Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Nosakanana Tao Emira Arabo Mitambatra Ve Ny Facebook?

(Marihina fa tamin'ny 3 Oktobra 2007 no nanoratana ny lahatsoratra teny anglisy)

Blockpage: United Arab Emirates

Araka ny Download Squad , voasakana ao Emira Arabo Mitambatra ny fidirana amin'ny habaky ny tambajotra sosialy malaza Facebook .  Nanamafy  ny mpisera aterineto sasany ao Emirà Arabo Mitambatra fa baiko avy amin'ny Etisalat izay an'ny governemanta ny fandrarana. Niantso ny foiben'ny antso ao amin'ny Mpanome Tolotra Aterineto ny mpandrindra ny itihad.net (Emira Arabo Mitambatra)  ary nilaza izy ireo fa nosakanany ny Facebook.

Ny mpisera aterineto hafa, na izany aza, dia nitatitra ( ato [Ar], ato [En] ary ato [En]) fa afaka miditra ny tranonkala izy ireo ary tsy misy ny fanakanana.

Tamin'ny 5 Septambra 2007, nilaza tamin'ny Time Out Dubai  ny  Manampahefana Mpandrindra ny Fifandraisandavitra Emira Arabo Mitambatra (TRA) fa “Amin'izao fotoana izao dia afaka milaza izahay fa tsy manana fikasana ny hanakana ny fidirana amin'ny Facebook (…) Efa renay fa  mieritreritra ny olona fa hitranga izany kanefa tsy hisy izany. Na izany aza, horaisinay ny fitarainana ary hodinihana ny antony mahatonga ny toe-javatra hitranga. “

Toa hita fa voasakana ho an'ny olona vitsivitsy ihany ny Facebook, fa tsy ho an'ny rehetra. Na izany aza, nanomboka ny fanangonan-tsonia  ny vondrom-piarahamonina Facebook Emira Arabo Mitambatra  mba tsy ho voasakana tanteraka. Efa nahazo sonia mihoatra ny 690 ny fanangonan-tsonia . Araka ny Time Out Dubai,” manana mpisera maherin'ny 55.000 i Facebook ao amin'ny Emira Arabo Mitambatra ary mitombo isan'andro izany.”

Saika toy izany ihany koa no nitranga tany Iran tamin'ny volana lasa , rehefa nitatitra ny HAMSA’s “C.R.I.M.E” fa voasakana ny Facebook , araka ny vaovao nomen'ny vondrona Facebook  “Manohitra ny fanampenam-bava an'aterineto sy ny fanivanana ao Iran”. Nanaraka ny raharaha tamin'ny alalan'ny fifandraisana tao Iran i Hamid Tehrani , Toniandahatsoratra Global Voices amin'ny teny Persiana, ary nahazo tatitra mifanohitra amin'izany sy sary avy amin'ny bilaogera  azo itokisana izy izay nanaporofo fa tsy ofisialy akory ny fandrarana fa natao eo amin'ny dingan'ny FAI ihany .

Azavain'ny tatitra tsy marina sasany ny fahasarotana rehefa miresaka ny  olana iadiana amin'ny sivana ao Iran. Araka ny nolazain'ny mpiara-manorina ny Global Voices Ethan Zuckerman hoe: ” ny iray amin'ireo olana lehibe amin'ny fanangonana sy ny fikiakiahana ny sivan'ny Aterineto dia ny mety ho hisaritaka be ny mamantatra ny antony marina tsy ahafahana miditra amin'ny tranonkala iray manokana. Moa ve ilay olana avy amin'ny mpanome tolotra aterineto manokana? Sa mihitsoka ny lohamilina? Sa karazana fanakanana sasantsasany no mitranga?” Nitanisa ny setriny tamin'ny fandraràna ny Blogspot.com any India i Zuckerman tamin'ny volana Jolay 2006, nandritra izany no nanaovan'ny bilaogera Indiana fanangonan-torohay sy nanaovan'izy ireo fanavaozam-baovao momba ny zava-nitranga, mba ho ohatra tsara hanaovana tatitra manohitra ny sivana .

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.