- Global Voices teny Malagasy - https://mg.globalvoices.org -

Fanatanjahantenam-pirenena: Fanehoana Tokana Ny Rehareham-Pirenena

Sokajy: Afrika Avaratra sy Afovoany Atsinanana, Amerika Latina, Azia Atsinanana, Emirà Arabo Mitambatra, Indonezia, Japana, Katara, Kolombia, Malezia, Fanatanjahantena, Mediam-bahoaka, Zavakanto & Kolontsaina

(Fanamarihana: efa nivoaka tamin'ny volana Febroary 2008 ny lahatsoratra tamin'ny teny Anglisy)

Na amin'ny alalan'ny didim-panjakana na ny laza, anisan'ny fanatsarana ny kolontsaina isaky ny firenena rehetra ny fanatanjahantena ao amin'ny firenena [1]. Tonga miaraka mba handray anjara, hijery na hampahery ireo atleta na ekipa ankafiziny ny olona avy amin'ny sarangam-piainana marobe. Jereo ny fanatanjahantena nasionaly tsy manam-paharoa ao Colombia, Japana, Malezia, Indonezia, Qatar ary ny Emirà Arabo Mitambatra.

Tejo | Niguateros by Luis Perez

Tejo Niguateros [2] avy amin'i Luis Perez [3]

Ao Colombia, nampiditra ity lahatsary manaraka ity i ramiroparias [es] [4], manazava ny anjara asan'ny tejo [5], lalao mitoraka zavatra 2 kg avy eny alavitra ao amin'ny sehatra feno tanimanga mba hahazoana isa mifandray amin'ny faribolana nofaritana ao amin'ny faritra tanimanga ahitana tsipika 4 antsoina hoe “fusible” manodidina azy. Afaka mijery ny lalao ao amin'ity lahatsary navoakan'i yecido [6] ianao.

https://youtube.com/watch?v=T3NJ55c4pZQ

Ao Japana, Sumo wrestling [7] (tolona) no fanatanjahantenam-pirenena. Sumo dia fanatanjahantena fifandraisana nentim-paharazana sy fomba amam-panao feno izay miezaka manosika ny mpifanandrina ivelan'ny faribolana ny mpitolona na manao izay hikasihan'ny mpifanandrina ny tany amin'ny faladian-tongotra ihany. Mampiseho fifaninanana nandritra ny volana novambra tao Fukuoka, Japana ny lahatsary manaraka avy amin'i purnamabs [8].

Avy ao Malezia sy Indonesia, manana ny Silat [9] izahay: dihy/ hira an'ady. pssgmswk mizara momba izany [10].

https://youtube.com/watch?v=QZNgVd-_yF0

Ao Qatar sy Emirà Arabo Mitambatra, ny Camel Racing (Fifaninanana Hazakazaka Rameva)  [11]dia anisan'ny lovan'izy ireo, ary ankehitriny, novelomina indray izany. Taloha, ankizy kely 6 taona no nampiasaina hitaingina rameva noho ny lanja sy ny refin'izy ireo ambany. Amin'izao fotoana izao, ireo milina robot no nampiasaina hitaingina ny rameva, araka ny hitanao ao amin'ity lahatsary navoakan'i qatarvisitor [12] ity.

“http://www.youtube.com/v/jiV7ilZgxKk

Raha hijery ireo fanatanjahantenam-pirenena mampiavaka ny firenena hafa: jereo ny oina ao Romania [13], charreada ao Meksika [14], ary ny Tifitra Tsipìka Mongoliana [15].