(Marihana fa efa tamin'ny volana Aprily taona 2006 no nivoaka ny lahatsoratra tamin'ny teny Anglisy)
Lalao baolina kitra sy hockey, hijab (voaly) sy fatwas, fihaonan'ny bilaogera, ary marobe kokoa avy amin'ny tontolon'ny bilaogy Saodiana tamin'ity herinandro ity. Andeha hatomboka…
Manomboka amin'i Swalfy, izay toa tsy gaga fa tsy manana tranonkala ny Riyadh Gitex, izay heverina fa tokony ho fampiratiana Teknolojiam-baovao lehibe indrindra any Arabia Saodita. Nandeha nanatrika ny fampirantiana mihitsy izy, saingy tsy nahita toerana fijanonan'ny fiara, ka nanapa-kevitra ny hiala. “Nanapa-kevitra ny hiala aho ary hiverina amin'ny herintaona, angamba Gitex 3000, rehefa tsy mila mandao ny tranontsika isika rehefa hijery ireo teknolojia farany,” hoy izy [1] (amin'ny teny Arabo).
Naka fotoana kosa i Saudi Future nilaza tamintsika momba ireo karazan-tsazy [2]ho an'ny mpianatra eny amin'ny lisea. “Eny ry olona, mety ho tratra ianao indray andro any, ka tsy maintsy miatrika … sazy,” hoy izy.
Ny tsy fitondrana hijab araka ny tokony ho izy [3]dia zavatra tsy mahafaly an'i Leeno. Nanoratra izy hoe: “Tsy misy afa-tsy fiderana ho an'ireo vehivavy mivoaly aty amiko, indrindra any amin'ny firenena tsy miozolomana izay mbola misy ny fanilikilihana. Na izany aza, mbola mandona ny saiko ny aretina hijab 1/2.”
Manahy momba ireo tanora mandainga taona [4] i Starlit_Saudi . “Olona manakaiky ny 20 taona ary manova ny taonany? Ao amin'ny Saodiana ihany,” hoy izy nanoratra, ary avy eo nanontany hoe: “Rahoviana vao tokony hanomboka mandainga amin'ny taonanao ianao?”
Mifindra amin'ny fanatanjahan-tena, manomboka manangana tobim-piofanana any Holandy ny ekipam-pirenen'ny baolina kitra Saodiana amin'ity herinandro ity mba hiomanana amin'ny Fiadiana Tompon-daka eran-tany FIFA amin'ity fahavaratra ity. Ao amin'ny lahatsorany farany, mahaliana ny hevitr'i [5]Shahed momba ny herijikan'ny ekipa amin'ny fifaninanana:
A large number of people believe Saudi will be last in the group, but so why is Tunisia so excited in watching this team. Whenever there is a game between two arab teams, its not about who’s stronger and who’s weaker because both team has an equal chance of winning. I believe the Saudis are capable of going past the Tunisian in the first game.
Olona maro no mihevitra fa i Saodia no ho farany amin'ny vondrona, saingy nahoana i Tonizia no toa mietanentana amin'ny fijerena ity ekipa ity. Isaky ny misy lalao eo amin'ny ekipa Arabo roa, tsy momba izay matanjaka sy izay malemy izany satria samy manam-bintana handresy ny ekipa roa tonta. Mino aho fa afaka mandresy ny Toniziana amin'ny lalao voalohany ny Saodiana.
Manana lahatsoratra [6] momba ny dian'ny Saodiana mankany Alemaina koa i Fedo, saingy amin'ny fomba hafa. Hoy izy: “Eny ary, ry zalahy, ny hany hananako ho anao dia tsikitsiky vinitra sy ankihibe roa ambony. Mirary soa!”
Mientanentana momba ny fanokafana ny toeram-pikorisàna ao amin'ny misy azy i Nzingha. “Iza no mihevitra fa hisy toeram-pikorisàna an-dranomandry ao afovoan'ny tany efitra [7]? Mazava ho azy fa tsy izaho”, hoy izy nanoratra. Rehefa avy nitantara taminay ny tantara manontolo, dia hoy izy: “Tsy maintsy miaiky aho fa mbola mahita ny hevitra rehetra mahatsikaiky kely momba ny Ice Hockey ao Arabia Saodita.” Mandritra izany fotoana izany, rehefa avy nonina tany ivelany nandritra ny fotoana fohy, tsy dia faly amin'ny fanorenam-ponenana ao Riyadh [8] i Sweet Amir. “Ny hany zavatra ataon ‘ny olona ho mahafinaritra dia ny fiantsenana, ny fihinanana, na fipetrahana ao an-trano mijery televiziona? Jereo tsara ry olona, milaza amiko ianao fa tsy misy mieritreritra zavatra fialam-boly ho an'ny vehivavy? Tsy misy toerana haleha hanaovana bowling, tsy misy toerana hilalaovana billard ary zara raha misy olona mahafantatra izany hoe badminton izany. Ankehitriny aza disoana aho, tiako ny fireneko sy ity tanàna ity, saingy marobe no tokony hatsaraina, “hoy izy nanoratra.
Nanatontosa fihaonana roa ho an'ireo bilaogera i Riyadh tamin'ny herinandro lasa teo: Bissa [9] met [10] Jo [11], ary nihaona tamin'i [12] Fouad Al Farhan [13] aho.
Ary ankehitriny mankany amin'i Dotsson, izay manao satroka (sa tokony hilaza aho hoe turban?) fanaon'ny sheikh, ary manapa-kevitra hamaly fanontaniana ara-pivavahana [14]. Nahoana? “Ny tanjoko dia ny hampazava fotsiny ny fahadalan'ny olona maro hivoaka aty ivelany,” hoy izy.
Alohan'ny hamaranana, avelako miaraka amin'i Farooha ianao, izay nanoritsoritra ny tenany ho tovovavy voajanahary, ary manana lahatsoratra tsara momba ny fifandraisana ara-pananahana eo amin'ny fiarahamonina Arabo: “nandritra ny fotoana fohy, niharan'ny finoan-diso Arabo mikasika ny taovam-pananahan'ny lehilahy aho, ary nilaza izany tamim-pireharehana, araka ny hitanareo, na dia ny fisainana hafahafa aza indraindray aza dia nieritreritra imbetsaka talohan'ny nanoherany ny teny henjan'ny fiarahamonina “.
Farany, manana fanontaniana vitsivitsy i Ubergirl, satria mieritreritra izy fa mahafinaritra ny mametraka fanontaniana kisendrasera [15], raha manolo-kevitra anao mba hamaky [16] ny The Lovely Bones avy amin'i Alice Sebold [17]kosa i AhMeD.