Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ny Herinandro Tao Amin'ny Bilaogy Boliviana – Maro an'Isa Tahaka ny Ahoana?

(Marihana fa efa tamin'ny volana Novambra 2006 no nivoaka ny lahatsoratra amin'ny teny Anglisy)

Ny Talata alina, nahita tampoka ny isa ilaina ny Senat Boliviana. Loholona mpanohitra maromaro no tsy  nety nihaona ho fanoherana ireo volavolan-dalàna maromaro napetraky ny antokon'ny fitondrana MAS. Loholona mpanohitra telo fanampiny no nanapa-kevitra hanatrika ny fivoriana mba handatsa-bato ho an'ny governemanta. Nisy ny fihetseham-pahatezerana, satria nisy ireo niampanga ireo loholona ho nandray kolikoly mba hanova ny vaton'izy ireo. Voaraoka tao amin'ny antoko tsirairay avy izy ireo avy eo, araka ny nsoratan'i Miguel Buitrago tao amin'ny bilaoginy.

Anisan'ireo lalàna nolanian'ity Senat mahagaga ity ny fankatoavana ny fifanarahana momba ny hydrocarbone (karibônina sy hidrozenina), fankatoavana ny fiarahamiasan'ny miaramila eo amin'i Bolivia sy Venezoela, fankatoavana ny tetibolam-panjakana, ary fanovàna ny Lalàna INRA (Lalànan'ny Fanavaozana  ny Fizakantany).

Na dia izany aza, iray amin'ireo olana goavana indrindra tsy vita ny resaka Antenimieram-Panorenana. Mihevitra ny governemanta fa tokony hankatoavin'ny maro an'isa tsotra ny andinin-dalàna, izay misy amin'izao fotoana izao. Raha nangataka ny mpanohitra fa tokony hajaina ny lalànan'ny Fampiantsoana ary tokony hajaina ny maro an'isa 2/3, izay manome antoka ny marimaritra iraisana sy ny fifampiraharahana mandritra ny fotoam-pivoriana. Bilaogera Sebastian Molina avy ao amin'ny Plan B (ES) nampiseho sary namboarin'ny vadiny, izay nilaza ity antso hanajana ny 2/3 maro an'isa ity. Naka ny sary ireo bilaogera hafa, tahaka an'i Andres Pucci. Nilaza izy fa na dia manana ny maro an'isa tsotra aza ny MAS ao aminy, tsy nahazo ny maro an'isa izy ireo tamin'ny fifidianana. Noho ireo vato tsy manankery sy vato fotsy, dia 42,2% fotsiny no azon'izy ireo.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.