[1]Ny tetikasa tohodrano goavana Sardar Sarovar namboarina tamin'ny taona 2008. Sary avy amin'i Reinhold Behringer tao amin'ny Flickr. CC BY-NC-SA 2.0
Mandroso amin'ny fanokanana ny tohodrano mampiady hevitra ny manampahefana Indiana, ary fianakaviana an'arivony maro no nandà tsy handao ny tranony ao amin'ny faritra izay ho dibo-drano ka tsy maintsy terena roahina.
Nilaza [2] ny governemanta fa fianakaviana eo amin'ny 18.000 eo no voakasika, ary 6724 no miaina ao amin'ny faritra ho dibo-drano, na dia mihoatra aza ny isa [3] nolazain'ireo mpikatroka sy mpampianatra ambony [4] izay miampanga ny manampahefana [5]ho tsy miraharaha ny isa mba hampihena ny vola lany sy hisorohana fifandirana.
Fantatra fa tokony omena “onitra [6]” ireo mponina, anisan'izany ny onitra noho ny fahaverezan-tany sy ny fametrahana azy ireo amin'ny trano vaovao. Na dia izany aza, maro ireo nandà tsy hiala ny tanànany, mitaraina [7]fa ambany loatra tsy ara-drariny ny onitra ary tsy misy rano madio fisotro, fidiovana, tobim-pahasalamana fototra, sekoly, herinaratra ary arabe mihitsy aza ny toerana hamindràna azy ireo.
Ny tena tanjon'ny tetikasa tohodrano Sardar Sarovar ataon'ny fanjakana dia ny famokarana herinaratra mandeha amin'ny rano sy famatsian-drano fisotro ary fitarihan-drano ao amin'ny fanjakana ao Gujarat, Madhya Pradesh ary Maharashtra.
Saingy hatramin'ny nanombohan'ny fanamboarana tamin'ny taona 1987 [8], nilaza ireo mpanao fihetsiketsehana fa hitondra voka-dratsy ho an'ireo olona ao an-toerana izany. Efa nanaiky hanome famindramam-bola 450 tapitrisa dolara tamin'ny 6 miliara dolara ilaina amin'ny tetikasa ny Banky Iraisam-pirenena tamin'ny voalohany, saingy nanaisotra ny famatsiam-bola tamin'ny taona 1993 noho ny tsikera [9] sy fanoherana goavana. Najanona nandritra ny fe-potoana maharitra tamin'ny taona 1995 ka hatramin'ny taona 1999 ny asa noho ny didim-pitsarana navoakan'ny Fitsarana Tampony, saingy natomboka indray taorian'izay.
Nandritra ny taona maro, nitombo tsikelikely ny haavon'ny tohondrano nokasaina atao, raha 80 metatra izany teo aloha dia nampitomboina ho 138,68 metatra ankehitriny. Midika izany fa hisy fiantraikany amin'ny olona maro be kokoa ny tohodrano. Nisioka lahatsary Google Earth nataony mba hanehoana ny faritra ho dibo-drano ilay mpandraharaha ara-tsosialy Siddharth Agarwal:
A lot of my friends don't know about @NarmadaBachao [10] Andolan & Sardar Sarovar Dam. Used Earth Engine by Google to show submergence area: 1/n pic.twitter.com/MgUxraucUf [11]
— Siddharth Agarwal (@sidagarwal) August 3, 2017 [12]
Maro amin'ireo namako no tsy mahafantatra momba ny @NarmadaBachao [10] Tohodrano Andolan & Sardar Sarovar. Nampiasa ny Milina Earth ao amin'ny Google hampisehoana ny faritra dibo-drano:
Tamin'ny volana Febroary 2017, nanome baiko [13] ny Fitsarana Tampony fa ho vitaina ao anatin'ny telo volana ny fanomezana onitra ho an'ny fianakaviana voakasika, ary tsy maintsy mandao [14] ny lohasaha amin'ny 31 Jolay. Tamin'ny 17 jona 2017, nanome alalana [15] ho an'ny governemanta Gujarat mba hanakatona ny vavahadin'ny tohodrano Sardar Sarovar ny Manampahefana Mpanaramaso an'i Narmada, mahatonga ny tetikasa ho feno “amin'ny fomba ofisialy”.
Kasaina atao amin'ny 12 Aogositra 2017 ny fitokanana lehibe ataon'ny Praiminisitra Narendra Modi amin'ny tetikasa Tohodrano Sardar Sarovar [16] ao Gujarat, ary fantatra fa ho feno rano amin'ny faran'ny volana Aogositra ny tohodrano, mahatonga ireo faritra midadasika ho dibo-drano. Nandefa vaovao farany tao amin'ny Twitter ny lehiben'ny minisitra ao Madhya Pradesh, Shivraj Singh Chouhan:
98% construction work on R&R sites of Sardar Sarovar Dam has been completed. 12,500 out of 18,023 families have vacated the affected areas.
— CMO Madhya Pradesh (@CMMadhyaPradesh) August 1, 2017 [17]
98% ny asa fanorenana ao amin'ny toeran'ny Tohodrano Sardar Sarovar no vita. 12.500 amin'ireo fianakaviana 18.023 no niala ny faritra voakasika.
Terena hiala ny faritra ankehitriny ireo fianakaviana mbola mijanona ao amin'ny toerana
Mitarika ny fiarovana ireo fianakaviana niharam-boina ireo ny Narmada Bachao Andolan [18] (NBA), vondron'olona tompotany, tantsaha, mpiaro ny tontolo iainana sy mpikatroka ny zon'olombelona izay telopolo taona nandavàna ny fametrahana tohodrano midadasika manerana ny Renirano Narmada.
Tamin'ny 27 Jolay 2017, nanomboka nanao fitokonana tsy hihinan-kanina tsy voafetra tao amin'ny distrika Dhar ao amin'ny fanjakana Indiana Madhya Prades i Medha Patkar [19] sy mpikatroka hafa am-polony avy ao amin'ny NBA mba hitakiana onitra sahaza sy fanarenana ho an'ireo voakasika.
Na izany aza, tamin'ny andro faha-12n'ny fitokonana tsy hihinan-kanina, tamin'ny 7 Aogositra, noterena hiala [20]tao amin'ny toeram-pihetsiketsehana i Patkar ary nafindra tany amin'ny hopitaly iray ao Indore.
After heavy police deployment, beating up, breaking the pandal @medhanarmada [21] arrested by police, 12 fasting protesters left untouched pic.twitter.com/wKiGNM9FmX [22]
— NarmadaBachaoAndolan (@NarmadaBachao) August 7, 2017 [23]
Taorian'ny fanapariahana polisy, daroka, sy fandravana ny pandal, nosamborin'ny polisy i @medhanarmada [21], tsy nokitihana kosa ireo mpanao fihetsiketsehana 12 ambiny mifady hanina.
[24]Mpikatroka ara-tsosialy Medha Patkar. Sary avy amin'i Joe Athialy tao amin'ny Flickr. CC BY-NC 2.0
Manana mpitsikera ny Patkar sy ny NBA, nilaza ireo mpitsikera fa manohintohina ny fampandrosoana lehibe ao India izy ireo.
#MedhaPatkar [25] should be put behind bar for her role in anti national activities by creating hurdle in development of India.
— krishna kumar (@krishnakaswan) August 8, 2017 [26]
Tokony hiakatra fitsarana i #MedhaPatkar [25] noho ny andraikiny amin'ny hetsika manohitra ny firenena izay miteraka sakana amin'ny fampandrosoana an'i India.
SC had ordered removal of ILLEGAL encroachments adjacent to Sardar Sarovar dam. Why is Medha Patkar being portrayed as a ‘Social activist'? https://t.co/xlSpChqqsZ [27]
— Priti Gandhi (@MrsGandhi) August 8, 2017 [28]
Nanome baiko ny fanesorana ny fidirana TSY ARA-DALANA ao akaikin'ny tohodrano Sardar Sarovar ny SC (Fitsarana Tampony). Nahoana i Medha Patkar no lazaina fa “mpikatroka ara-tsosialy”?
Misy ihany koa ireo fandotoan-dresaka antserasera izay toa miseho fa anisan'ireo niharam-boina amin'ny tohodrano ary misaotra ny governemanta noho ny fanomezana toeram-ponenana, hafahafa fa hafatra mitovitovy hatrany no miseho [29].
See how BJP creating fake trend on twitter on Sardar Sarovar Dam
Medha Phatkar is on hunger strike since 13 days.Shavraj shud release her. pic.twitter.com/CbbsiHbCx8 [30]
— Kamran Shahid (@iKamranShahid) August 8, 2017 [31]
Jereo ny fomba famoronan'ny BJP fironana faikany ao amin'ny twitter mikasika ny Tohodrano Sardar Sarovar
Nitokona tsy nihinan-kanina 13 andro i Medha Phatkar.Tokony hamotsotra azy i Shavraj.
Nikarakara fihetsiketsehana manokana ihany koa ny olona ao amin'ny faritra hafa ao amin'ny firenena ho fanehoana firaisankina
#Narmada [32] supporters hold protest at Jantar Mantar in solidarity with #MedhaPatkar [25] & people of #NarmadaValley [33] sitting on Indefinite Mass Fast pic.twitter.com/VB300nVok7 [34]
— Avik Saha (@aviksahaindia) July 27, 2017 [35]
Nanatontosa fihetsiketsehana tao Jantar Mantar ireo mpanohana ny #Narmada [32] ho firaisankina amin'i #MedhaPatkar [25] sy ny vahoakan'i #NarmadaValley [33] manao Fifandian-kanina Faobe Tsy Voafetra
#MadhyaPradesh [36]: ‘Jal Satyagrah’ by displaced locals in Narmada river against the Sardar Sarovar Dam, at Barwani's Rajghat pic.twitter.com/ChUufPPiox [37]
— India TV (@indiatvnews) July 29, 2017 [38]
#MadhyaPradesh [36]: ‘Jal Satyagrah’ avy amin'ireo mponina ao an-toerana (nafindra toerana) ao amin'ny renirano Narmada manohitra ny Tohodrano Sardar Sarovar, ao Rajgha, Barwani
Tamin'ny 8 Aogositra, nolavin'ny [2] Fitsarana Tampony ny fitarainan'ny NBA mitady fanalavam-potoana amin'ny daty farany 31 Jolay mba hananerana ireo fianakaviana voakasiky ny Tohodranon'i Sardar Sarovar. Amin'izao fotoana izao, toa ireo Indiana monina ao amin'ny faritra dibo-drano no voakasiky ny fanerena fandroahana ao amin'ny tranon'izy ireo.