Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Efa Zavamisy Iainan'ny Ankizy ao Ambovombe Ny Faharavan'ny Sivilizasiona

Children in Ambovombe, Madagascar. Photo by John Strauss Kotovaoarivelo, posted on Facebook.

Ankizy any Ambovombe, Madagasikara. Sary avy amin'i John Strauss Kotovaoarivelo, nalefa tao amin'ny Facebook.

(Marihina fa tamin'ny 24 Martsa 2015 no nanoratana ny lahatsoratra teny anglisy)

Nilaza ny boky siantifika iray nivoaka tao amin'ny Journal of Ecological Economics fa “hitarika any amin'ny fianjeran'ny fiarahamonina ny fitrandrahana tafahoatra ny Asa na ny Natiora” raha toa ka tsy misy na inona na inona atao hisorohana izany.

Raha mifototra amin'ny maodely matematika dia nanazava ny fanadhadiana (tamin'ny alàlan'ny The Guardian ) fa ny fihaonan'ny “loharanon-karena mivelatra noho ny vesatra apetraka eo amin'ny fahafahana mitondra ara-tontolo iainana ” sy “ny fizarazaran'ny fiarahamonina ara-toekarena ho vato nasondrotry ny tany [manankarena] sy ny daholobe (na “sarambabem-bahoaka”) [mahantra] ” dia hampitombo ny mety ho faharavan'ny fiarahamonina araka ny hita tamin'ny sivilizasionan'ny olombelona teo aloha.

Ity faharavana ity dia efa zava-misy any atsimon'i Madagasikara, faritra iray izay mijaly noho ny mosary miverimberina tao anatin'ny ampolo taonany. Olona miisa 300.000 no tandindonin-doza amin'ny mosary any amin'ny faritra noho ny haintany mafy sady maharitra nanomboka tamin'ny Novambra 2014. Miaina amin'ny vola latsaky ny 2 dolara isan'andro ny 90%-n'ny mponina Malagasy , izay fampahatsiahivana manaitra amin'ny fitomboan'ny tsy rariny eo amin'ny kaontinanta Afrikana.  Mpitantana kaontimbola avy any amin'ny faritra i John Strauss Kotovaoarivelo. Nitsidika ny tanàn’ Ambovombe izy ary tsy nahatana ny ranomasony tamin'ny zavatra hitany. Nisalasala izy kanefa nahatsiaro ho voatery nizara ny hamehana momba ny toe-draharaha tamin'ny alalan'ny fandefasana ny sarin'ireo ankizy izay miady amin'ny fiainana satria tsy ampy sakafo. Hoy i Kotovaoarivelo raha nanoratra hoe :

Je ne peux pas me taire et faire comme si de rien n’était devant la gravité de la situation vécue au quotidien par nos compatriotes dans le sud. Ces photos parlent d’elles même. Je ne vais pas vous prendre la tête pour ces photos, mais quand même en vous bousculant juste un peu pour réfléchir avec moi sur les pourquoi et les comment de toutes ces choses qui font chaque jour le calvaire de ces pauvres gens. Je vais vous révéler là des photos pour ne pas dire des informations qui passent presque inaperçues [..]  Nos dirigeants sont occupés ou aveuglés par d’autres choses qu’ils ne pourront jamais déchiffrer le message sur les regards de ces pauvres enfants

Tsy afaka ny hangina aho sy hiseho toy ny hoe tsy misy na inona na inona mitranga manoloana ny toe-javatra henjana hiainan'ireo mpiray tanindrazana amiko eo amin'ny fiainana andavanandro any atsimo. Miteny ho azy ny sary . Tsy hanadala ny sainao amin'ireo sary ireo aho, kanefa manantena aho fa hanosika anao izany mba handinika miaraka amiko momba ny fahorian'ireo olona ireo. Zaraiko fotsiny ireo sary ireo mba ho fantatra ny fijalian'izy ireo [..]  Variana sy jamban'ny zavatra hafa ny mpitarika ara-politika antsika ary tsy mahatsapa ny hafatra eo imason'ireo ankizy ireo izay mitady fanampiana.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.