Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ivelan'i Venezoela: Rakipeo Mankany Amin'ny Lalina

Venezoelà no manana ny tahirin-tsolika lehibe indrindra fantatra erantany. Taona maro tany aloha, izy no nanankarena indrindra tao Amerika Latina. Firenena iray mikororosy izy ankehitriny, tsy ampy sakafo; vidim-piainana midangana be eto an-tany; areti-mifindran'ny vonoolona tsy mitsahatra mitombo; ary governemanta iray faran'izay tsy mamim-bahoaka manamafy ny fahefany amin'ny alàlan'ny lalàm-panorenana no sady mamoritra an-kerisetra ireo mpanohitra azy.

Tsy olana iray no misy ao Venezoelà. Manana olana marobe izy, mifamatopatotra izy rehetra ireny ary miantraika amin'ireo Venezoeliàna tsotra. Koa satria mihamafy ny fiainana ho an'ireo olona 31 tapitrisa miaina ao anatin'i Venezoelà, ao anatin'ity fizaràna iray amin'ny “Mankany amin'ny Lalina” ity dia niresaka taminà vehivavy Venezoeliàna roa izahay, izay monina ivelan'ny fireneny.

Laura Vidal sy Marianne Díaz Hernández dia samy mpikambana ato amin'ny vondrom-piarahamonina Global Voices. Vao haingana i Marianne no nandao ny fireneny, noho ny krizy; Laura kosa efa sivy taona lasa izay, 2008, no niàla tany, fony ilay fandaharanasa sosialin'i Venezoelà nampahafantarina ho toy ny lasitra ho an'i Amerika Latina.

Ity ny topimaso avy amin'ilay andiany :

Izay rehetra ataonao ao Venezoelà amin'izao fotoana dia toa misy fomba fifandraisany amin'ny fomba fitondra an'ilay firenena daholo. Ohatra, tsy manana ronono intsony ianao dia mila mifampiresaka amin'ny hafa momba ny zavamisy hoe tsy afaka  manana ronono ianao satria mila mividy ronono amin'ny fatra betsaka, amin'ny andro voafaritra ao anatn'ny herinandro, noho ireo fanapahankevitra politika noraisina. Ny zavatra rehetra mitranga ao amin'ny firenena, ny mitranga ao anatiny momba izay resaka izay sy ny hoe ianao tsy maintsy mametraka ny tenanao any anatin'ny sehatra ara-politika any sy mandray ankolafy.

Misy foana ny fomba handavoana olona iray. Sakànana ny asanao any amin'ny ministera iray. Sakànana ianao tsy handeha. Sakànana ianao tsy hahazo vatsimpianarana. Sakanana ianao tsy hahazo miditra oniversitem-panjakana. Sakànana ianao tsy hanaraka ny governemanta. Misy foana antony iray tsy amelàna anao haneho ny fomba fijerinao na hanakànana anao tsy handray anjara. Ary tsy ireo olona manaraka ny governemanta ihany io. Efa lasa zavatra iainana amin'ny ankapobeny io. Ankehitriny amin'izao izaho efa aty ivelan'ny firenena izao, samy mampangina ahy ireo lafy roa ireo. Tena tsy manana zo haneho hevitra aho, na misy aza zavatra izay fantatro ankehitriny fa tsy ho takatro velively raha mbola tsy niala tao amin'ny firenena aho.

Ny Mankany Amin'ny Lalina dia rakipeo an'ny Global Voices andoaranay avy any anatin'ny lalina ny lohahevitra iray izay tsy mahazo loatra ny fandrakofana mendrika ho azy avy amin'ireo fampahalalam-baovao mahazatra. Nasongadinay ato anatin'ity fizaràna ity ireo mozika nampiasàna ny lisansa Creative Commons avy ao amin'ny Arsivan'ny Mozika Malalaka (maimaimpoana), isan'ireny ny Daemones sy  Scenery an'i Kai Engel, Bathed in fine dust an'i  Andy Cohen; ary Mutinee an'i Podington Bear.

Ny sary nasongadina ato anatn'ity rakipeo ity antsoina hoe “Rehefa tsy maty ireo tanora Venezoeliàna dia manao inona”  dia an'ilay Venezoeliàna mpanaingo an-tsary, Gonzalez. Fampiasàna nahazoana alàlana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.