Nalaza an-tserasera ao Azia afovoany, nahazo mpijery 83000 sy fifampizarana an'arivony any amin'ny sehatra media sosialy hafa hatramin'izao ny lahatsarin'ny ‘ampakarina’  tambanivohitra iray mandihy amin'ny “Stayin’ Alive,” hira disco tandrefana iray efa klasika nohirain-dry Bee Gees, mitarika ny fampitam-baovao hitodika any amin'ny olan'ny fanambadiana aloha loatra sy ny zavamisy sarotra iainan'ny ampakarina ao  amin'ity repoblika sovietika taloha ity.

For licensing contact cd@ruptly.tv По всем вопросам приобретения и использования видео обращаться по адресу cd@ruptly.tv . Когда меня достают распросами о замужестве, в голове происходит примерно это. #naryn #kg #bishkek #kyrgyzstan #kyrgyz #бишкек #кыргыз #кыргызстан #келин #жайлоо #юмор #танцывбишкеке #танцы #чуй #ош #иссыкуль #нарын #танец

A post shared by Сайкал Жумалиева (@sandrabrave_) on Jul 5, 2017 at 12:48am PDT

Ilay vehivavy avoitra sary mandihy sy mihira imolotra an'izay hira klasika nivoaka tamin'ny taompolo 70 dia tsy tena kelin (Fiteny Tiorkika: vinantovavy, ampakarina), fa i Saykal Jumalieva, Instagrammer iray avy ao Kyrgyzstan mampiasa ny media sosialy ho fanoherana ny fanambadiana aloha loatra. Ilay “kelin mandihy” araka ny iantsoana an'i Jumalieva, dia mpianatra haifanaovan-tsarimihetsika ao Kyrgyzstan tanindrazany. Araka ny antsafa natao tamin'ny fampitam-baovao sy ny tsanganana Instagram, dia vao 21 taona monja i Jumalieva nefa jeren'ny fiarahamonina ho efa antitra sahady tokony hanambady haingana araka izay azo atao. Tao amin'ny antsafa iray nifanaovana tamin'ny BBC English izy nitaraina momba ny fiainan-tsarotra mahazo ny tanora  kelins any ambanivohitra:

“Life in the village is round-the-clock work. Brides finish one chore and start another. They work 24/7.”

Tsy mitsahatra asa ny fiainana any ambanivohitra. Mahavita raharaha iray ny ‘ampakarina’ dia manomboka raharaha iray hafa indray. Miasa 24/7 ry zareo

Olana iraisana any amin'ireo repoblika ao Azia Afovoany izay anerena ny zazavavy tsy ampy taona, indrindra fa any ambanivohitra ny fanambadiana aloha, na dia efa natao ho tsy ara-dalàna aza. Ny zazavavy Kyrgyz sy Kazakh aza mbola miaritra fakana zazavavy ampakarina an-keriny [mg] ankoatra izany. Manodidina ny 12% amin'ireo ampakarina ao Kyrgyzstan no manambady alohan'ny faha-18 taonany, ary zazavavy Kyrgyz 12.000 isan-taona no misy maka an-keriny terena hanambady.

Ny ankamaroan'ny zazavavy vao nanambady ao amin'iny faritra iny dia miaina miaraka amin'ny fianakavian'ny vadiny ary ny ankamaroan'ny raharaha an-trano, ny fanadiovana sy ny fahandroana sakafo ho an'ny fianakaviana iray manontolo ary ny fikarakarana ny fandriana dia iantsorohan'ny vady vao avokoa. Antenain'ny fiarahamonina hanompo ny fianakaviam-badiny ny vinantovavy. Amin'ny fanaovana izany ry zareo tsy afaka mivezivezy, tsy afaka mianatra, ary amin'ny ankamaroany tsy afaka miasa ivelan'ny trano. Marefo eo amin'ny fihoaram-pahefana ara-batana ny Kelins ary matetika ny rafozam-bavy no mampihatra herisetra ara-tsaina amin'izy ireny.

Na dia eo aza ny fandaharan'asam-pirenena tohanan'ny fanjakana ara-bola sy ny fandraisana an-tanana ataon'ny firaisamonim-pirenena tohanan'ny iraisampirenena, dia tsy mbola nahomby loatra hisian'ny fiantraikany maharitra eo amin'ny fiainam-behivavy ireny rehetra ireny. Ny fomba vaovao tahaka ny nataon'ity qizi (zazavavy) Kyrgyz hita mandihy ao amin'ny Instagram aza no mora mahomby kokoa eo amin'ny fanairana amin'ny zava-tsarotra iainan'ny kelins any ambanivohitr'i Kyrgyzstan.