Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Shily: Fikambanana Voalohan'ireo Bilaogera

(Fanamarihana: lahatsoratra nivoaka tamin'ny Janoary 2007)

Vondrona iray misy bilaogera no nanapaka hevitra ny hanao Fikambanana ho an'ireo Shiliana Bilaogera [ES]. Ny hevitra dia teraka avy amin'ny ahiahy momba ny tsy fananana fomba fiseraserana voarindra. Araka ny fanazavan'izy ireo:

Somos una agrupación de voluntarios con objetivos comunes, que mediante los blogs, buscamos desarrollar iniciativas comunitarias de diversa índole. Fomentar la comunicación y la democracia por medio de la internet, buscar la representabilidad de nuestro pareceres, canalizar nuestras aspiraciones, reparos y posiciones bajo un techo ordenado y pluralista que albergue a todos sin exclusión.

Vondrona iray misy ireo tsara sitrapo manana tanjona iraisana izahay, izay avy amin'ny weblogs, katsahanay ny hampivelatra ireo fandraisana andraikitra iombonana avy aminà sehatra samihafa. Mikasa ny hampiroborobo ny serasera sy ny demokrasia amin'ny alalan'ny aterineto izahay, mikaroka fanehoana ny hevitray, fifantohana amin'ireo hetahetanay, ireo hevitray ary ireo tanjonay ho eo ambany tafo iray voalamina izay mampiray ny tsirairay tsy misy fanilikilihana.

Nambaran'izy ireo ihany koa fa tsy misy hevitra politika, finoana na ideolojika mikasika ny fikambanana, sady koa manolo-tena hanatanteraka ny hevitr'ireo bilaogera amin'ny fizaràna fomba fijery mivelatra, sy habaka andraisan'ny rehetra anjara.

Nanomboka tamin'ny volana Novambra 2006 ity vondrona ity ary efa misy mpikambana 300 sahady volana roa taorian'ny niforonany . Maniry ihany koa izy ireo ny hanaparitaka ny fampiasàna ny teknolojia. Nanomana fanentanana iray ho fampianarana mamaky teny sy manoratra nomerika izy ireo tany amina sekoly iray ary mikasa ny hanao bebe kokoa. Saingy ny tena ifantohany dia ny famokarana habaka iray handraisan'ny rehetra anjara. Amin'ny maha fikambanana tsy mitady tombony ara-bola azy, eo ampitadiavana mpanohana ihany koa ry zareo mba hanampy azy ireo handroso.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.