Shily: Horohorontany sy Fiakaran'ny Ranomasina

(Marihana fa efa nivoaka tamin'ny volana Martsa 2007 ny lahatsoratra amin'ny teny Anglisy)

Firenen'ny horohorontany i Shily. Nandritra ny volana vitsy lasa, niharan'ny hetsika horohoron-tany isan'andro ny faritra ao Aysén. Tamin'ny herinandro lasa, niteraka firodanan'ny fiord (vaingan-dranomandry milentika lalina anaty rano) tao an-dranomasina ny horohorontany mahatratra 6.2 amin'ny maridrefy Richter. Namely ny tanàna kely ao Puerto Tortuga ihany koa ny andiana horohorontany, nandrava zavatra maro nandritra ny fandalovany.

Maro ireo olom-pirenena nitsikera ny fihetsiky ny manampahefana, tahaka ny lahatsoratra tao amin'ny bilaogy Copihues Rojos [ES] ohatra:

Las autoridades discuten si fue tsunami, maremoto o sólo marejada, como si esto tuviera alguna importancia para los que perdieron casas, familiares o sus animales. La Presidenta fué a la zona. Inmediatamente la derecha criticó, que era un error haber ido, pero si no hubiera ido igual la criticarían. El asunto es que hay que solucionar los problemas que deja el sismo y prever lo que pueda venir, por que aún no hay nada seguro sobre lo que vendrá. Hay que tener en cuenta que hace dos años hubo un fuerte terremoto en el norte del país, en la zona cordillerana y aún lo que se derrumbó esta en el suelo, antiguas iglesias construidas por los españoles, monumentos históricos etc.

Miadihevitra ny manampahefana mba hahafantarana raha fiakaran'ny ranomasina, tsunami na onja be fotsiny izany, tahaka ny hoe zava-dehibe tamin'ireo namoy havana akaiky, trano sy fiompiana izany. Nidina teny an-toerana ny filoha. Avy hatrany dia nitsikera azy ny ankavanana, nilaza fa fahadisoana ny nandehanana tany, saingy notsikerainy koa anefa raha tsy nandeha tany aza izy. Ny tanjona dia ny hamaha ny olana nateraky ny horohorontany sy hisoroka izay mety ho avy, satria mbola tsy fantatra izay mety ho avy. Tokony hotadidintsika fa roa taona lasa izay, tao avaratry ny firenena, nisy ny horohorontany goavana tao amin'ny tendrombohitra mandavana, ary mbola hita amin'ny tany ireo zavatra nirodana, tahaka ny fiangonana fahiny naorin'ny Espaniola, sy ny tsangambato manan-tantara, sns.

Anisan'ireo mpilatsaka an-tsitrapo ho amin'ny fiarovana sivily ny Capitán Tricolor [ES], nanomboka tamin'ny horohorontany tamin'ny taona 1985 tao amin'ny faritra afovoan'i Shily. Miresaka ny toe-draharaha ao Aysén, mampahatsiahy ny hetsika horohorontany namely ny faritra nanomboka tamin'ny volana Janoary teo izy. Nanazava izy fa namoaka tatitra tamin'ny volana Marsa ny Onemi (ES), (Biraom-pirenena momba ny Vonjitaitra) ary nanoro-hevitra mba hamindra ny faritra izay mety hisian'ny hovitrovitra mahatratra 6 amin'ny maridrefy Richter satria mety hitera-doza. Manazava ny antony izy:

El caso de Aysén es diferente, la misma Onemi había anunciado que los movimientos telúricos que han afectado la zona desde enero son de origen volcánico (formación de un cono volcánico submarino), se informó de la muerte de fauna marina por el aumento de la temperatura del agua y la semana pasada se había informado de desprendimiento de laderas de cerros luego de un sismo fuerte.

Samihafa ny tranga tao Aysén. Nanambara ny Onemi fa ny horohorontany namely ny faritra nanomboka tamin'ny volana Janoary dia avy amin'ny volkano (fiforonan'ny volkano ambanin-dranomasina) ary nanamarika ny fahafatesan'ny biby an-dranomasina noho ny fiakaran'ny maripànan'ny rano ihany koa izy ireo. Tamin'ny herinandro lasa, nanambara fihotsahan'ny tany teo akaikin'ny tendrombohitra taorian'ny horohorontany ihany koa izy ireo.

Hatramin'izao, olona telo no namoy ny ainy, fito nanjavona. Ahitana fijoroana vavolombelona avy amin'ny lahatsoratr'ireo bilaogera vahiny tao Aysén ny bilaogy El Morrocotudo [ES]: Misionera ao Patagonia i Steve sy Rhonda Wilson [En] ary Jen [En] kosa Britanika monina miaraka amin'ny sakaizany ao Coyahique.

Mamoaka vaovao amin'ny aterineto mikasika ny horohorontany tao Shily nandritra ny Tantara ny Diban [ES] (Departemantan'ny Tranomboky, Tahiry sy Mozea), ka anisan'izany ny sary. Manome tatitra feno isam-bolana momba ny horohorontany kosa ny Sampan-draharaha momba ny Horohorontany [ES] sy ny Oniversiten'i Shily [Es].

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.