Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Misaona An'Ilay Poety Palestiniana Mahmoud Darwish Ireo Bilaogera Jordaniana

(Marihina fa tamin'ny 11 Aogositra 2008 no nanoratana ny lahatsoratra teny anglisy)

Nisaona ilay poeta andrarezina Palestiniana, Mahmoud Darwish  izay maty noho ny fahasarotana nisy teo amin'ny fandidiana fo teo amin'ny faha 67 taonany tamin'ity herinandro ity ny tontolon'ny bilaogy Jordaniana. Ho an'ny Jordaniana, mihoatra noho ny mpifehy ny teny i Darwish. Heverina ho ambasadaoro sy tompondaka tamin'ny fiarovana ny Palestiniana izy; maneho mazava tsara ny fihetseham-po eny an-dalambe ao anatin'ny fampisehoana poetika izy.

Nilaza an'i Darwish ho ilay “Poeta namela ny lovan'ny sanganasa malaza mandrakizay izay nanaitra ny sofina, ny saina ary ny fon'ny vahoaka ” ilay bilaogera Ammar Sajdi

Namaritra ity tranga mampalahelo ity ho “Andro tena mampalahelo ho an'ny firenena iray manontolo” i Amjad raha i Mais kosa nanontany hoe “iza no hanohy ny fitantarana ny ratra Palestiniana ?” (Teny Arabo)

Nandefa ny “State of Siege” (Toetry ny Fahirano) i Tololy, tononkalo klasika an'i Darwish izany, izay manambara hoe: “Nahoana no misaona poety ianao?
Aza manao izany. Misaona an'izao tontolo izao tsy misy azy ianao. “

Nisafidy ny hisaona an'i Darwish ny ankamaroan'ny bilaogera Jordaniana tamin'ny alalan'ny famoahana ny tononkalony isankarazany tamin'ny teny Arabo sy teny Anglisy, mba ho vakian'ny rehetra ao anatin'ny fiderana ilay poety malaza amin'ny alàlan'ireo teny nampiasainy manokana .

Voatery nampatsiahy ilay profesora Arabo mpiara-miasa aminy izay nanokatra ny masony tamin'ny sanganasa tononkalon'i Mahmoud Darwish i Asoom, raha nampahatsiahy ny fanatrehany ny tononkalony farany izay novakiana tao amin'ny Lapan'ny Kolontsaina ao Ramallah tamin'ny volana Jona lasa kosa i Iman  .

Sarin'i Mahmoud Darwish tao amin'ny Wikimedia Commons

Hita ao amin'ny Global Voices Online ihany koa :
MasoArabo : Fisaonana an'i Mahmoud Darwish

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.