Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Global Voices Manome Voninahitra Ny Fiainan'i Bassel Khartabil, ilay Mpikatroky ny Habaka Misokatra, Maty Novonoin'ny Fitondrana Siriana

Bassel Khartabil. Sary an'i Joi Ito tao amin'ny Wikimedia (CC BY 2.0)

Tena vonton'alahelo tokoa izahay nandre ny fahafatesan'ny namanay, Bassel Khartabil. Misaona ny fahalasànany izahay ary mandefa ny fiarahana miory amin'ny fianakaviany, ny namany ary ireo rehetra nahafantatra sy nitia azy.

Mpitarika ny Creative Commons tao Siria izy, izay navitrika tao anatin'ny tetikasa maro toy ny Mozilla Firefox sy ny Wikipedia, ivo sy andrin'ny fanitarana ny fahafahana miditra aterineto no sady nanokatra fahalalàna ho an'ny daholobe tao Siria i Bassel Khartabil (aka Bassel Safadi). Namana akaiky izy ho an'ny maro ato amin'ny vondrom-piarahamonina Global Voices, nandray anjara tamin'ny fihaonambe 2009 natokanay ho an'ny Lohataona Arabo.

Ny Novambra 2015, notaterin'ny vadin'i Bassel fa nanatona azy ny olona izay nilaza ny tenan'izy ireo ho mpikambana ao anatin'ny governematan'i Assad. Nolazain'izy ireo tamin'i Noura Ghazi fa voaheloka ho faty ny vadiny, saingy tsy nisy fanampim-panazavana nomeny. Tsy nisy fantatra ny toerana nisy an'i Bassel sy ny fomba niainany tany hatramin'ny anio, fotoana nahafantaran'i Noura avy amin'ireo Siriana manampahefana fa hoe efa tamin'ny 2015 izy no novonoina.

Androany sy rahatrizay dia homenay voninahitra ny asan'i Bassel tamin'ny naha-mpitarika ny hetsika tranonkala misokatra azy. Ary omenay voninahitra ireo ezaka nandritry ny dimy taona lasa nataon'ny olona sy fikambanana marobe nisolo vava ho famotsorana azy.

Hatramin'ny nanombohan'ireo hetsipanoherana ny fitondran'i Bashar al-Assad tamin'ny 2011, maherin'ny 65.000 ireo olona nanjavona, araka ny voalazan'ny tambajotra Siriana ho an'ny Zon'Olombelona.

Tsy hita isa ireo izay nosamborina na niharan'ny fanjavonana an-terisetra nataon'ny fitondrana no niatrika fampijaliana, ary hatramin'ny famonoana mihitsy. Tamin'ny 2016, raha kely indrindra  17.723 no maty tany am-pitazonana azy hatramin'ny 2011, araka ny voalazan'ny Amnesty International, fikambanana iraisampirenena miaro ny zon'olombelona.Tantaran'olona marobe no mbola tsy fantatra.

Ireto ny vakiteny momba ny asa sy fiainan'i Bassel:

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.