Raha afohezina ny tantara dia manomboka amin'ny voalohany septambra izao, dia mahazo 60 ora isam-bolana ny mpiserasera. Ny dikan'izany dia roa ora isan'andro na mitroka 2 gigas… Azonao raisina an-tsaina ve izany? Ny sara dia manomboka amin'ny 45 livra ejipsiana (5.8€)  ary izay te-hahazo ora maro kokoa dia tsy maintsy mandoa bebe kokoa. Tsy azo nosainina mihitsy izany sara izany raha ampitahaina amin'ny 20 na 25 livra aloantsika ankehitriny. Hanana ny taribiny manokana ny trano tsirairay avy ary azonao eritreretina ny ho dikan'izany…
Misy ny fanentanana handefa taratasy fanoherana izany rafitra izany. Efa voasoratra ny taratasy ary efa vonona ary azo alaina amin'ny alalan'ny rohy etsy ambany. Mety hanova zavatra ny taratasinao. Tsy te-ho lava taria aho fa raha tsy mandefa taratasy ianao, dia midika izany fa manimba ny ezaka ataonay ianao ary tsy miraharaha ny zonao sy ny zonay ihany koa mazava loatra.. ary izany hatrany anefa no tian-dry zareo esorina amintsika.

Fanentanana taratasy iray tapitrisa:
Nahita ity lahatsoratra ity tao amin'ny dinika iray aho handefasantsika taratasy iray tapitrisa amin'ireo manampahefana ofisialy na tsy ofisialy… amin'ny sarambambem-bahoaka ihany koa… hivondrona hifanohana manoloana ity raharaha ity..
Atao resaka razokiny fa tokony hanao zavatra isika… satria mihevitra antsika ho adala ry zareo..taratasy tsy handreraka anao ity… ary tsy hanao ezaka be ianao…Tsy te-handre avy aminareo aho hoe tsy misy dikany izany ary tsy manana na inona na inona isika… ka hoe tsy hamaha ny olana izany… Hanoratra amin'olona maro isika.. ary antenaina fa hisy vokany izany…
Andramo. Mety hahomby izany…

Takatray ny antony hampidirana ity rafitra ity ka mamarana hatreo ny fifampizarana aterineto sy ireo mihoa-pefy amin'ny aterineto mahazo vola tsy ara-dalàna amin'ny alalan'ny fandrohizana ny tambajotran'ny mpifanolo-bodirindrina aminy amin'ny alalan'ny tariby na onjam-pifandraisana. Nefa andriamatoa, hanasazy ny mpisera aterineto rehetra tahaka anay izany rafitra vaovao izany izay hiaritra amin'ny fampidirana sara vaovao. Etsy andaniny koa anefa dia hahazoan'ny mpampiasa vola izay efa nametraka fifampizarana aterineto tombony ity rafitra vaovao apetrakareo ity satria hampiasa ny halakin'aterineto 2 mega ry zareo ka hampitombo ny tambajotrany. Mitaky izahay ny hamerenana ny famandrihana aterineto tsy voafetra hiantohana ny zonay hiditra aterineto sy haharaka ny fandrosoana. Ny tokony ataonareo dia ny hiady amin'ireo mampiasa aterineto amin'ny fomba tsy ara-dalàna. Miandry fanazavana haingana (avy amin'ny manampahefana) izahay sy fanitsiana amin'ity fanapahan-kevitra ity.