Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Karaiba: Andro Fanafoanana Ny Fanandevozana

Fanamarihana: ity lahatsoratra ity dia nivoaka tamin'ny taona 2007

Ny 1 Aogositra no fotoana fankalazana ny Andro Fahafahana [ao anatin'ireo firenena Karauba miteny anglisy]. 173 taona lasa izay no nanambaràna ny fanafoanana ny fanandevozana ary mbola manan-kambara betsaka hatrany momba izany ireo mpanao blaogy ao amin'ny faritra Karaiba.

Apetrak'i  Geoffrey Philp [Ang] jamaikana mpanao blaogy ny gadom-peon'ireo fanelanelanana amin'ny fitanisàna ireo tononkira tena malaza indrindra an'ilay olomasin'ny reggae Bob Marley :

“Mialà amin'ny fanandevozana ara-tsaina / Tsy misy olona afaka manavotra ny saintsika afa-tsy isika ihany” (ireo tononkiran'i Bob Marley ‘Hiran'ny Fanavotana’, nindramina tamin'ny lahateny iray an'ny Marcus Mosiah Garvey Mendri-kaja)

Abeni, [Ang] avy any Saint Vincent sy ireo Grenadines, manamarika fa “farafaha-ratsiny, tsy tokony hankalaza intsony an'io andro io isika ny Alatsinainy voalohany amin'ny volana Aogositra mba tsy hanapahana ny herinandron'ny asa raha toa mianjera andro hafa ilay izy…. fara-faharatsiny isika miantso azy io ankehitriny ho toy ny “Andron'ny famotsorana” fa tsy ho “Alatsinain'ny volana Aogositra” intsony. Saingy mbola misy hatrany ireo ahiahiny.

“Indraindray isika ohatran'ny mahatsapa fa afaka manaisotra tsy misy ahiahy an'io fahatsiarovana io satria tsy mba manana fahatsiarovantena iraisana mikasika ny dikan'io andro io. Amin'ny ankamaroan'ireo olona, mitovy amin'ny andro tsy fiasana rehetra fotsiny io, ankafizina tsy asiana fieritreretana na anehoana asa fisaorana. Tena mampalahelo, saingy rehefa lavitra ireo zava-misy mahatsiravina mikasika ny fanandevozana isika sy satria tsy mba nitahiry  an'io fahatsiarovana io tao anaty Tantarantsika, dia tena tsy mahagaga mihitsy”.

Hatrany Barbade, manaiky Cheese on Bread [Ang] fa:

Fotoana izao hieritreretana ny làlana nizorana amin'ny maha-firenena sy amin'izay mbola tokony ho tontosaina. Mino aho fa mbola famotsorana betsaka no ilaintsika atao”.

i Thebookmann [Ang] izay manoratra blaogy avy ao Trinité-et-Tobago dia mamporisika ireo mpamaky mba hitsidika ny fampisehoana mikasika ny fanafoanana ny fanandevozana atao ao amin'ny mozeam-pirenena, raha ilay trinbagoniana mpiray tanindrazana aminy kosa mbola manoratra eo amin'ny blaoginy Now is Wow[Ang]:

“Tsy nosainiko fa hoe i Trinidé-et-Tobago no firenena voalohany indrindra teto an-tany nanao ny andro fankalazana ny fanafoanana ny fanandevozana ho fetim-pirenena tsy iasàna. Nefa ny fanandevozana mbola misy hatrany. Rehefa andron'ny Famotsorana, dia misaina ny ankapobeny amin'izay zavatra tiako hafahana eo ain'ny fiainako manokana aho.”

Omen'ny blaogy Antilles [Ang] loko literatiora ilay fankalazana, amin'ny fanamarihana fa ny 1 Aogositra dia “fahatsiarovana koa ny nandefasana ny laharana voalohany tamin'ny Caribbean Review of Books, navoaka voalohany efa ho enina ambiny folo taona lasa izay tao amin'ny toby Mona de la University of the West Indies, raha toa mandroso hevitra momba ny sakafo matsiro ho entina mankalaza izany kosa ny TriniGourmet.com [En].

I Abeni angamba no mamintina tsara kokoa an'io andro io amin'ny fanoratana hoe:

“Heveriko fa ny fanamby dia ny fanaovana zavatra misy dikany isanandro. Ireo matso sy ireo fampisehoana, tena tsara, saingy tsy maintsy manao betsaka kokoa sy mahavita mampiraikitra ao anatin'ireo tanora ny fahafantara ny dikan'io andro io. Azo sainina ny hametraka rhy fifandraisana amin'ireo firenena Afrikana Andrefana [fanamarihan'ny mpandika: toerana niaingan'ireo andevo] “, tandindon'izay nataon'ireo Garifuna de Belize (Brezila) izay manao fivahinianana masina ao amin'ny nosy Saint Vincent. Maro amin'ny olona no tsy mahazaka ny firesehana ny fanandevozana, saingy izay no zava-misy ara-tantara, ary tavafoaka velona tamin'izany isika. Manana betsaka hankalazaina isika.”

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.