Tsena Tamu Kianggeh ao Brunei. Sary Flickr avy amin'i ¡kuba! (CC BY-NC 2.0)

Nisy mpiasan'ny governemanta iray ao Brunei  voampanga ho nanitsakitsaka ny lalànan'ny fampisaraham-bazana tao amin'ny tsanganana Facebook iray nitsikera ny politikan'ny fanomezana alalana Halal an-taratasy avy amin'ny Minisiteran'ny raharaham-pivavahana.

Ny alalana Halal dia midika fa iantohan'ny manampahefnaa ara-pivavahana ho mifanaraka amin'ny fenitra islamika ny vokatra avy amin'n sakafo iray.

Tamin'ny 16 Jolay  2017 i Shahiransheriffuddin bin Shahrani Muhammad no nanoratra tao amin'ny kaontiny Facebook nomeny anarana hoe Shahiran S. Leong amin'ny loniloniny nandre ny tati-baovao manazava ny fomba fanomezana alalana Halal vaovao navoakan'ny minisitera.

Nitaraina amin'ny hanakaramana mpanaramaso sakafo Halal sy ny fiantraikan'izany amin'ny fihariana madinika i Shahiran:

This may also hit people in other industries like cosmetics. My cousin thinking about making soaps as a hobby will be impacted.

Get a halal cert or get fined. Halal certs will cost you fucking loads like hiring up to 5/6 new people. Small home based businesses ARE NOT EXEMPTED.

Mety hahatratra olona any amin'ny vondron'orinasa hafa tahaka ny fikarakarana tarehy ihany koa izany. Ho tratra ihany koa ny rahalahiko mieritreritra ny fanaovana savony ho fialamboly.
Na mahazo taratasy halal na voaonitra. Handany ny volanao amin'ny fanakaramana olona dimy na enina vaovao ny taratasy halal. TSY AFA-MIALA amin'izany ny fihariana madinika an-tokantrano.

Ahitana voambolana manivaiva ny manampahefanan'ny minisitera ankilan'ny fangatahana ny Broneiana hisinta-kevitra amin'izany ny tsanganana.

Tsy tazana intsony ilay tsanganana Facebook saingy nisy mpisera Twitter afa-namoaka ny dikasariny.

Brunei, instead of listening to their people for speaking out, they fine them. In other news, water is wet. pic.twitter.com/E9Ydg36rYH

— Mirza Yvsof (@mirzayvsof) July 28, 2017

Brunei, raha tokony hihaino ny vahoakany manandra-peo, dia mampandoa onitra azy. Amin'ny vaovao hafa, lena ny rano.

Brunei dia fanjakana entim-panjaka mahefa maro an'isa ny miozolomana. Tamin'ny taona 2014, naitatry ny governemanta ny fampiharana ny lalàna Sharia, izay mahatonga ahiahy amin'ny fetezan'ny fanasaziana sasany, toy ny fitoraham-bato mandramaty izay azo mijangajanga. Brunei no firenena Aziatika voalohany mampihatra ny lalàna Sharia eo amin'ny sehatra manerana ny firenena.

Araka ny tranonkalam-baovaon'i [Brunei], dia voampanga amin'ny andalana hita ao amin'ny Fizarana  4 (1) (c) amin'ny Lalànan'ny Fampisaraham-Bazana, izay mametraka fa namoaka lahatsoratra mampisara-bazana tao amin'ny pejiny Facebook i Shahiran. Raha meloka amin'izany izy dia hiatrika fandoavana onitra mahatratra BN $5,000 (US $3,600) sy famonjana roa taona. Noafahana vonjimaika taorian'ny fandoavana onitra amin'izany izy ary nodidiana tsy mahazo mamoaka lahatsoratra, fanehoan-kevitra mamely ny governemanta ao amin'ny media sosialy. Ny fotoam-pitsarana an'i Shahiran dia hotontosaina amin'ny 31 aogositra 2017.

Niteraka fanehoan-kevitra miresaka tsy fisian'ny fahalalaham-pitenenana ao amin'ny firenena eo amin'ny mpisera Twitter maro ny raharaha Shahiran:

Anyways that guy that's being charged with speaking out against the govt is a reminder that we don't have freedom of speech.

— eva ⭐️ (@NotEvaAbidin) July 28, 2017

Izany eo ihany fa fampahatsiahivana fa tsy manana fahalalaham-pitenenana isika ity boay voampanga ho mitabataba amin'ny governemanta ity.

Ny sasany nanasongadina ny hamafin'ny fanasaziana mahazo an'i Shahiran noho ny famoahany fotsiny ny fijeriny; ny hafa manaiky fa rariny ny ahiahiny, saingy notsikerainy kosa ny tsy fahaizany manaja olona:

I feel the same. How did Brunei has becoming more and more oppressed of a country?? https://t.co/uVUa6US672

— Fitzah (@JustFitzah) July 28, 2017

Mahatsapa izany ihany koa aho. Ahoana no nahatonga an'i Brunei ho firenena mihamanao tsindry hazolena hatrany.

Maybe if shahiran were to use APPROPRIATE&WISE words with a bit of RESPECT, the government would've taken his feedback into consideration https://t.co/RTrzUvSBMl

— d4v (@d7nuwai) July 28, 2017

Angamba raha nampiasa voambolana MENDRIKA&HENDRY miaraka amin'ny FANAJANA izy dia nety mba ho nandray ny tamberina ihany ny governemanta.

Well im not sure how swearing at the government is to be praised upon even for speaking out on behalf. The way he said it is disrespectful https://t.co/b0O10v2LlD

— ashinope (@Asyyy_x) July 28, 2017

Tsy haiko hoe ahoana no hoderaina ny fanivaivana ny governemanta na dia miteny ho solotenan'ny maro aza. Tsy manaja ny fomba fitenenany

Voafehy tanteraka ny famoaham-baovao ao Brunei ary tsy iadian-kevitra an-tserasera loatra ny resaka fahafahana sivily, izany no mahatonga ny resaka mandeha amin'izao fotoana amin'ity raharaha Shahiran ity ahafaha-manopi-maso izay eritreretin'ny mpiserasera amin'ny toe-draharaha ao amin'ny firenena amin'izao fotoana.