana Tandrefana Amin'ny Rohingya Any Myanmar

Sariitatra ho fanohanana an'i Dandhy Dwi Laksono, nataon'i Iwan Sketsa/ @Sketsagram tao amin'ny Twitter sy Instagram. Nahazoana alalana.

Hadihadian'ny polisy Indoneziana any atsinanan'i Java ny mpanao gazety menavezana iray noho ny fampitahana ny filoha teo aloha, Megawati Sukarnoputri amin'i Aung San Suu Kyi ao Myanmar tamin'ny lahatsoratra Facebook.

Tamin'ny 3 Septambra 2017, nanoratra tao amin'ny Facebook ilay mpanao gazety sady mpamokatra horonantsary Dandhy Dwi Laksono fa mitovy amin'ny lafiny maro i Megawati sy Suu Kyi, ary nanamarika fa samy mpitarika mpanohitra teo aloha izay mitarika antokon'ny fitondrana ankehitriny ao amin'ny fireneny tsirairay avy izy ireo. Nilaza koa i Dandhy fa raha voatsikera noho ny fitondrany ny foko Rohingya ny governemantan'i Myanmar,  tokony tondroina ho tompon'andraikitra ihany koa ny fitondrana Indoneziana noho ny fanafoanana ny hetsika fahaleovantena tao amin'ny nosy Indoneziana ao Papoazia Andrefana.

Nampitaha ny fahanginan'i Suu Kyi momba ny fanenjehana ny Rohingya tamin'ny andraikitr'i Megawati amin'ny maha lehiben'ny antoko ny governemanta ihany koa izy, izay nanamafy vao haingana ny famoretana ireo mpikatroka ho an'ny fahaleovantenan'i Papoazia Andrefana.

Tsy ankatoavan'ny governemanta Myanmar ho olom-pirenena ny olona Rohingya teraka sy monina ao Myanmar. Tato anatin'ny herinandro vitsivitsy, sivily Rohingya an-hetsiny no nafindra toerana niala  ny tranon'izy ireo noho ny hetsika fanadiovana nataon'ny tafika Myanmar ho setrin'ny fanafihan'ny vondrona mpikomy pro- Rohingya tao avaratra andrefan'i Myanmar. Mpitsoa-ponenana Rohingya an'hetsiny, izay Silamo no ankamaroany, no niampita nankany Bangladesh mba handositra ny ady.

Papoazia Andrefana dia faritanin'i Indonezia manana hetsika fitakiana fahaleovantena matanjaka izay nitaky fananganana firenena misaraka nanomboka tamin'ny taona 1960. Nanadihady tranga maro mikasika ny fanitsakitsahana nataon'ny tafika indoneziana tamin'ireo mpikatroka, mpanao gazety sy olona hafa ahiahina ho nanohana ny hetsika fahaleovantena ireo vondrona mpiaro ny zon'olombelona.

Namoaka ny fanehoan-keviny tao amin'ny Facebook i Dandhy taorian'ny fihetsiketsehana goavana nokarakarain'ny vondrona Miozolomana ao Indonezia, manameloka ny governemantan'i Myanmar noho ny fitondrany ireo mpitsoa-ponenana Rohingya.

Nametraka fitoriana an'i Dandhy ho manao fanalam-baraka ny tanoran'ny Antokon'ny Tolona Demaokraty Indoneziana (PDI-P) tamin'ny 6 Septambra:

On the whole, (Dandhy’s) opinion was clearly intended to take advantage of the Rohingya incidents in Myanmar in order to insult and spread hatred of Megawati Soekarnoputri as the chairwoman of PDI-P and Joko Widodo as the president who is backed by PDI-P.

Amin'ny ankapobeny, ny hevitr'i (Dandhy) dia natao hanararaotana ny zava-nitranga tamin'ny Rohingya tao Myanmar mba hanevatevana sy hanapariahana fankahalana an'i Megawati Soekarnoputri amin'ny maha filohan'ny PDI-P azy sy i Joko Widodo amin'ny maha filoha tohanan'ny PDI-P azy.

Eo am-pamotorana azy ankehitriny ny polisy misahana ny heloka antserasera. Raha voampanga izy ary meloka noho ny fanalam-baraka, mety hiatrika  sazy efa-taona an-tranomaizina i Dandhy.

Tamin'ny fanehoana hevitra mikasika ny fitoriana, nanoratra i Dandhy fa olana bitika izany raha oharina amin'ny tsy rariny iharan'ireo mpikatroka Papiaziana sy ireo mpitsoa-ponenana Rohingya.

Ity fitoriana ity no tranga farany amin'ny fomba fampiasana ny Lalàna momba ny Fifandraisana Elektronika sy ny Fifandraisana (ITE) mba hampanginana ny mpanohitra ao amin'ny firenena.

Araka ny lazain'ny SAFEnet, vondrona mpiaro ny zo nomerika Indoneziana, mpikatroka 35 fara fahakeliny no voampanga noho ny fanalam-baraka an-tserasera nanomboka tamin'ny fammpiharana ny lalàna tamin'ny taona 2008. Ankoatra ny raharaha Dandhy, nandrakitra fiampangana fanamelohana enina mahavoaroiroy mpikatroka sy mpanao gazety tamin'ny taona 2017 koa ny vondrona.

Haingana avy hatrany ireo mpikatroka nanatontosa hetsika fanehoana fanohanana an'i Dandhy. Nanambara izy ireo fa naneho hevitra fotsiny i Dandhy izay tokony heverina ho fanakianana ara-drariny fa tsy fihetsika miteraka heloka bevava.

Mandrisika ireo mpiserasera Indoneziana ny SAFEnet  mba handefa tatitra sy fijoroana vavolombelona mikasika ny fomba fanararaotana ny lalàna ITE amin'ny fampanginana ireo mpikatroka tahaka an'i Dandhy sy ny fanakanana ny fahalalahana miteny amin'ny ankapobeny.

Raha tokony hanakana ny vahoaka tsy hiresaka momba an'i Megawati, nanolo-kevitra ny vavahadim-panadihadiana ao an-toerana fa mety hiteraka fahalianana  lehibe mikasika ny tantaran'ny filoha teo aloha amin'ny maha mpitarika azy ny raharaha Dandhy, anisan'izany ny sasany amin'ireo olana nahatonga ny fahareseny tamin'ny fifidianana.

Mpikatroka mampiseho ny fanohanan'izy ireo an'i Dandhy Dwi Laksono. Sary avy amin'ny SAFEnet

Nampiasaina tao amin'ny sehatra media sosialy isan-karazany ny tenirohy #KamiBersamaDandhy (Miaraka amin'i Dandhy izahay) hilazana fanohanana ho an'ity mpanao gazety menavazana ity.

Raha esorina ny fahalalahana miteny, ho moana sy mangina isika, tahaka ny ondry hovonoina #KamiBersamaDandhy@repdemjatimpic.twitter.com/0vdSIitagk

Kami bersamamu mas @Dandhy_laksono #kamibersamadandhy

A post shared by Gendo Suardana (@gendovara) on

#kamibersamadandhy

A post shared by Beni Fuad Ismail (@benifuadi) on

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.